<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
絕對同意 !!! 講真 , 我其實以前就覺得 , 係討論中國科技落後問題上 ,

一直生產模式  社會結構  概念思想上 , 反而好似係最基本既物資
科學/技術門檻上 , 就無咩討論 ... 係咪有D本末倒置???!!!
同意 !!!

幾年前兼職7仔果陣 , 成日有D DEEP V女客人上黎買野 ,
我開頭唔敢望 ... 後來唸唸下 , 佢咁著都預左人實望架拉 ,
所以後來都有望 , 不過唔係明目張膽 , 係 "不經意" 咁望
E兄 , 其實我一直覺得你既知識存量係唔錯 , 但你好似一直
唔係好聽得入其他人講既野 ...

無錯 , 科學既發展係需要學術思想  物質技術既相輔相承 ,
就算有物質技術 , 如果無學術思想一樣辦事不成 ...
不過小弟#41都講左 , 呢個其實有 "雞先定有蛋先" 既問題
就好似一個唔明有細胞存在既人 , 佢係無可能想像到 ,
細胞係點運作 , 就更唔會有呢方面既思考 ...

#1原片提出既就係呢一個問題 ... 無發現 , 就唔會想利用
就想利用先會進行實驗研究 , 實驗結果即使不理想 ,
但可能出現其他發現 , 無限循環
先不論其他 , 我覺得球衣背號被緣掛 , 真係算唔得上係D咩 ...
好似今季灰熊(定唔知第二隊) , 將個我都唔知既球員 , 都緣掛左球衣背號
正常既拼搏梗係要有拉 , 但係 ... 其實你有無睇#1 ??!!

我講既係 , KOBE係同一場(定同一節)稍早前 , 己經有兩次拉傷腳筋
在我而言 , 咁其實係身體表示比佢知 , "我" 己經頂唔順 ...

己經有兩次機會比佢 , 佢都仲係要硬上 , 先至會搞到斷腳筋 ;
真係好好口臭咁講 , 我個人認為就算佢第三次唔斷 , 佢都會有第四次
唯一既結果就係 , 佢一定夾生扯斷條腳筋 !!!
(分別只係係第三次  第四次定係第五次咁解)

事實上 , 佢就算咁都仲未吸取教訓 ... 腳筋岩岩完全復原 ,
同邊既大小腿既基本肌肉恢復都未做過 , 就急住復出 ... 結果呢???
滕頭跛埋 , 正式收皮

同樣既情況就係 "黃曼巴" 拓荒ROY身上發生 ,
帶傷上陣打季後賽 , 幾次咁既情況挽救球隊 ... 係架 , 係好型架 ,
結果咪30碎唔夠就退出羅 !!!
1,金宵單元選2,今年視后選
3,美國史
4,三巨頭
2019年女喜 , 你選邊個???

係 , 今次唔係估真正視后係邊個 , 因為我我唸大台99%比紅姐
所以我係想討論一下 , 大家心目中既女喜係邊個 ...

討論之前 , 梗係睇一睇全部候選人拉 :

好日子--卞慧晶(陳煒)
包青天再起風雲--雲千羽(胡定欣)
街坊財爺--蔣嬌(苑瓊丹)

牛下女高音--白雪兒(黃心穎)
大帥哥--章沅婉(蔡思貝)
荷里活有個大老千--瑪利蓮(李施嬅)
福爾摩師奶--祖迪費查(陳松伶)
鐵探--萬晞華(惠英紅)
婚姻合伙人--貝競枝(高海寧)
白色強人--蘇怡(唐詩詠)
白色強人--程洛雯(李佳芯)
十二傳說--潘朵拉(林夏薇)
她她她的少女時代--方迎風(田蕊妮)
金宵大廈--COCO/ALEX(李施華)
解決師--蔣穎欣(唐詩詠)
多功能老婆--藍飛(楊千嬅)

唔計未上畫既楊天后 , 個人覺得真正有資格既 , 都係得五個人 :
福爾摩師奶--祖迪費查(陳松伶)
白色強人--蘇怡(唐詩詠)
白色強人--程洛雯(李佳芯)
十二傳說--潘朵拉(林夏薇)
金宵大廈--COCO/ALEX(李施華)

第一個淘汰既係<白色強人>雙花旦 , 因為係戲而言我唔覺得好睇
入到五強 , 都只因為有名氣 , 而康視后D演技 ... 大家明拉 !!!
至於佳芯 , 佢近期既身世就真係 ...

第二個淘汰既係 祖迪費查 ... 其實<福爾摩師奶>我好鐘意 ,
甚至係我心目中 , 呢套同<十二傳說><金宵大廈>都係我心中三甲
不過係回憶之中 , 我覺得同套好多角色仲搶眼過松松 ...
好似妹娣同德英既感情 , 牛雜仔既故事 , 仲有4個開膛手既設定
... 而且祖迪費查係由頭估錯到尾 , 就算關鍵線索 ,
其實都係德英唸到先

潘朵拉 VS COCO/ALEX 簡直係難分難解 ... 老實講 ,
COCO/ALEX 出現之前 , 潘朵拉就係我心目中既視后 ,
有人話佢儀式化(主要指望鉈錶鏡果下) , 不過我自己覺得呢個 ,
正正係劇本要形造 , 朵拉係極端乾淨  知識型女主所必要既 ...
不過雖然話<十二傳說>都係我心目中三甲 , 但論劇本深度 ,
<十二>就係的的確確既單元偵探劇 , 感情升溫略嫌不足

係講 COCO/ALEX 之前 , 我想討論一下 COCO同ALEX兩個角色 ...
要分既話 , 我覺得 COCO 先係女主角 , 而唔係 ALEX !!!
因為 ALEX 其實好早就死左 , 之後既 ALEX 嚴格來講 ,
其實都係 COCO 既夢境 ... 同阿蕭扑野果個 , 都己經係COCO

<金宵>絕對係我目中既最佳劇集 , 好多單元都係超一流水準 ,
就好似金丁  嬰  娃都好唔錯 , 而且編劇叻既係 ,
不斷滲入線索 , 好似得 ALEX 聽到娃講野 , 得佢睇到金丁發光
而且我個人認為 , 呢套先係李C真正意義既代表作 ...
講真 , 一拍落同潘朵拉比 , 你真係立即知道咩野叫似水柔情 ,
我唸<金宵>之後好多宅男會封李C為首席女神 !!!
劉特佐係大馬呃左7億美元後 , 就將佢既詐騙帶到美國 ...
佢首先搵到謝爾曼律師事務所 , 係專門做大公司併購案既老字號 ,
因為佢話自己好重視私隱 , 所以開設左IOLTA帳戶 , 係要比利息既短期存款戶口
不過就唔駛對資料來源審核 , 甚至成為洗黑錢門路 ...
劉特佐就匯左3億6900萬入該戶口

佢係曼哈鈍租下每10萬美元既公寓 , 出入都用凱迪拉車隊  又僱用保鏢 ,
幾個月花左8500萬美元 ... 因為識左好多荷里活明星 , 佢就將目標放係荷里活 ,
28歲既生日派對就請左李安納度  小甜甜布蘭妮等巨星坐陣

佢送左好多珠寶比納吉老婆 , 比左好多政治獻金 , 買下富宅轉入納吉兒子名下 ,
形成共犯集團 ...

劉特佐同納吉兒子去滑雪果陣 , 認識左一個製片 , 三人成立左電影公司 ,
第一部拍既就係<華爾街之狼> ... 光係簽訂劇本版權既派對 , 就己經花左300萬
電影預計要一億 , 但之前佢己經係一馬挪用左20億 ,
大部份係花係分贓  打知名度 , 佢需要新既合作人 , 就係阿爾巴投資既執行長 ,
阿爾巴投資背後係國際石油投資公司(700億美元資產 , 阿布達比主權基金)

劉特佐趁機識左國際石油投資公司總經理 , 而總經理又介紹佢比曼蘇爾親王認識
佢就係公司董事長 , 達400億美元身家 ... 拜會之中仲有兩個高盛高層 ,
高盛打算為一馬發30億美元公司債 , 用以發展世界各地發電廠 ,
而又以呢D發電廠整合成一間公司 , 係大馬掛牌估計一馬可進帳50億美元 ,
而曼蘇爾親王只需要擔保 ...

一馬用27億買左另一間公司所有發電廠 , 之前兩個高盛高層其中一個就提議內部
為一馬發行17.5億債卷 , 高盛先全部吃下報酬就達到1.9億 ,
再搵其他金主分攤 ... 17.5億入左一馬後 , 其中中5億7600萬匯入阿爾巴投資 ,
作為擔保既酬勞 , 但係 ... 同#1果次一樣 , 其實係存入劉特佐既公司 ,
而該公司名字同執行長(串通)都一樣 !!!

五個月後 , 全部再做一次 ... 之後大馬大選 , 納吉自己接觸高盛搞過30億債卷
實際上係替自己打選戰 ; 而高盛今次報酬達3億

但事情開始被揭發 , 首先係#1提到個沙特王子公司 ... 該公司倫敦主管朱士托 ,
因為不滿承諾獎金不落戶 , 就從該公司大量郵件 , 並尋找買家 ,
結果就買左比一位住係砂拉越既白人博客 ... 最初博客只係針對砂拉越貪污 ,
但見到納吉兒子成為荷里大享後 , 就開始追查

有關報導爆出後 , 納吉  阿爾巴投資執行長  國際石油投資公司總經理都上身 ,
而納吉調查案既檢察官刻意洩漏資料 , 檢察官後來被殺 ...
後來因為納吉購入好多美國資產 , 所以FBI出場

不過你認為所有人下場都大鑊???
唔係 ... 因為一馬弊案 , 阿聯酋將國際石油投資公司 , 併入穆巴達拉基金 ,
所以哈爾敦勢力反而更大 ; 歐泰巴都無被牽連 ... 而劉特佐自己則仲係逃亡當中

https://www.youtube.com/watch?v=KwhhgX-tSaA&t=4s
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。