柏天尼真係好野

Winters

繼舊年成功阻止兩隊英超入決賽之後,今年更進一步,攪到四強一支英超都無

賽前費sir一而再再而三放流料話朗尼唔會打正選,甚至連後備都唔做.
尋晚上半場已經證明費sir戰術係十分成功,可以講係技術性擊敗拜仁.
不過...同舊年車仔一樣,千算萬算都算唔到球證呢一個因素.

我諗一陣又有人會話曼聯平時係英超攞咁多著數,係尋晚還返啲,係正常嘅

Winters

I didn't watch the match, but how did the referees help Bayern? Honestly I'm really glad United is out.
skyhookii 發表於 2010-4-8 02:13 PM

球證雙重標準兩邊都有好多無吹,拉斐爾攞牌其實係正常,但如果佢值得兩黃嘅話,雲邦美個班咪應該一早出場?
上半場拜仁班友係咁推人,圍住朗尼黎踢.上下半場執法標準完全唔一樣

拜仁成場波,得洛賓,小豬,奧歷打得好,雲邦美都還可以,其他就...
作為曼迷,雖然愛隊輸波,不過都好慶幸見到華西同蘭尼越打越好.
單講呢場波,佢兩個打得好過
列貝利好多.

Winters

朗尼傷緊仲有人踢佢後腳,拜仁矛到咩咁....
球證
奇 發表於 2010-4-8 04:08 PM

場上無父子,有咩唔啱?

Winters

7# HansChan
有咩戰略係唔狗?對敵人仁慈就係對自己殘忍.
賽前有邊個估到朗尼會打正選咩?佢雖然無入波,不過就有好大作用.
另外我覺得佢唔單止無態,我估佢直頭係帶傷上陣.
用佢打正選係無信心?我就覺得係下左一步好棋啦.
正如我上面咁講,佢出陣係有好大作用.睇下上半場,拜仁班後衛不斷mark實佢,直程係幾條友圍住佢黎踢.
3球都唔關朗尼事?第1球邊個傳俾gibson?
完半場前比奧歷追返一粒,呢球都可以講係轉捩點.
卡域克打完呢場之後真係要拎去雪幾個月,我咁講如果上半場守住3:0呢個結果,下半埸就算拉斐爾比被趕出場,拜仁入到兩粒嘅機會真係微乎其微.
拉斐爾輸經驗都無計,維迪同里奧嘅犯規,會比上半場雲邦美佢地多?
不過打450呢樣費sir直程係on居,3:0個陣咁做就話姐,3:1你打450根本係自掘墳墓.
我佩服摩連奴就係佩服呢樣野,費sir就係輸太保守.上次摩帥打車仔個場,個個都以為佢守,佢就整個433全攻陣比你歎...
結果唔駛多講,技術性擊敗車仔.
仲有最大獲係睇黎佢對貝碧仲未死心.係轉會市場仲未完個陣唔買個一級前鋒搭朗尼,佢好似真係唔記得幾年前雲佬開季重創收咧單野...
換人又係無腦,同舊年比巴塞打到一敗塗地時個情況一模一樣.
輸真係輸on居?各人有唔同意見啦.
見到華西同蘭尼今場比洛賓同列貝利有過之而無不及,我就好安慰啦.
btw,巴打你話你之前係曼迷?我就唔多信啦

Winters

9# HansChan
至於你話泰利特登射失 ...,
一來我唔信佢有咁好技術想射柱就射中柱,二來無記錯外國傳媒話佢係唔妥老摩,
馬基里尼仲話係泰利告狀踢老摩走.當然係真唔係我就唔清楚啦

Winters

9# HansChan
我講犯規個度係想講,拜仁根本又係受到柏天尼禮待,上次就費倫,今次就曼聯.
不過睇黎下次就無咁好彩,因為拜仁將會對住嘅係里昂

Winters

make sense d 啦,

91分鐘比人踢中偷甩個波, 睇住自己後場比人入波和變輸, 冷靜到即刻已經諗定要訓地扮野, 為下星期出奇不意正選鋪路?

其實你試過扭到腳腕or 拗柴未? 無錯, 可能係你, 你痛都會照行無所謂
...
filter-052fans 發表於 2010-4-9 08:42 PM

你覺得朗尼係係完全康復嘅情況下打拜仁?
賽前吹到行話朗尼後備都無,到40%康復有機會做後備,跟住費sir話朗尼唔會做正選,後備都無乜可能
我諗拜仁就算估,都只會估費sir下半場擺朗尼出黎搏殺,而估唔到佢打正選.
gibson會比朗尼更加令雲高爾措手不及?上次作客拜仁輸乜?係輸速度.
費sir有少少腦嘅都唔會再出三佬,呢樣雲高爾都應該知道.
反而有幾多人估到佢擺個未好哂同埋無態嘅朗尼打正選?睇下拜仁班後衛好似如臨大敵就知.

Winters

8# Winters

朗尼咩皮性大家有眼睇, 唔係痛到入心佢唔會有咁既表情, 我覺得用柺杖走果度應該無扮野之嫌,
其實值得出奇既反而係d科技, 如果無傷到筋骨, 而家確係有好多方法令你迅速復原...

而佢得78乖都用佢唔用貝 ...
filter-052fans 發表於 2010-4-9 03:38 PM

老費都叫冒險?前晚出個對強隊腳軟嘅貝碧托7出黎,而唔換新仔出黎搏下,就知佢幾保守.
打450想偷雞...你話460都仲可以,你對住拜仁,無左個唯一可以凍結列貝利嘅拉斐爾,以為可以係剩底個三十幾分鐘守住勝局?
費sir舊年決賽都叫冒險嘅,不過我就覺得佢無鑑前車,竟然同巴塞鬥攻.個晚我好失望,唔係因為曼聯輸波,係因為佢地無論係戰術定其他方面,都不知所謂.
你覺得佢進取,我就覺得佢保守.講冒險,摩連奴先叫冒險.上次打車仔,夠膽打個433鬥攻,呢啲就真係冒險啦.

Winters

你講咩呀老友???
完全get唔到!
HansChan 發表於 2010-4-9 03:53 PM

柏天尼個76,一上任就攪埋啲19政策,話要歐洲賽公平啲...
係人都知佢唔妥年年歐聯4強都差唔多比英超壟斷,咪要做下野囉.
點做野,之前講左,抽籤+球證.

Winters

清醒啲啦天童仔!!
賭波响外國有幾多年歷史,銀碼有幾大都大到難以估計!
打造英超做全球最受歡迎聯賽由十多年前開始,好明顯以曼聯帶起頭來...班大佬要造一定係搵當時最易打造既黎造的了!幾年時間成功咗啦!!曼聯最多球 ...
HansChan 發表於 2010-4-9 09:24 PM

我又覺得唔係樣樣都關賭波事,係關marketing事.
不過話時話,06世界盃施丹單野,我打死都唔信佢因為屋企人被人侮辱而撞阿馬特拉斯.
講真,唔好話佢地踢左咁多年,就算踢左一陣波,都知踢緊個陣會聽到幾咁多粗口.
何況佢踢左咁多年,有咩更難聽嘅未聽過?
凡親牽涉到賭博嘅野...係真係impossible is nothing.