<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
德川家康統一日本後 , 其他重要大名去向如何???

首先 , 德川家康統一到日本 , 首先就係織田信長  豐臣秀吉去左賣鴨蛋
而織田信長丁蓋前 , 又岩岩消滅左武田家 ...

但戰國當時都仲有唔少重要大名架喎 , 好似上杉家  北條家  毛利家等 ,
佢地結局又如何呢???



小弟自己岩岩查過下 ...北條家係豐臣時代 , 作為豐臣秀吉統一日本最後障礙
最終被 "小田原征伐" 中被消滅 ...

但值得一提既係 , 其實上杉家  北條家既全盛期 , 係武田家  織田家相繼滅亡
兩家一齊侵食武田信玄原地盤 , 當中北條氏政一度獨得 "關東八國" ,
係戰國以來最強既關東大名 !!!

上杉家  毛利家到左豐臣時代 , 都仲係作為 "豐臣五大老" 之二 ,
實力僅次於德川家康 ... 係豐臣秀吉死後 , 上杉家  毛利家就係作為西軍主力
對抗德川家康既東軍 , 結果由百萬石大名削到變數萬石大名



另外 , 小弟亦發現原來係豐臣時代 , 唔只有大名被消滅 , 其實亦都大名崛起 ,
講既係真田家  伊達家  前田家 ...

真田家最初係武田家既家臣 , 係武田家  織田家滅亡後 ,
先後投靠過北條家  德川家  上杉家 , 後來投靠豐臣秀吉 , 最終成為上野大名
伊達家就比較簡單 , 佢係係豐臣時代完全奧州既統一 ...

而本來己經係 "豐臣五大老" 之一既前田家 , 係關原之戰後更得到進一步封賞 ,
成為德川幕府唯一既百萬石大名



小弟岩岩第一次正式睇返織田信長既資料 , 發現佢其實無想像中咁強喎 ...
佢有 "天下人" 地位其實同佢有三點死好彩有關 :

1,佢 "第二次織田包圍網" 打唔過武田信玄 ,  "第三次包圍網" 打唔過上杉謙信
係唔知點解武田信玄  上杉謙信兩個打打下 , 自己丁左 ...

2,都係武田信玄  上杉謙信兩位 ... 佢兩位都係一時人杰 , 唔係不停互相消耗 ,
佢兩個任何一個 , 都比織田信長更有能力上洛 ...

3,就係距離 ... 好簡單姐 , 如果當初今川義元既位置 , 係比織田信長更近京都
咁之後根本就唔會有織田信長咩事 ...



其實我想問下 , 係織田信長死前 , 豐臣秀吉地位有幾高???

我知道織田信長死前 , 有所謂既 "織田四天王" :
柴田勝家  丹羽長秀  瀧川一益  明智光秀 ... 其實無豐臣秀吉

但如果以織田信長死果一刻 , 佢既東邊戰場(對武田家) ,
基本完全交比瀧川一益處理 ; 而係西邊戰場(對毛利家) ,
亦一樣完全交比豐臣秀吉處理(雖然佢要叫援軍) ... 照睇起來 ,
豐臣秀吉應該都係最當時得令既人之一

其實除左瀧川一益  豐臣秀吉外 , 我都有睇埋其他三大天皇 ...
本能寺主謀--明智光秀任丹波國主 , 幫織田管理近畿240萬石地區
被稱為 "近畿管領" ;

織田信長手下第一武將係柴田勝家 , 被封越前國主 , 佢主要對手
就當然係越后之虎--上杉謙信拉 !!!
本能寺之變後 , 柴田勝家同豐臣秀吉爆發內戰 , 戰敗身死 ...

反而 , 同柴田勝家齊名既丹羽長秀 , 反而好似無一方統帥既地位



我唸可能要睇時期吧 ...

好似秦惠文王死前  秦昭襄王親政後 , 當然唔到宣太后話事拉 ;
同理 , 秦孝文王  秦莊襄王都係成年即位 , 果陣華陽夫人影響力
應該唔算太大 ... 到秦王政年幼登位 , 佢先有掌權空間
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。