迦樓羅女王

非常同意郭兄 !!!
唔知幾時開始 , 呢個社會就好推崇呢種 , 好容易放棄機會既態度 ...
好似千雪咁 , 就話佢為左讀書放棄名利 , 好清麗脫俗 ;
好似凱琳咁 , 就話佢為左愛情放棄名利 , 好偉大 ...
但係好坦白咁講 , 呢種咁唔進取既態度 , 真係咁應該被推廣咩???

坦坦白白咁講 , 我自己就係一個好唔上進既人 ...
但正正因為我意識到 , 呢個係問題 , 反而好想接收多正面D既資訊
... 覺得推廣呢種態度 , 對年青人都唔會係一件好事 !!!

迦樓羅女王

高兄 , 我可能太集中於漢人對外族既壓迫(漢人>巴蜀彝人) ,
或者外族對外族既壓迫(彝人>雲南緬人) ,
但好似忽略左漢人對漢人既壓迫 ... 講既係十六國時既南遷漢人

記得幾年前我先發現 , 南遷漢人其實一離開十六國地區 ,
就會在當地定居 , 即主要在江蘇  安徽  湖北一帶 ,
但E+唸唸下 , 既然佢地去左三省定居 , 咁原本三省居民又點???
係咪又被迫遷往更南既浙江  江西  湖南???

迦樓羅女王

比高兄講完之後 , 小弟係度唸 , 五胡又可以分為三個集團 :
第一個係匈奴同羯 , 羯被稱為匈奴別部 , 係幾百年前 ,
就從於匈奴之下 ;
第二個係氐同羌 , 雖然未知點解 , 但羌族係十六國中期 ,
係一直以氐族既忠實支持者身份存在 ...

第三個就係鮮卑
(其實正式來講 , 鮮卑內部既隴西鮮卑  河西鮮卑  慕容部  
宇文部  段部反而係各不統屬)

十六國中既五個燕 , 佢地共同採用 "燕" 呢個國號 ,
係因為佢地都係出自慕容部 , 的而且確係有同一個源流 ;
咁匈奴同羯 , 共同採用 "趙" 呢個國號 ,
氐同羌共同採用 "秦" 國號 , 會唔會同上面從屬有關???

或者咁講 , 因為係前趙既建立同強大過程中 ,
羯族出左唔少力 , 所以佢地認為同匈奴一樣係前趙一份子
... 係劉曜昏庸佢地先要造反 , 佢地對 "趙" 有感情 ,
所以佢地唔係要獨立建國 , 而係要取得 "趙" 政權既控制

同樣既流程 , 可以係前後秦再演一次 ...
唔同既係 , "劉曜昏庸" 其實有少少老屈 , 相反羌人之叛 ,
就真係由苻堅一手做成 ... 高兄覺得咁理解得唔得???

迦樓羅女王

睇完侗泰語族 , 小弟想睇埋苗瑤 :
如果十六國時期 , 南遷漢人在江蘇  安徽  湖北 ,迫走左原居漢人 ; 原居漢人被迫移到浙江  江西  湖南 ,
咁應該係漢人第一次大力壓迫苗瑤 ...

而第二次大力壓迫期 , 應該就是五代和南宋 ...
南宋既情況 , 大致和十六國時期相近 ; 五代既南方九國
都大力發展生產 , 相信楊吳  南唐和馬楚等 ,
都會大力開發江西  湖南

我估計 , 苗瑤既主體去到元朝開始 , 己經被迫到去貴州 ,
去到清朝時 , 連係貴州都受到強大壓迫 ,
加上往西係彝人  往南係侗人 , 根本佢地就無得走 ...
所以迫住發生震動大清既 "苗亂" , 而經過大清既大屠殺
先改變左貴州以苗族為主體既人口結構

迦樓羅女王

其實我有一點唔係太明 ... 因為即使秦國無大力發展巴蜀 ,但到成漢建立之前 , 其實至少都經歷左公孫述既成家  蜀漢既統治 ,
佢兩個係地方政權 , 一定會大力發展巴蜀

咁點解到十六國時期 , 氐人仲足以強到獨立建國???
(雖然都可以視為儂智高  苗亂一類既壓迫下大爆發 , 但佢WIN到喎)
係咩即係話 , 蜀漢到巴蜀較偏遠地區 , 其實控制好有限???

睇返孫吳既國策 , 比起北伐 , 其實對國內既開發係更大力度 ...
可唔可以話 , 就係因為北伐呢個政治需要 ,
令蜀漢錯過左對較偏遠地區既開發 , 巴氐先可以係十六國時建國???

迦樓羅女王

有無人覺得 , 以前既CROSSOVER就係 "順" , E+既特色就係 "窒" ???
首先澄清一點 , "窒" 唔係貶義 , 而係當今既技術特色 ...
就好似哈登D STEP-BLACK , 其實係好唔流暢 , 但正正係呢種唔流暢 ,
更令防守者無法捉摸 ...

仲有 , 好似IRING同矮I既切入/CROSSOVER , 都有一個中間突然慢左
之後再突然提速既動作 ... 就算連CURRY都有D連續兩次CROSSOVER
就係為左FADE個空位出來射三分

唔知係咪我太老餅 , 但我ED真正係00'S睇波既人 , 就係有種窒住窒住 ,
每次都好想 , 佢地一過人之後就直切籃底 , 但次次都窒多兩窒 ,
有時係射波 , 但就算最後係切入得分 , 但己經比佢地窒到無晒FEEL ,
睇得好唔暢快 ...

迦樓羅女王

如果你說苻堅是北支  中支是巴氐(彝人祖先) ,
南支在雲南的才是緬人 , 這樣我很同意的 ...

但如果說苻堅那支 , 才是彝人祖先的話 , 我就不太認同了 ...

首先個人認為 , 巴氐應該才是彝人祖先 ... 再者 ,
氐人在北方分佈極散一支在關東  一支在關西  一支在河西 ,
關東氐人先後被後燕  西燕  東晉輪虐 ;
關西氐人先後被西燕  羌人  隴西鮮卑輪虐
就連河西氐人 , 都被河西鮮卑  瀘水胡長期慢性SM

人口咁少既民族  分得咁散 , 唔消亡剩盡 , 都比各族吸收拉

迦樓羅女王

1, ... 小弟查過維基百度 , 係撫西羌  吞仇池  取四川  滅前涼 ,
都只有姚萇身影 , 就連伐代國都好似唔見有慕容垂 ...


2,高兄話氐羌騎兵唔算強 , 王猛又唔係漢人豪族 , 唔明前秦點強大
小弟係度唸 , 王猛唔係漢人豪族姐 , 會唔會有其他豪族支持???


前秦兩大將領--鄧羌  張蚝會唔會就係咁呢???
張蚝基本上一定係 , 佢叔叔張平 , 係可以同姚襄匹敵既河東土皇帝
有佢既支持 , 可以話等於再多一個羌族支持前秦咁 ...

迦樓羅女王

以個人理解 , 唐初嶺南既馮氏與冼夫人勢力 ,
其實正正代表當時漢化未成功 ... 係七八年前小弟睇過一D書 ,
話其實晉代雲南爨氏等中南大姓 , 其實好多係遷入既漢人 ,
佢地取得領導地位 , 但正正因為咁 , 生活反而更要貼近土人
出現 "入蠻者蠻之" 既情況 ...


我認為嶺南馮氏 , 以及日後既播州楊氏都係咁 ...
亦即係除非如十六國既大波移民 , 或者政權力主導既地區開發
則一少波一少波既流入 , 漢人反而會為蠻族所同化

迦樓羅女王

呢個我絕對唔認同 ... 祟禎呢條高能仔先係亡國之君 !!!

佢有好十幾個機會 , 是旦把握一個明朝都唔駛亡 ,
好似南遷咁 , 佢自己好想格 , 但又怕比人話南逃之君
叫太子南遷咩 , 朝臣又反對 ... 你要知道 ,
佢拍枱一哎 , 我唸朝臣都無咩可能阻止到 ...
佢又中左儒家毒 , 要扮有道明君 , 唔肯不理群臣反對

少少責任都唔肯孭 , 唔係亡國之君仲會係咩???(謎之聲 : 咪係垃圾兼高能仔羅)