amigofans

每年單係賭波注額不知幾龐大,莊家操控球證,球員,意甲仲有個啲歐洲次級聯賽都大把例子.
Winters 發表於 2010-4-9 11:49 PM

咁一年幾百億投注額既香港馬會, 需唔需要操控埋一份? 定同我講外圍投注大過合法博彩?
我強調大莊根本唔洗操控賽果, 皆因人家計數計到訓係度都可以收錢, 收波籃唔易賺, 就唔會咁多人好人好姐去做艇仔啦....

我從來無係度講過呢個世界無打假既存在, 一直只係同大家討論要收買"頂級聯賽"一齊打假既可行性,
係假波宗教朋友一直回避我既疑問, 以"我相信有便有"去解釋假波點進行...

就簡單如你講, 英超係marketing要捧曼聯出黎, 英超個個人都知既話,
唔計老細們, 以平均一個月薪1000萬港幣既球員, 到底會買幾多落篤定冠軍既曼聯?

咁一場聯賽, 係明知賽果下, 一個球員又會買幾多落去? 邊度搵d錢黎賠比呢班大帝?

最簡單講, 連泰利勾二嫂, 呢d咁私人既野d小報都爆到出黎, 點解唔爆英超撐曼聯出黎?
定係the sun果d小報, 都係英超marketing一部份, or佢地會識"大大注"買落去收錢?

amigofans

嘩睇黎由天童論落到變on9童喇!!
黑社會搵得多錢定合法既正當商人搵得多錢??
外圍波會賺得少過合法博彩??
on9童好嘢!!!!!
從來黑既嘢會黎得白既嘢快哩個係事實!
就算真所謂既合法博彩搵得錢多好多倍.....就唔會" ...
HansChan 發表於 2010-4-10 09:13 AM

1) mind your words, 為你好, 講時講粗口會ban post!

2) 你到底知唔知香港馬會呢類合法大莊一年既收益係幾多? 即係李嘉誠賣樓比你, 需唔需以爛尾樓手法搵錢?
     正係因此, 若果外圍莊家投注額比合法大莊會更多既話, 就更加無理由要去操控賽果...

3) 韋君龍月薪幾多? 當日果場外圍賽既投注額有幾多? 你認為2萬港幣可以控制到幾多個英超球員or球証?
    仲有以英超果種世界性同注目度, 點防止球員或球証本身黑吃黑, 或者收兩家茶禮?
    注意若要操控賽果, 無所謂做得"好唔好睇", 旨在保証"指定戰果"出現, 若只收買個別球員, 一下傷出或無比派落場,
    莊家分分鐘淪為賭仔一樣, 要靠命運之神眷顧....

4) 我由 macauslot 賭到 hkjc.com, 有贏有輸仲未衰到要塞個足球落口住, 你若有時間心思諗咁多"陰謀論",
    不如用黎諗下d莊家點樣開d賠率出黎, 點解有封盤, 凍結戶口同投注上限呢d野好過啦...
    簡單講, 街邊魔術杯式出老千, 明係食硬你既, 做咩你大條水魚買落黎我要封盤??

5) 相反我覺得你如果係莊家, 好大機會攪到一屁股債收場, 因為你會去攪呢攪lo自掘墳墓,
     你知唔知做艇仔有幾好搵? 早幾日tvb news先訪問個外圍艇仔, 佢話有馬會之後,
     佢由最高峰5萬一個月到而家得番幾千蚊, 最後決定從良, 揸番的士, 正正話你知外圍同合法既普及程度
     咁easy就搵到5萬蚊一個月, 我有何需要去操控賽果??

amigofans

嘩....1揪2喎
吱吱喳喳 發表於 2010-4-10 03:32 PM

幾個揪一個都試過, 可惜不夠水準...

amigofans

你攞馬會呢啲合法莊家黎講?

有錢如李嘉誠都未呃夠你地班蟻民,仲係起埋啲19樓比你地,咩日出X城...名城...
咁證明啲咩?係越有錢越貪.

球員或球証本身黑吃黑, 或者收兩家茶禮?
做得莊家,背景點會清白?
另外我唔明點 ...
Winters 發表於 2010-4-10 02:09 PM

一年毛利50幾億既合法莊都要收買人, 係hanschan said, not me...

我講李生做例, 唔係話佢有錢唔賺, 只係想講, 根本係訓係度都收錢既, 就算幾貪錢也好, 又可需動刀槍犯法搶錢?

而我講既黑吃黑, 兩家茶禮等永遠係假波宗教人士唔會考慮既野, 我強調一路係呢版都唔係要100%否定假波存在性, 我講既係可行性...

如你所講地下黑莊受既都係大媽沙, 例如一場曼聯對車路士, 你收買了曼聯輸波, 點去防止車路士無比人收買?
莫非全世界既大媽沙隱形富豪都唔可以買車仔? 唔通買到車路士輸波更有著數時, 仍硬要曼聯輸?
又呢種情形下, 你點去防止球証無收兩家茶禮?

仲有莊家點保證收買左既球員一定落到場?

再講最後一點, 我唔知你係打錯定真係唔識咩係博彩, 因為熱門倒灶, 莊家先贏大錢....

就算開出熱到全世界都只會買重一面, 如西班牙贏聖瑪力諾, 1.02既賠率, 已經足以佢地有收益,
仲未講莊家計唔掂數時, 封盤呢招...

好多賭波既朋友認定莊家封盤, 一定係知道有人被買起, OR驚要賠錢蝕本,
而實情係莊家知道再黎會做唔到平衡, 無利可言先封盤了事...

amigofans

仲有,好似曲解我嘅意思...
我本身想講,英超成日指使啲球證,
有時就比下著數某隊一時就吹某隊嚴啲,志在令積分榜上更加刺激.
我就無講過係啲大莊要曼聯贏. ...
Winters 發表於 2010-4-10 02:16 PM

我就係講連呢樣, 19隊就曼聯一隊, 偏幫佢地都做唔到, 之前同你講莫太少看英國足球文化,
你不以為言, 只話英超早已經無晒英國足球文化, 可能你根本唔止我講緊咩...

遠既唔講, 就講今年, 利物浦作客新特蘭敗於一個利記沙灘波, 該款沙灘波隨即於數小時後於網上沽清,
到之後利物浦再出賽, 呢個沙灘波就成為敵對球迷挖苦己隊既工具...

仲有曼聯red knight事件, 利物浦球迷反美國老細事件...

若果真係如你地講, 為生意硬要做竟曼聯, 相信英倫球迷早已罷睇英超, 甚或上街遊行了....

amigofans

54# HansChan
巴打冷靜啲.
其實討論落去都無乜意思,大家嘅立場睇黎都唔會改嘅,變左互相謾罵就唔係太好啦
Winters 發表於 2010-4-10 09:23 PM

互相謾罵? 好似我無鬧過你兩個半句, 咁點叫互相? right?

無錯討論或者辯論, 總會遇到堅持己見既場合, 問題係支持自己既論點有幾鏗鏘, 能唔能夠令人信服...

朋友們你地認為英超為左市場需求, 一直係"做"就照顧曼聯, 現實往往會回答你地有幾荒謬...

英超史上最多都係3年冠, 若果曼聯完成4連霸, 加上破利物浦18次頂級聯賽記錄的話, 曼聯地位同愛歡迎程度將會再進一層次,

但偏偏係關鍵一場錯判越位, 令佢地失去主動, 而曼聯本身亦於尋晚被對手悶和, 要奪冠難度已大於阿仙奴同車仔...

想請問兩位既打既高見, 何解你地口中既大老細, 今季係曼聯呢個可以升上真正英超神級既時刻, 放棄佢地?
要再"做"就曼聯成為4連冠, 豈不是要再一個4年, 等到2014/15球季? 咁點如hanschan口中既要係最短時間搵最多錢?

尋晚係咪, 唔覺意吹球12碼, 又或者叫布力般放水, 就可以"照顧"到曼聯呢?

當然英超仲有4到5場波, 最後若果曼聯可以神奇地過到阿仙奴車仔頭, 到時兩位巴打大可再搬此謬論出黎, 到時大家再研究研究!!

amigofans

首先英超為遷就亞洲觀眾,將比賽時間改黎改去,今年仲有5,6個比賽時段.
請問佢地自身有無理過英國人睇波習慣?

仲有,可能你地認為而家惡名昭彰嘅英國足球流氓先係英國文化.
我之所以話英國足球文化 ...
Winters 發表於 2010-4-10 09:09 PM

5,6個比賽時段不理球迷? 我只係知, 最為英人反感既係11點早場多過以前, 但係好多球迷反對下已經少左好多,
多年前曼迷高舉3點鐘紙牌之後, 呢一兩年奧脫福既11點場有多少?

btw, 我講佢地果d, 買沙灘波揶揄對手, 曼迷黃綠頸巾反格拉澤, 絕對唔係流氓行為!!

歐洲人如英倫球迷, 對足球既態度比香港球迷成熟100倍,
如愛華頓球迷見到利物浦既owen, 會立即高舉中指, 但當佢穿上英倫戰衣, 立即會成為愛華頓球迷既歡呼對象...

若你道德要求比一般人高, 認為上述皆係野蠻行為時, 大可以睇下每年一d球會降班時, 英倫球迷係何等表現,

當年既李斯特城, 列斯聯等成季不知所謂, 無場好波下降班, last一場球迷仍起身拍掌支持已隊,
就算如你地講咁"功利"既年代, 上年紐卡素西布朗降班, 你仍可以見到此景...

比起香港只懂追捧勝利者, 英國球迷紳士唔紳士?

amigofans

天童吓吓塞實三隻眼....人講乜又唔消化一下....只係下下搬返句"荒謬"出黎!!
其實同佢講嘢都真係要幾有耐性o架!
以天童既諗法,哩個世界要造球永遠只係有一隊可以攞冠軍...要係成世都攞!!如果唔係呢,即係冇造球!!重要 ...
HansChan 發表於 2010-4-12 11:06 AM

引述你25#既一段,

"打造英超做全球最受歡迎聯賽由十多年前開始,好明顯以曼聯帶起頭來...班大佬要造一定係搵當時最易打造既黎造的了!幾年時間成功咗啦!!曼聯最多球迷,賽事好睇,多人買...咪賺到錢囉!!建立咗出黎,你估真係話去改朝就去改朝?積吓積甘多跟紅頂白既曼聯球迷俾錢你駛,做乜要做過第二隊出黎??阿記,利記,車仔,偶以親吓咪呃到啲天童仔囉!!"


由始至終, 都係你兩條友仔講要"做"曼聯, 要令跟紅頂白既球迷更愛曼聯, 比更多錢黎買野同投注, 我有講過咩? 我一路都以你地既羅緝係問你地點解咋wor
...


問你點解有咁大好機會, 今年推曼聯上4連冠, 19次冠軍, 仲可以推埋rooney做歐洲金靴,
點解係呢一刻突然要, 唔想太假太做而放棄曼聯? 要做既會唔會下年先輸make sense 一d?


以你地既羅輯, 曼聯必定要攞第19次冠軍, 仲必定要做第一支4連冠, 但今年唔"做"再花5年,
是否合乎你"最短時間要賺最多錢"既原則??


其實邊個消化不良? 洗唔洗送個西柚過你?

amigofans

個陣剩返十幾分鐘,一定要入一球,換個又慢又懶得個控球能力叫做好啲嘅貝碧托7出黎做乜?
馬捷達後生有氣有力,你覺得係咁嘅情況下出貝碧會好過佢? ...
Winters 發表於 2010-4-9 11:37 PM

講你地d英超marketing論同賭波做假已經好攰, 不如講番d實在有眼睇到既波,

你認為上場出macheda會好過b9, 咁你尋晚有無睇馬仔咩表現??

無錯技術體能,身形都睇出佢既潛質, 但講到點樣同隊友配合, 如何走位閱讀球賽,
佢就真係一個19歲(原來得18)既牛奶咀波, 無波踢胡亂衝回後場, 攪到自家放波上去人影都無,
成場見到3 4次, 佢入攝唔多, 就算hold亦交唔出好球, 簡單講, 得個走字....

"貝碧托7", 見你咁叫佢, 都知你興, 其實我亦對b9非常失望, 尤其尋晚既表現, 我認為暑期老費應要考慮佢既去留,
因佢實有幾年前"科籣"既再版之感....


我本身亦非常看重macheda, 認為可以比更多機會上陣, 令佢成長快d,
但現階段講, 就算b9再不知所謂, 落到場既作用仍然係大過馬仔...

18 9已經似晒樣, 唔係話咁易, 強如c朗細哨, 18果時都係一劈屎咁,
如果唔係, 費比仔同朗尼點會咁值錢?

amigofans

天童!!話咗多次,如果個個好似你甘做生意,實死梗!!
商業好賭博好,唔係"放棄曼聯"等於break咗賺錢條rule!
四連冠創造咗一個歷史出黎,將支持曼聯既人推到上最高,你認為下一年即刻五連冠會再推得上有幾高??會再高啲,但 ...
HansChan 發表於 2010-4-12 12:57 PM

哦, 即係曼聯贏果時年就係"做", 輸果年就係"卓頭要做得其所",

又即係曼聯keep住贏果時就叫"要谷佢地上為個market大d", 輸果年就叫"英超一樣會有錢賺"...

咁其實4個字, "輸打贏要" 咪講晒咁耐以黎你講d野lor

btw, 我估你misunderstand我講4連冠係上年, 曼聯上季贏利物浦只係3連冠, 第18次聯賽冠軍,
如果今年攞就會4連同19冠破"雙紀錄", 對曼聯上昇地位黎講非常重要...

對於點解你地口中既"幕後玩家", 何解今年放棄捧曼聯上天既最好機會, 肯花多之後5年再攪,
hanschan兄你已經用你既四字要訣"輸打贏要"解釋左, 我亦技窮去辯駁...

不過英超仲有4 5週要打, 求神拜佛而家只係"幕後玩家"製造高潮, 最後曼聯仍會戲劇性登頂,
到時你地大可大造文章加以配合, 相信那時身為曼迷既我, 定會打不還手罵不還口....

話時話騎刧左個post咁耐, 我就夠啦, 你地玩夠未?