柏天尼真係好野

Winters

繼舊年成功阻止兩隊英超入決賽之後,今年更進一步,攪到四強一支英超都無

賽前費sir一而再再而三放流料話朗尼唔會打正選,甚至連後備都唔做.
尋晚上半場已經證明費sir戰術係十分成功,可以講係技術性擊敗拜仁.
不過...同舊年車仔一樣,千算萬算都算唔到球證呢一個因素.

我諗一陣又有人會話曼聯平時係英超攞咁多著數,係尋晚還返啲,係正常嘅

skyhookii

I didn't watch the match, but how did the referees help Bayern? Honestly I'm really glad United is out.

Winters

I didn't watch the match, but how did the referees help Bayern? Honestly I'm really glad United is out.
skyhookii 發表於 2010-4-8 02:13 PM

球證雙重標準兩邊都有好多無吹,拉斐爾攞牌其實係正常,但如果佢值得兩黃嘅話,雲邦美個班咪應該一早出場?
上半場拜仁班友係咁推人,圍住朗尼黎踢.上下半場執法標準完全唔一樣

拜仁成場波,得洛賓,小豬,奧歷打得好,雲邦美都還可以,其他就...
作為曼迷,雖然愛隊輸波,不過都好慶幸見到華西同蘭尼越打越好.
單講呢場波,佢兩個打得好過
列貝利好多.

奇

球證雙重標準兩邊都有好多無吹,拉斐爾攞牌其實係正常,但如果佢值得兩黃嘅話,雲邦美個班咪應該一早出場?
上半場拜仁班友係咁推人,圍住朗尼黎踢.上下半場執法標準完全唔一樣

拜仁成場波,得洛賓,小 ...
Winters 發表於 2010-4-8 02:54 PM

朗尼傷緊仲有人踢佢後腳,拜仁矛到咩咁....
球證

skyhookii

If he chose to play, he bears the risk of aggravating the injury. Why would you not go after the injured player on the opposing side, especially if he's the "key" player?

Winters

朗尼傷緊仲有人踢佢後腳,拜仁矛到咩咁....
球證
奇 發表於 2010-4-8 04:08 PM

場上無父子,有咩唔啱?

HansChan

上回合朗尼扭傷...睇多次慢鏡...當時我覺得佢唔可以繼續比賽,但應唔會傷得太重...
一日後.我上espn網,睇到話佢tore ligament....但冇講預計會傷幾耐..覺得古古怪怪....半日後,post咗張相出黎....見佢拿住扐杖出黎...
我同我一個賭波既客人輸到一百蚊買朗尼一定會响下回合出到場!!!
根本老費啲古惑野都唔係第一次!!
對車仔唔出,等多啲時間休息,正路!!
但有幾何球員受傷會唔公布傷幾耐??
重要俾人影到拿扐杖.....後一日既費比加斯,加拿斯沙皇都有公布大約傷幾耐...人哋斷埋腳有冇一張拿扐杖既相出黎??(可能有,我見唔到啦...又可能佢哋真係唔夠一個朗尼甘有新聞價值啦,哈!)
哩啲老套手法,根本唔係叫高明或咩戰略甘巴閉,係狗啫!!兵不厭詐亦係真,不過今次咪玩著自己囉!
朗尼冇十足狀態,根本唔應該做正選!老費你甘好嘢,今場駛乜甘冇信心??結果3球都唔關朗尼事!!3:0理應下半場換走朗尼,但完半場前賴咗嘢,俾人入返一球,搞到唔敢換走朗尼!華夫逹要阻止列貝尼前進而犯天條,冇可厚非...但犯得吾夠技術囉,維敵同里奧响禁區犯規,吹都唔駛吹!!
好喇,出咗場之後....老費都傻乜咗...換走朗尼換入奧沙....打450....仲唔俾人攻死呀!!腳窩利靚到甘,邊有得唔入!!!
之後先換入傑斯同廢既斷背托夫...有鬼用咩!!
如果一早正選唔出朗尼...出斷背托夫做set ball....就算上半場入唔到波,下半場都仲可以入朗尼變陣......同埋根本紅牌咗之後,用朗尼換奧沙係好錯既定......要奧沙同傑斯一齊換出黎.....起碼解圍後有人帶走個波先啦!!
我覺得佢哋根本輸on居!!抵死!!!
不過睇波角度,場波都好好睇真的!!

Winters

7# HansChan
有咩戰略係唔狗?對敵人仁慈就係對自己殘忍.
賽前有邊個估到朗尼會打正選咩?佢雖然無入波,不過就有好大作用.
另外我覺得佢唔單止無態,我估佢直頭係帶傷上陣.
用佢打正選係無信心?我就覺得係下左一步好棋啦.
正如我上面咁講,佢出陣係有好大作用.睇下上半場,拜仁班後衛不斷mark實佢,直程係幾條友圍住佢黎踢.
3球都唔關朗尼事?第1球邊個傳俾gibson?
完半場前比奧歷追返一粒,呢球都可以講係轉捩點.
卡域克打完呢場之後真係要拎去雪幾個月,我咁講如果上半場守住3:0呢個結果,下半埸就算拉斐爾比被趕出場,拜仁入到兩粒嘅機會真係微乎其微.
拉斐爾輸經驗都無計,維迪同里奧嘅犯規,會比上半場雲邦美佢地多?
不過打450呢樣費sir直程係on居,3:0個陣咁做就話姐,3:1你打450根本係自掘墳墓.
我佩服摩連奴就係佩服呢樣野,費sir就係輸太保守.上次摩帥打車仔個場,個個都以為佢守,佢就整個433全攻陣比你歎...
結果唔駛多講,技術性擊敗車仔.
仲有最大獲係睇黎佢對貝碧仲未死心.係轉會市場仲未完個陣唔買個一級前鋒搭朗尼,佢好似真係唔記得幾年前雲佬開季重創收咧單野...
換人又係無腦,同舊年比巴塞打到一敗塗地時個情況一模一樣.
輸真係輸on居?各人有唔同意見啦.
見到華西同蘭尼今場比洛賓同列貝利有過之而無不及,我就好安慰啦.
btw,巴打你話你之前係曼迷?我就唔多信啦

HansChan

有咩戰略係唔狗?對敵人仁慈就係對自己殘忍. 岩喎!!!所以狗人自有報應!!!哈哈哈!
賽前有邊個估到朗尼會打正選咩?佢雖然無入波,不過就有好大作用.又真係冇人會估到,我意思係老費一早有此意思罷了,而我覺得係玩死自己之舉!!
另外我覺得佢唔單止無態,我估佢直頭係帶傷上陣. 認同一大半!!
用佢打正選係無信心?我就覺得係下左一步好棋啦. 對其他球員或前鋒冇信心,以為得朗尼先可以幫曼聯入球!响唔可能唔入波既情況底下,老費以為一開始就出'帶唔重傷"既朗尼做正選係明智...但算盤打唔响,因上半場輸返一球及之後仲打少一個,因所謂殺手朗尼已出,令變動減少,要追入球時冇人可用!!
正如我上面咁講,佢出陣係有好大作用.睇下上半場,拜仁班後衛不斷mark實佢,直程係幾條友圍住佢黎踢.佢係有用喎,上半場唔覺佢有傷添!問題係佢冇十足狀態打全場,老費所謂甘有經驗同實力,真係冇預比賽會有變數??可能吧!不可一世既人通常也如事!!但佢差一點成功,要不上半場俾人追返一球,可能佢個算盤打得响的呀!!但...冇預到就係再預到!
3球都唔關朗尼事?第1球邊個傳俾gibson?係喎冇留意添..因當時唔覺佢射得靚,只覺龍門on!
完半場前比奧歷追返一粒,呢球都可以講係轉捩點. 哩樣唔駛講多次啦!!
卡域克打完呢場之後真係要拎去雪幾個月,我咁講如果上半場守住3:0呢個結果,下半埸就算拉斐爾比被趕出場,拜仁入到兩粒嘅機會真係微乎其微.
拉斐爾輸經驗都無計,維迪同里奧嘅犯規,會比上半場雲邦美佢地多?同意!!但犯規多又如何??我只係話維迪同理奧區犯規冇吹係佢哋犯得高明,相比拉斐爾係犯得唔夠高明同傻仔.......我唔明你做乜講講下有啲.....九唔搭八...可能我誤會咗啦,可能你只係想講曼聯犯規唔算多...但你又好似refer緊我講既嘢甘.....唔明....
不過打450呢樣費sir直程係on居,3:0個陣咁做就話姐,3:1你打450根本係自掘墳墓. 冇錯!!!根本前面一定要有人hold波上...如果唔係只會俾人攻死!!
我佩服摩連奴就係佩服呢樣野,費sir就係輸太保守.上次摩帥打車仔個場,個個都以為佢守,佢就整個433全攻陣比你歎...
結果唔駛多講,技術性擊敗車仔. 所以我咪話老費今場冇乜信心囉...由排陣出朗尼正選,我覺得佢己經冇乜後著...仲整個450......老摩梗係堅..贏你一球收你皮,激死對手!
仲有最大獲係睇黎佢對貝碧仲未死心.係轉會市場仲未完個陣唔買個一級前鋒搭朗尼,佢好似真係唔記得幾年前雲佬開季重創收咧單野... 哩啲咪自以為事囉,唔肯認自己有決定同眼光上既閃失...
換人又係無腦,同舊年比巴塞打到一敗塗地時個情況一模一樣. 所以老費係唔係真係做到一隊常勝曼聯呢?? 老希兼職教車仔....上年巴塞,作客0:0你,回主場,本來1:0,就因為艾辛跌一腳先失城池..老歌上任後...歐洲隊係得老希帶時既車仔可以有"策略地"同佢哋一打! 老費??嘥乜氣啦!佢唔係當年帶點幸運攞完三冠封咗做爵士,佢邊會"造到"甘既既戰績吖!上一次三冠,我完完全全係覺得泰利係特登射唔入的喎,因佢唔順老摩俾人逼走咗嘛...當然我一甘講又大把人小我的了!!
輸真係輸on居?各人有唔同意見啦.
因我覺得老費自己封咗有機會需要抽配人手黎入球加上拉仔onon地既犯規...所以我覺得佢哋係抵死的!!
見到華西同蘭尼今場比洛賓同列貝利有過之而無不及,我就好安慰啦. .............事但啦!
btw,巴打你話你之前係曼迷?我就唔多信啦自從封完爵之後,佢既固執+屈機.....於2001年...我同曼聯球迷會正式分手!!層諗過自組反曼聯會,但都係諗多過做.....沉晚見到佢哋又對拜仁....贏波出局,真的好心涼!!!!!!!!!!!!!老費既犯錯以致出局...我沉晚講咗句"你都有今日喇,契弟!!!!!!!!" 不過!!!的而且確沉晚場波係好睇,以沉晚場波,邊隊出線都合理,當然,我想曼聯出局係事實!!!

Winters

9# HansChan
至於你話泰利特登射失 ...,
一來我唔信佢有咁好技術想射柱就射中柱,二來無記錯外國傳媒話佢係唔妥老摩,
馬基里尼仲話係泰利告狀踢老摩走.當然係真唔係我就唔清楚啦