<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
[新劇盤點] 2021年11大新劇短評 !!!
今朝先開發現 , 原來tvbofficial個YOUTUBE出來新劇預告
所以臨急臨忙改TOPIC , 希望大家唔好介意

小弟由自己評分較高既開始先吧 ...

1,拳王
其實橡膠穎都拍過一套<拳王> , 唔知大台係唔記得 , 定係專登勒 ...
暫時睇落係雙線 : 祥仔係老拳王既轉型 , 朗朗係新拳手既成長 ,
當中朗朗大佬之前比人係擂台打死左 , 叫加左 D報仇橋段

雖然訓練片唔長 , 但睇到都幾熱血 ... 至少唔似<大步走>咁悶到訓著
https://www.youtube.com/watch?v=vWwADDzMpuo

2,星空下的仁醫
預告見到既小演員都好可愛 , 呢個對我來講己經係賣點 , 仲有嘉欣BB
絕對係最大賣點 !!!
同之前<創世紀2020>唔同 , 嘉欣唔係係愛情上 , 而係到小演員互動 ,
嘉欣 D母愛我覺得真係浮晒出來 ...

但唔係無野彈 , 好似橡膠穎既古惑仔式兒科醫生 , 我就麻麻 ;
另一方面 , 我又覺得馬明其實最適合既 , 係貼地小男人角色 , CHOK樣
... 我都係麻麻(不過其實係幾型既)
https://www.youtube.com/watch?v=nZy65gVmB5A

3,唐人街
基本上係<城塞英雄>續集 , 估計打戲會比<拳王>仲多 ,
花曼可以話以另一形式復活 ... 我有少少興趣 , 想睇下御用鬼仔打成點 ,
咁當然 , 其中一大賣點係唐詩詠對 "激罕湯碗波" 拉 !!! ^.^
https://www.youtube.com/watch?v=LsYXeLyg-DE

4,白色強人2
大台今年玩雙打戲  雙醫療劇 ... 坦白講 , 上次1我都己經好麻麻 ...
記得有一場 , 馬明本來要去救人 , 唐C問左佢一個問題 , 佢回答話 "無"
跟住兩人都互望左20幾秒 ... 你救人唔係分秒必爭架咩??? ^.^"

陳阿毛暫時作用不明 , 我就唔評住 ... 人妖雯上次都係派福利既花餅姐
今次主線係安仔VS定欣 , 兼玩埋定欣  馬明個 "梗" ...
如上所述 , 我係麻麻地馬明CHOK樣 , 但係我就想睇下定欣既演出 ,
因為 ... 我覺得佢太適合呢種女強人  但慾伎不滿是角色 !!! ^.^
https://www.youtube.com/watch?v=KRz8-RJh09U

5,逆天奇案
睇預告 , 買點係推理加大場面 ... 又咩 "顛覆綫性邏輯 , 逆向思維"
好似幾吸引咁 , 但實際係點???
<十八年後>咁玩回憶片段 , 重構案情??? 但查案片唔係都係咁咩???
點都好拉 , 暫時都係期待多過懷疑 ...
https://www.youtube.com/watch?v=khLtWU-AiAo

6,把關者們
講政府部門劇 , 我係OK , 可惜預告得分幾鐘 , 講唔到太多野 ...
不過好既係 , 佢今次將海關再分三個部門講 :
毒品  盜版  貿易管制 ... 前兩者我明既 , 第三個部門就唔清楚 ,
套劇好似有埋訓練部份 , OK丫 , 我自己幾鐘意成長環節

今次至矮個新抱升做女主 , 不過 ... 坦白講 , 我對佢期待唔高 ^.^"
https://www.youtube.com/watch?v=1njPk_q5YrQ

7,智能愛人
其實E+有曱甴大黃雞既劇 , 對我來講己經有少少扣分 ...
個故仔玩AI智能 , 我又唔明個故仔可以點玩 ... AI有左情緒???
定係想以AI角度 , 講人類世界既偽善???

坦白講 , 我最有興趣既反而係MAYANN既演出 ...
https://www.youtube.com/watch?v=sBKGYvocrYM

8,金宵大廈2
係呀 , 我將<金宵大廈2>排到第8呀 ... 其實都唔關預告事
我自己覺得一<金宵大廈1>好好睇 ... 因為1既男主係看更 ,
所以故事自然會有貼地感 , 今次玩高檔就 ... ^.^"
(今次男主好似CAFE老板)

不過係閃回式聽到一 D單元既對白 , 我其實又有少少興趣 ,
咁講拉 , 我反面希望我被打臉 ... 但現階段信心不大 ,
覺得好難有上一輯 D單元咁貼地
https://www.youtube.com/watch?v=LhZKVzZWWHs

9,七公主
同其他預告一樣 , 得個亂字 ... 只知道一個老豆 , 有幾個老婆
7個女 , D女為左遺囑相愛相殺既事

內容太少 , 評唔到太多野 ... 7個女主擺明想群像 ,
而且有少少想抄<誇世代>既FEEL ...
坦白講 , <誇世代>果7公主唔係對主線 , 而且當中有江美人
雞芯  譚凱琪  公雞欣 , 演技最差既只係江交 ,
同出場幾秒既莊思敏 ; <七公主>果7件 ... 我覺得有少少危羅
https://www.youtube.com/watch?v=qFfOIbGJmpQ


10,我家無難事
無野講 ... 得一個又蒙又悶既MV , 我知可以點評 ^.^"
https://www.youtube.com/watch?v=_7JhYwfl28w

11,伙記辦大事
呢個仲過份 ... 幾個演員係度擺POSE , 拍定裝照呀???!!! ^.^"
https://www.youtube.com/watch?v=SoYc1DhUU0U
中華第二帝國崛起之背景 : 北魏如何馴化北方世族

首先 , 小弟要解釋一下何謂之 "中華第二帝國" ... 這種分法 ,
小弟之前都算聽過 , 但其實無特別去了解 , 今次終於知中華第一  第二  第三帝國 ,
分別係秦漢  隋唐  明清(前兩者我都估到 ... 但以為第三係宋 , 第四係明)

北魏就係係第一帝國國力衰弱  被世族肢解後 , 邁往重建成第二帝國中間既重要一步
... 話說係五胡亂華 , 一半北方世族南遷到建康 , 但也有一半繼續留在北方 ,
當時以清源崔氏一族為首既北方世族 , 加入左新統一既北魏權 ,
而崔浩更加想將世族制推廣到鮮卑人之中 , 結果換來 "國史之獄" ...
除左清源崔氏 , 與其有姻親關係既范陽盧氏  太原郭氏  河東柳氏都被一併消除 ,
自始北方世族力量大減

但到左孝文帝時 , 進行遷都洛陽  漢化等大革新 , 而當中就有世族化改革 ...
其中一個世族化改革 , 就係改姓 , 除左將北魏皇室既拓跋氏改為元氏 ,
仲有9個大姓 : 胡  周  長孫  奚  伊  丘  亥  叔孫  車 , 被定為北魏最高既十大姓氏 ;
而且又設定門閥評定機構 , 為各級世族劃線 ...
清源崔氏  范陽盧氏  荥陽鄭氏等沒落世族 , 又被重新起用

看似孝文帝開歷史倒車 , 但事實上孝文帝對世族級既評定標準 ,
就係家族內有多少人係北魏政府做官  做多大既官 , 而最終又要經佢本人批準 ,
即係話將各世族既興衰 , 直接控制係政府之內 , 東漢以來建基於自己力量既世族唔同

而佢之所以要咁做既原因係 , 北方大動亂以來 , 以宗族為基礎既塢堡勢力遍佈北方 ,
要知道世族早期都係由宗族所建立 ... 如果放任塢堡勢力發展 ,
難保不成新一批如東漢以來  獨立自主既新世族 , 與其這樣 , 先建立制度去規範世族
... 與之同時 , 北魏又創建均田制  三長制(鄰長  里長  黨長) ,
係社會基層建立統治 , 至少一定程度上又切斷左世族係地方上既根基 ...

https://www.youtube.com/watch?v=GKzMS8vPMvQ
## 北朝第二次世族大洗牌
如上篇所述 , 自西晉永嘉之亂以來 , 直到孝文帝重建世族制 ,
北方己經歷過一次世族大洗牌 ... 一次可以話由各族混戰  北方破落為始
太武帝因 "國史之獄" 殺崔浩  滅相關世族為終

今次要講既 , 就孝文帝到中華第二帝國前既第二族大洗牌 ...
好多人認為漢化 , 就係講漢語  穿漢服 , 但係對於鮮卑等遊牧民族來講 ,
就進入農業文化圈

事實上 , 自拓跋鮮卑入主中原之後 , 佢就失去到草原既統治 ,
草原就出現左柔然汗國 ... 北魏同柔然之間又出現左條新既農牧分界線 ,
而係北魏早期建都於平城 , 或多或少有 "天子守國門" 既作用

後來 , 孝文帝遷都洛陽 , 農牧分界線既防守重任 , 轉到六鎮手上 ...
咁做事實上 , 就形成左後來一段時好重要既 "六鎮軍事集團" ,
而係近代 , 以地界形式既軍事集團控制全國既例子唔小 ,
就好似有湘軍  淮軍  北洋系(始自袁世凱六鎮新軍) , 以及國民黨黃埔系

但其實六鎮係建立時 , 反而係有解構鮮卑部落既作用 ,
因為係開頭派去鎮守六鎮時 , 其實己經將各籍貫  宗族  部落打散分配 ,
亦即係打散左各部落係軍事上既立足點 ...

同時 , 因為無宗族  部落既上下觀念 , 升遷由軍功說話 , 戰力有好大提升
但六鎮之亂既第一批猛將都不得善終 , 因為唔到中原建立關係 ,
始終不能長久 ...

到高歡  宇文泰一批開始 , 己經成為左本質上既政治家 , 都大量任用漢人
其中武川鎮為主既將領 , 係宇文泰建立既西魏之下 ,
慢慢形成左 "關隴集團" ... 為了內部 , 尤其將帥層級既團結 ,
制訂左 "八柱國十二將軍" 既制度 , 結果一直以懷朔鎮為核心既中北齊 ,
慢慢就被比下去了 ...

https://www.youtube.com/watch?v=hgtKeajuIbg
軍事史一問 : "反坦克" 係歷史上出現個那些武器???

下面影片所講既 , 係二戰一款反坦克無後座力炮--鐵拳 ...
佢唔係火箭筒 , 因為火箭筒係主要靠 "火箭" 自己既非行能力 ,
而 "鐵拳" 就係靠炮管內既火藥 ... 之所以無後座力 , 係因為炮管後方
也會噴出高溫氣體去抵銷後座力 , 亦因此後方不可以有人  亦不可以有牆 ,
因為有牆既話 , 氣體回流會燒親自己 ...

事實上 , 大型既反坦克火箭筒 , 係比鐵拳更早出現 ,
但因為又長  又重  又貴 , 德國決定再研發一種既平  又輕便既反坦克武器
(而係大型火箭筒之前 , 反坦克主要係用集束手雷同地雷) ...
鐵拳全重先3.2KG  炮彈本身佔約半 , 射程30米 , 最大可以破甲140MM ,
基本就即係咩坦克都可以打死 ...
(後來有實戰中用過既版本 , 升到上6.8KG , 射程100米)

鐵拳係二戰德國生產左800萬 , 係面對蘇聯坦克最常用既反坦克武器 ,
後來蘇軍發展既輕型火箭筒 , 設計上就參考左鐵拳 ...
另外要提一提 , 鐵拳係預填式一次性炮 , 炮管係發射後係唔可以重覆使用
我唸呢個就係點解生產左800萬咁多既原因 ...
以小弟粗淺既了解 , 除左大型火箭筒  鐵拳 , 當時最有效反坦克既 ,
恐怕就係坦克自己 , 甚至去到轟炸機  導彈果一類勒 !!! ^.^"

https://www.youtube.com/watch?v=LkRvcln6zrM&t=4s
本帖最後由 迦樓羅女王 於 2021-3-22 03:11 PM 編輯

https://space.bilibili.com/473849148/video?tid=0&;page=2&keyword=&order=pubdate
https://space.bilibili.com/493250188/video
最近睇左好多有關滿清姓氏既視頻 , 發現佢地雖然唔可以話講錯 , 但真係不清不楚 ... 尤其對 "那拉氏" 之上
.
好多視頻都將 "那拉氏" 視為一個姓氏 , 事實上佢地係四個姓(葉赫那拉  烏拉那拉  哈達那拉  輝發那拉) , 而且源頭不一 ... 納蘭氏/那拉氏其實是指部首領家族 , 所以葉赫那拉  烏拉那拉  哈達那拉  輝發那拉四大那氏 , 就是葉赫  烏拉  哈達  輝發四部的首領家族
.
之前睇到有UP主話雍正后 "烏拉那拉" 係乾隆繼后 "輝發那拉" 既姑媽 , 那拉氏同出一源 , 我真係無言以對(不過好似<如懿傳>本身就係咁寫)
.
(注 : 史對清我來講 , 其實都係 "路人君" , 所以如果有UP錯 ... 打臉唔好打得咁大力 ^.^")
其實明朝海禁 , 其實係優越既財政政策???!!!
好多人認為 , 明朝既海禁政策 , 就係錯失大航海時代既原因 ...
但其實係海禁既同時 , "朝貢貿易" 係非常盛行 , 外面上係經濟上蝕本既政治工程 ,

但其實係明面既 "朝貢貿易" 外 , 明朝亦藩屬多好多貨品入中原販賣 ,
不過只可以賣比官方 ... 因為地理差異 , 明朝同藩屬既好多產品係自己國內都係平貨
但到對方境內就變成奢侈品 !!!

係呢種 "朝貢(外圍)貿易" 中 , 無論明朝定朝貢國政府 , 都取得絕對中間商既地位 ,
咁當然收入不菲拉 ...

而JUDY上位後既 "鄭和下西洋" , 就係一個主動化既朝貢制度 ...
鄭和直接自己做中間商  做買賣 , 而兩邊(藩屬同明朝市場)差價可達20倍 , 呢個收益
亦一定程度支持上 "永樂盛世" 既經濟條件

事實上 , 當時明朝係馬六甲海峽甚至設左 "舊港宣慰司" ,
雖然無真正建立殖民地 , 但南洋己經成為明朝勢力幅射範圍 , 如果撞到後來既葡萄牙
咁葡萄牙幾乎一定唔可以好似現實中咁 , 從香料貿易賺到盤滿缽滿 ...

(甚至好望角以東既貿易 , 都會係中國既天下 , 葡萄牙連印度洋都未必入到)

"下西洋" 既停止係因為官員既反對 , 但其實係官員對中央有筆如此巨大 ,
卻唔經佢地手既收入 , 而感到非常不滿 ...
相反 , 因為鄭和下西洋時己經建立左貿易路線  清除海盜 , 海貿係民間己經大有可為 ,
係呢個情況下 , 停止 "下西洋" 後 , 地方官只要係海禁政策上鬆鬆手 ,
民間海商就可以賺到盤滿缽滿 , 咁當然 , 當中有好一部份 , 係孝敬比 D官員架拉 !!!

但係係民間海商  官員食左幾十年紅利後 , 西方貿易船挾國家資本支持 ,
好快搶左舊港等重要港口 , 就係南洋建立優勢 ... 而無可能得到政府支持既民間海商 ,
就係南洋土霸皇 , 變左中原出口商而己

而另一方面 , 走私貿易越強大 , 就代表朝貢貿易越唔夠吸引 ...
咁樣肥左民間海商  官員既同時 , 中央所支配既財政收入大大減少 , 亦係後來加農業稅
迫反西北農民既重要原因 ...

https://www.youtube.com/watch?v=7rjcuaR9EDE
無錯 , "隆慶開關" 的確賺左唔少 , 亦相對削弱左海商  貪官既利益鏈 ,
但個人認為開關可能有 D太遲 , 武裝海商己經成形 ,
係海上己經係佢地既天下 , 明朝都管唔到 , 咁仲點解要交稅比明朝???

唔好唔記得 , 其中既鄭芝龍 , 就係一個以一己之力打敗荷蘭既男人 !!!
你思意係突厥語族 , 有部族一早南下到中原生活???

但呢個都唔合理 ...
好似侗傣  苗瑤等 , 呢d 係遠古生存過既族群 , 或多或少
都可以找到現代相應既後代 ...

如果突厥語族一早南下到中原生活 , 點解無留下後代???

至於鬼方/昆夷/犬戎 ... 尤其係犬戎 ,
我更傾向於 , 係漢藏先民係農業VS農牧分化中既結果 ...
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。