Shaqleung

不如大家睇下前果兩場,pepe,arbeloa,carvalho點樣打摔角,抽水,差唔多連一張牌都冇事.

pepe踩人,arbeloa直情踩adriano重要部位,carvalho踩完pique再扮受傷.咁我想問,皇馬有咩資格話人?

應該俾番阿仙奴熱刺入四強再爭啦.

Shaqleung

此為西班牙盃決賽片段.

arbeloa有冇踩,大家自行判斷.

pepe呢場應否紅牌,可從犯規數字及嚴重性判決.

xabi alonso拉iniesta,又應否紅牌.

如果皇馬係打少三個,會唔會都係贏一球?

Shaqleung

大家都好輕易咁樣可以係網上搵到一大堆針對巴塞既video,冇人會搵下皇馬.留意之前果個video,卡華奴踩完pique,佢碌地,球證仲吹埋pique犯規.

試問上場巴塞絕無得到半點好處下輸左,有冇咁樣去鬧球證,鬧對方?皆因佢地知道佢地做左同樣既野,不能夠有口話人冇口話自己.

我唔同意巴塞既行為,雖然某程度上亦都因為球證懦弱,縱容犯規,所以巴塞覺得咁做先可以引起球證注意.但係皇馬亦都冇理由係度話人地既球員,皆因佢地都有一整隊騙子球員.有睇過carvalho,arbeloa同c ronaldo踢波既,冇理由唔知我講緊咩.

係,我係巴塞迷,我鐘意佢地既華麗足球.鐘意足球既,都會鐘意睇佢地踢波.但係不君子或者冇體育精神的確不值得嘉許.摩連奴講得啱.上年巴塞贏波係靠球證四強幫手.今年亦都可能有d係.但係觀乎皇馬係呢三場,有邊場佢地係踢緊"足球"?佢地無能力咩?咁聯賽大勝華倫呢? 個人認為,只係摩連奴對呢班球員可以贏到巴塞無信心.所以只可以用dirty football去抗衡.

所以對我唻講,最公平都係熱刺同阿仙奴係四強爭.

Shaqleung

正如我講,我唔同意daniel alves同busquets既行為.我好佩服messi對親皇馬俾人當沙包咁踢都仲忍到唔打人.至如villa,其實慢鏡都好容易見到arbeloa真係有踩落去.至於你話佢即刻起到身.起到身唔代表唔痛既.zabaleta對曼聯俾scholes界開隻腳都踢到,係真係佢捱得.

咁其實c7下下插水係度張開雙手,係咪博球證吹,博球證俾牌? arbeloa咁樣踩人, 踩重要部位, pepe野野都咁樣踩腳腕,係唔係想傷人?

之但係根本個問題就係大家都贏得唔光采.無論messi入球波幾靚,大家都會覺得巴塞球員冇品.又或者俾皇馬贏到,d人又會話佢地踢dirty football, 想收人山. 講到尾,兩隊球員同教練都冇資格去指責對手.

個人作為巴塞迷,或多或少當然係維護愛隊.睇緊呢幾場波,有時覺得賽後大家都針對巴塞,其實有d唔係好公平. 好似人地話busquets踩xabi冇事,同一場其實pepe踩messi,都冇事.不過大家就會將後者完全掩飾. 不過維護還維護,我最唔開心既反而係佢地兩隊將國家打吡變成刺激而不好看既足球,甚至乎係醜陋及可笑的. 呢樣先係我最心痛的.

皇馬,如果真係仲想贏,希望下場作客可以睇到佢地堂堂正正咁樣去進攻,踢番佢地既風格出唻.至少大家有好波睇.

Shaqleung

咁以巴迷角度係唔係全個英超+意甲都係暴力足球??
我唔係贊成故意傷人
pepe個d動作係有d唔要得
但係好反感係又話唔係又話人暴力
仲要話足人成隊都係
你係咪第一日睇波?
你睇100場波pepe果下入邊會出現過幾多次??

巴 ...
屎勇 發表於 2011-4-29 08:29 PM

Busquets 果腳並非歐聯的,所以無雙重標準,皆因pepe果場既收山腳都無俾牌.

pepe係一個點樣既球員,我諗皇馬迷會清楚d. 我既睇法,佢係勇悍同茅之間.我知道佢每一腳都唔係有心收人山,正如每一個皇馬球員都唔係有心想咁做,只係做得過左火. (俾起roy keane)

一個球迷角度,有時睇野都需要持平d. 我都唔鐘意皇馬d球員某d行為,之但係alves同busquets的而且確係唔抵幫. 我個人只係認為,一眾皇馬迷係發洩既同時,其實都應該睇睇自己隊既球員做左d咩.

adebayor出唻話唔明點解場場對巴塞都有人俾人趕出場, 極幼稚既講法. 除左pepe之外,今季之前果四場,有邊個夠膽講係俾錯紅牌?

將一d小事發大唻講係唔好,將一d大事講到好唔嚴重亦都唔合理.

成件事我只係覺得,球員唔尊重足球,球迷並不理智.

Shaqleung

Busquets果腳我都覺得要俾牌.但係兩場波黎架wor,好難話球證雙重標準架話.....我個point係,西班牙盃,pepe個鞋底都踩過人,咁球證兩邊都唔俾,都冇野好講.

再者,論做戲,兩邊都有啦.係球迷都知道兩隊都係一擔擔.

好似你一樣,我都係想睇場好波.我都好失望兩隊踢到咁.你講得啱,細哨以前踢既時候點會咁? 至少果時係真係精彩既鬥攻戰.

國家打吡梗係打甩脾,但係唔係搞到要打人咁大鑊既. 其實有時我都唔明,兩隊d球員咁frd,點解落到場,真係踢到好似同佢前世有仇咁.

Shaqleung

咁我諗第二回合你都係唔好睇啦."瓜菜"都係會繼續如你所言做埋場戲入決賽.而如果皇馬有幸反勝,佢地亦都一樣只會做戲咁樣拖到完場.

自問跟波都跟得幾足,屎勇兄對"瓜菜"既不屑,其實皇馬都係咁. 應該咁講,我諗西甲過半數球員都有呢個嗜好. 不過全世界焦點既呢場波,大家硬要將"瓜菜"既野放大,都冇得好講. 正如群眾能夠漠視係呢三場波都應該至少拎張黃牌既pepe.

我唔係打得勇d就唔得.好多犯規我都覺得球場常見.好似你話,大家睇英超都知,埋身肉博都好正常 (皮開肉綻都有). 不過我個人覺得有幾下皇馬就唔係好抵幫.

我咁用心回應屎勇兄, 都係想話你知,其實件事唔係傳媒或者群眾渲染得咁一面倒. 根本上就係兩隊都唔啱,而唔係屎勇兄或者摩連奴所言,球證偏幫.

Shaqleung

講起丹尼爾碌地,唔知屎勇兄對於係西班牙盃,卡華奴係加時下半場補時階段,佢解圍之後,踩中pique,跟住再碌地嗌犯規......有冇印象? 唔知你又點睇呢?

Shaqleung

對你黎講可能兩隊有分別..但對我黎講..D兩隊一D分別都無..都係甘衰..
LOFREE 發表於 2011-5-1 03:46 PM

同意

Shaqleung

搞到屎勇兄咁慶,仲搞到自己乞大家憎,有咩得罪,有怪莫怪.我都係講下自己既睇法.可能都有d偏激.