<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
朝鮮姓氏<話多姐姐們>金宵
其實呢個都係我想講既野 ...
係我觀念入面 , 軍閥一詞其實含貶意 , 亦未必不忠於中央 !!!

以我理解 , 軍閥其實係指同時掌握地方軍權同財權 ,
同時中央並無能力將其調任 , 就可以叫軍閥 ... 相反地方治權 ,
並唔係咁重要 , 就好似唐中期以後割據既節度使治下 ,
唐中央仍可對其地區任命民生官員~~

至於忠於中央既軍閥例子 , 其實係源自差唔多10年前 ,
小弟研究阿拉伯帝國史時 , 發現原來其領土內 , 好多地區王朝
其實都係忠於哈里發  按時納貢 , 好似塔希爾王朝  薩曼王朝 ,
如果大家有興趣 , 所以睇下小弟當年既作品 :
<中東史關鍵>
https://www.filter-004.hk/viewthread.php?tid=14549837
調情蔡C  
佩儀賴尿
勾引少男
椎名空
我覺得其中有好多鎗係掩護性質 ... 即係用意在於限制犯人係一定範圍內 ,
唔比佢地有機會逃離
從 美國武漢--芝加哥 , 看美國城市  河運發展史

小弟最近睇返自己d舊文 , 見到話係民國時期 , 有外國外交官形容武漢為 "東方芝加哥"
事實上 , 我地係中國人梗係清楚 , 武漢係全國既物流中樞地位拉 ...
但係芝加哥呢??? 佢係美國又有點既物流中樞地位???

小弟打算由此整理一下 , 美國既城市  河運發展史 :

1,眾所周知 , 美國原來係英國係北美東岸 , 建立的十三州殖民地 ...
所以係美國早期著名既大城市--波士鈍  紐約  費城 , 無一例外都是在於東北方既港口
方向上己經明顯係有大西洋貿易既傾向

2,美國最大既城市群 , 其實係密西西比河流域城市 !!!
小弟前兩日睇到新聞話 , 珠江既貨運量己經超越密西西比河 , 佔據全球第二(長江第一)
其實係中國經濟崛起前 , 一直係由密西西比河  萊茵河佔據頭兩名 ,
而且萊茵河被拋離好多 ...

密西西比河流域大城市包括10個 :
新奧爾良(now orleans)  孟菲斯(memphis)  聖路易斯(st.louis)  肯塔基(kansas)  
明尼蘇達波里斯(minneapolis)  印第安納波里斯(indianapolis)  匹茲堡(pittsburgh)  
丹佛(denver)  奧克拉俄馬(oklahoma)  芝加哥(chicago)
其中新奧爾良係 密西西比河 出海口城市 , 密西西比河流域覆蓋美國近半面積 ,
基本上中部所有大城市 , 都係建立係密西西比河支流之上 !!!
[/img]https://zh.wikipedia.org/wiki/%E5%AF%86%E8%A5%BF%E8%A5%BF%E6%AF%94%E6%B2%B3#/media/File:Mississippirivermapnew.jpg[/img]

而係東岸港口城市  密西西比河流域城市之間 , 就有夏洛特  亞特蘭大兩個內陸中樞

3,北美第二大既城市群 , 其實係五湖區城市 !!!
連帶五湖區連接大西洋既河流計算在內 , 五湖區城市美國有芝加哥  底特律  克里夫蘭
加拿大就有魁北克  蒙特利爾  多倫多 ...
其實五湖區既對外交貿 , 基本上同東北港口城市一樣 , 都比較傾向大西洋貿易
(當然也包括美加之間貿易拉)

眼利既讀者可能己經睇到 , 芝加哥係同時係密西西比河城市  五湖區城市之中 ...
咁令到來自歐洲既貨品 , 更快捷咁運到美國中部腹地 ;
美國中部既產出 , 亦可以經過五湖區出大西洋 , 運到歐洲各地 ...
(順帶一提的是 , 南美西岸貨品亦可經巴拿馬運河  入密西西比河 , 運到美國中部腹地)

4,西岸城市主打太平洋貿易 , 事實上 , 日本之所以能晉身先進國家 ,
同太平洋貿易不無關係 ... 美國西南有洛杉磯  正西有三藩市  西北有西雅圖 ,
再北一dd , 就係加拿大大城市中唯一係西岸既溫哥華

值得一提既係 , 美國同歐洲國家都位於北半球 , 歐美間大多航線(航空)其實都係經北極
紐約同西雅圖就係美國對外航空輸紐 , 乘客都係到兩地後轉搭國內機

5,南方城市部份係打主對墨貿易 , 好似鳳凰城 ; 聖安東尼奧就時接近墨西哥  墨西哥灣
休斯鈍就係一個比較純粹既墨西哥灣城市 ... 達拉斯就係休斯鈍  聖安東尼奧等城 ,
同密西西比河城市之間既中樞
小弟最近又係GOOGLE MAP睇下日本咩都市群 ,
發現日本除左大東京(包神奈川)  京阪神呢兩個大巨型都會區外 ,
就係以北九州  名古屋最繁榮 ...

日本既文明最初 , 基本都係由朝鮮, 或者中國而來 ,
北九州作為日本古代對外貿易重鎮 , 佢既繁榮係絕對合情合理 ,
甚至帶起左中國地區既發展 ...
戰國唯一上洛成功既大內氏 , 就係基本統一左中國地區既大名 ,
當時對中國既朝貢貿易 , 都係掌握係中國地區大名手上

後來 , 日本將首都遷往奈良 , 算係首個係大京阪神地區既首都 ,
經過天皇實權時期  藤原氏攝關政治 , 該地區有約450年既首都史
再加上後來200多年既室町幕府(都係近京都)時代 ...
成為今日京阪神巨型都會區既初型

好多人認為 , 東京既發達係追源於德川幕府 ... 呢個故之然正確 ,
但點解東京又可以成為新幕府所在???
係戰國時期 , 東京附近既今川義元  武田信玄  北条氏康都係強者
今川  武田都試過上洛 , 證明當時該地區有好強競爭力 ...

小弟最近先知道 , 前承平源之爭  後啟室町幕府既鎌倉幕府 ,
就係坐落於大東京地區 ... 我唸就係因為呢約100年實際首都地位
成就左大東京地區既經濟實力 !!!

小弟亦發覺 , 係戰國時代有能力上洛既 , 唔計中國地區既大內氏 ,
同大東京地區競爭得最激烈既 , 都係大京阪神地區既大名 ,
就好似戰國最早期既霸主細川氏 , 主要係因為地區算近 ...
織田信長既霸業 , 其實除左佢既才華外 , 都同佢領地較近京都有關
... 如果咁唸 , 或者就解釋在點解上杉對上洛無興趣 ,
因為佢領地係本州北海岸 , 經濟條件唔支持佢有上洛既能力 ...

值得一提既係 , 日本可以話係由於太平洋貿易既發達 ,
先真正晉身為 , 世界一流國家既地位 , 而太平洋貿易更加鞏固左 ,
兩大都會區既地位 ... 因為大東京  京阪神都係面向太平洋 ,
成為日本最既兩大港灣(第三大可能就係名古屋)
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。