baatkung

依家班自由行去到海洋公園都打尖唔排隊,不如我地諗下第日Disneyland會點?樣樣野都要排大隊,你估下佢地會點?我年多前去過一次海洋公園,排隊坐吊車時,我覺得好奇怪,我咁大個仔都未試過排隊會越排越要退後,原來前面有一大班著西裝手持水壺的內地同胞攝下一個,攝下又一個!記得單新聞嘛,有班自由行搭山頂纜車打尖唔排隊,有個香港哥哥仔話佢地兩聲,班自由行繼續打尖,但一落到金鐘纜車站即群毆個哥仔!好似我果日去黃大仙廟隔離百佳,剛剛有班大陸團自由活動,佢地一入黎就大大聲話:"我地黎買野啊,乜比錢都要排隊呀?",最尾又諗住搏大霧係特快收錢處打尖,當然梗比人丙啦!就係咁,佢地第日係Disneyland門口排隊買飛你話會點?入到去玩野又會點?之後見個個"MOU"晒係度,我地會點睇?可能第日我地香港人反而怕左充滿內地同胞的Disneyland,或者小左內地人的海洋公園先吸引到我地!

baatkung

Originally posted by srfqt1 at 2005-4-27 03:26 PM:
海洋公園冇一D卡通人物去吸引小朋友去
你知啦,如果你可以令到小朋友係咁叫阿爸阿媽去海洋公園玩
咁先至係源源不絕的客路呀麻
如果海洋公園可是將D動物包裝成非常可愛的卡通人物
起碼咁樣先唔會輸蝕俾米奇老鼠果D卡通人物,

其實海洋公園本身已經有六隻卡通人物吉祥物,新近仲加多兩款添!只不過佢地個樣唔可愛,吸引唔到大家,無乜人知之嘛!盛智文入左海洋公園之後,其實海洋公園已進取好多,起碼以前果班香港人廢柴冗員都有自知自明,依家都走得七七八八,新請果班鬼仔起碼知乜野係主題公園,總好過舊時班友係處呃飯食!比D時間海洋公園佢地啦!

baatkung

我地當然知如果海底奇兵的人物係海洋公園吉祥物就正晒啦,不過依家海洋公園果D吉祥物已經係美國人設計,以前海洋公園香港人話事年代就想另行一條路,又迷信外國野一定好,佢地都唔諗下東方人口味,卒之就整左果班好西洋的吉祥物,依家海洋公園就外國人話事,但佢地又好鐘意呢d外國款卡通造型,所以真係無辦法!新近果兩隻熊貓吉祥物已經叫好D架啦!

baatkung

Originally posted by hiroraymond at 2005-5-8 03:52 AM:
大家都似乎走向用卡通人物互撼 ..... ...

Namco呢個品牌依家係香港都有經營類似冒險樂園的遊樂中心,呢d都係沿用佢地係日本的經營方法,但大型D遊樂場方面Bandi同Namco都唔敢攪,但佢地卻賣個別動漫畫人物代理權比D遊樂場,佢地呢d日本版權代理商淨係賣個指定公仔頭已坐定定收錢,仲未計合作伙伴的產品分賬,香港呢個市場有邊個會比呢d高昂費用,比左都唔知幾時回本!其實你咁講亦都只是卡通人物互撼,等於迪士尼出米奇,呢邊就出朦面超人,咸旦超人加龍珠高達大集會,其實海洋公園已經標榜自己係一個海洋教育中心,可惜宣傳唔足夠,增加景點同機動遊戲只想增加競爭力,而海洋公園d醜樣公仔只不過是海洋公園的吉祥物,都唔係主力,佢地都唔高調要同迪士尼卡通人物撼,當然要同迪士尼比緊係無得比啦!

baatkung

Originally posted by stone86 at 2005-5-8 10:30 AM:
其實海洋公園應該一早要改革啦
現在先話改,起酒店及渡假村,遲晒啦
真係後知後覺呀,

海洋公園多年前已經話改革同起酒店架啦,但當時政府唔幫,土地又唔比更改用途,依家蘭桂坊老細盛智文做左CEO之後,盛智文話乜,政府都話OK!總之外國人講野另捨特別響D!!!

baatkung

"要係競爭中贏既話，
一定要承擔個風險架啦，
無人能肯定賺定蝕，
但如果怕既就應該唔適合做生意。"
無錯!如果係獨資的話又財雄勢大有大水喉射住就可以講呢d說話,
但依家海洋公園攪一大堆設計圖同計劃書要向商界借錢,要搵政府幫手,
都要衡量回報風險,要向投資者匯報策畧同向投資者負責,
你要令投資者相信先有人借錢比你!
當然無人能肯定賺定蝕，
但如果怕既就應該唔適合做生意這方面就有問題,
電視劇就可以描述主角有冒險精神而獲投資者欣賞而注資,
冒險精神都要配合現實情況,
現實上做生意寫少段數據,
人家有小小懷疑都無人采你,
如你知道人物版權的支出,
相信你都唔會投資,
當耗了金錢做過山車,就唔會再費錢加個鐵甲萬能俠頭上去,
高科技等於要高金錢,
你玩過日本或者美國環球片場的蜘蛛俠館4D遊戲嘛?
這高科技遊戲共投資了20億美元!
人家一個蜘蛛俠館4D遊戲已等於現在海洋公園整個計劃了!

baatkung

Originally posted by hiroraymond at 2005-5-11 03:06 AM:



哈~~~~~
睇黎我唔係咁適合係...

遊樂場永遠係投資危機性高項目,日本環球片場收入至今仍不理想,豪斯登堡主題公園破產,法國迪士尼虧蝕多年!海洋公園現今的定位為海洋教育中心配合水療,酒店,機動遊戲,無疑是定位正確,這樣可避免主題公園形式上和競爭對手迪士尼樂園類似。日本環球片場現依靠芝麻街館和蜘蛛俠館這兩個熱門高科技4D遊戲4D遊戲來吸引遊客,藉蜘蛛俠遊戲擁有100多個不同旅程來維持入場人數,據報導說環球片場也稱投資過巨,但收入至今仍不理想。所以海洋公園現今的定位反從商家方面睇還有發展空間,不過現在只得計劃,直至全部落成還有很多變數,但總好過和迪士尼卡通人物硬撼,高見我就沒有,因我見過其計劃都感覺海洋公園都從經濟及公園財政本身都經過深思熟慮,這已經算一個比較好的方向,總好過我們D高官咁話長洲搶包山可以轉做搶公仔山,搶蛋糕山咁高招。而主題公園的吸引性確是一問題,如見過日本迪士尼的灰姑娘城堡的宏偉,反觀香港忠於原著的灰姑娘城堡卻有點寒酸。另外我們香港人不喜歡海洋公園的一個原因,就是太多內地人,看見五一黃金週內地來港人客減少嘛,人人都話九月迪士尼開幕後才來香港。當然從迪士尼來說,我們香港人不是主要市場,主要市場是東南亞及內地遊客,因歐美遊客不喜歡迪士尼,他們喜愛動物和悠閒舒適,海洋公園的變格就期望可吸引到他們,但歐美遊客來港不足是一個憂慮。而內地遊客雖然可能會減少到海洋公園,但相信仍然有一定數量,因他們使用的香港遊團體票不貴,無疑內地人現在的確富有了很多,但到海洋公園仍不少是平價團,當日後知道迪士尼的高昂票價,相信仍有不少內地遊客團會到海洋公園。但當那時候海洋公園不再是"內地自由行樂園"時,加上其新設施,相信不難吸引回我們這群香港人!當然海洋公園要和迪士尼的入場人數打成平手的確是天方夜譚,但海洋公園始終是香港自己本土的主題公園,咁多年來都只見佢乜都做唔到,依家起碼都叫有個鴻圖大計,而個計劃書都叫見得人,盡見海洋公園的雄心壯志,無論第日結果點樣,都應該好過依家啦!當然如果海洋公園乜都唔做的話,我都覺得既然咁不思進取不如Close左佢啦!