<<新主題 | 舊主題>>
娛樂滿紛 26FUN » 戀愛起義 » 男人遭受更多的性別歧視[樂+]
返回列表 回復 發帖

男人遭受更多的性別歧視[樂+]

男人遭受更多的性別歧視

一,仍然有學校體罰時,是指明只可罰男不可罰女直至九一年九月,才全面禁止體罰學生,即係而家好多青年既童年都受過,所以你唔好以為係好年代久遠、好咸豐年的事。就算冇喱樣野,但同樣犯規,男生比女生罰得較重這種事,也一定有吧!!!

二,好多勞工法例,都係「保護婦孺條例」,只對「女性僱員」提供保障,男仔冇份. 例如最高工時、做幾耐要畀幾耐break time等. 這不單是女性的需要吧!!但偏偏只是保障女性!!(九七年七月,特衰政府剛成立之初有關條例被指抵觸「性別歧視條例」,而遭廢除!!點解要廢除,而唔係保障埋男性?很明顯,「反性別歧視」只係藉口剝削勞工至係真目的!!!本來這特衰政府(狗) 官(奸) 商勾結,從冇把勞工階層當係人剝削基層已是司空見慣,但點解當年要咁樣立法??)(詳情請按此處)

三,逢親乜桃色糾紛,梗係乜都話係男人既錯。鐵証:

1.陳健康事件,全世界一味對佢瘋狂圍剿, 但對佢個「丁蟹」老婆,就一D批評都冇,反而一味同情、憐憫,甚至「殺子可以理解」,陳健康「害死妻兒」...…呸!是誰擲子落街的????「不忠」罪大過「殺子」????
如果兩人角色對調,我唸大眾反應一定係:「一定係個老公衰,老婆才勾佬,所以老婆勾佬「可以理解」,老公戴綠帽係抵死」「父親殺子,罪加一等!!」(我強烈質疑點解同樣係伴侶不忠,但「戴綠帽」喱個譏諷卻是男性專利)

2.楊寶玲一句「你都冇俾家用,點解要有喱D福利」陳容森就被千夫所指,但陳亦有指楊及外家待他豬狗不如,又有人理嗎?

3.情侶吵架後,不論誰是誰非, 要道歉、卑躬曲膝的,男方不是壓倒性的多?

4.一對男女在街上吵架(不論他們是甚麼關係)第三者不是幫個女人多D??

這其實是因為一有桃色糾紛、男女間的瓜葛女人一定幫女人,男人不一定幫男人為甚麼呢?
我認為有兩個原因:

1.男性不及女性團結,甚至會為討好異性而損害同性. 即使對受討好的異性並無企圖,即使和受害的同性無仇無怨

2.香港女權太高漲,某些男性想為同性講說話也不敢,否則會被女性視作公敵,甚至連同性(男人)也唔妥你(原因見上)
又或者自幼在香港這重女輕男的環境長大,在潛移默化下,也認定女人永遠是對的。
追加:陳章事件,可說是罕有的例外

四,不時有一些消費優惠只對女性提供,最常見莫過於某些Disco、酒吧的 「Ladies Night」雖然已有「性別歧視條例」管制. 但充其量只能令有關機構作些「應酬式」的改善. 例如:原本只對「首X位入會女士提供A優惠」在「性別歧視條例」管制下,再加「首Y位入會男士可享B優惠」.當然「Y人數」遠較「X人數」少,「B優惠」亦遠不及「A優惠」豐富. 例如:「首一百位入會女士入會費全免、首五十位入會男士入費半價」.(我真的見過類似廣告,好像是健身中心的)

五,男對女好、男對女遷就、容忍是「應份」;女對男好、女對男遷就、容忍是「恩賜」。女人的要求,就叫「應份」;男人的要求,就叫「過份」鐵証:

1.逢世界杯,全世界都話:「做人男友要識做,唔好掛住睇波泠落女友」。
不過,鐵達尼號大熱時,無數為人男友悶死之餘仲傾家蕩產,仲有坐完三粒鐘後, 隔離果個極可能已「毛毛雨」甚至「傾盆大雨」又要花心機番!! 有D仲橫蠻到因為男友 搵唔到根本唔存在既五粒鐘版而大發爛渣......
仲有史諾比事件,被女友勒令梗足廿八日,浪費金錢時間兼喉嚨痛狂爆暗瘡者, 大不乏人!
然而,在鐵達尼和史諾比事件期間,傳媒和大眾的反應卻是靜如深海,彷彿一切是「應份」!!

世界杯時滿口「做人男友要識做」.鐵、史事件其間有提過半句「做人女友要識做」嗎???果然,女人的要求(鐵達尼,史諾比),就叫「應份」;男人的要求 (世界杯),就叫「過份」. 男遷就女,陪睇鐵達尼(仲要破財)係「應份」.女遷就男,陪睇世界杯(免費娛樂)係「恩賜」

2.女人對男人說:「你愛我就買D乜乜物物畀我」. 男人不答應就是「自私」、「小家」、「孤寒」、「冇『風度』」、「不愛她」...
男人對女人說:「你愛我就同我上床」就係「男友的過份要求」、「咸濕」、「賤格」、「只是愛她的肉體」............

3.男人D錢 ,
使在女人身上,買公仔、飾物、時裝甚至金銀鑽石....就係「風度」、「浪漫」、「細心」、「溫柔體貼」 ...
使在自己身上,買模型、音響......就係「浪費」、「揮霍」、「玩物喪志」...

4.情侶之間,甚麼紀念日、情人節,通通等如「女友節」(這個最簡單俐落,不用多說吧)

六,好多野,「責任男人負,功勞女人領」。好似養兒育女、擔起一頭家的責任總是父親較大,(還有你在街上留意一下,可能因女權太高漲, 現在的年輕夫婦,??抱仔的、推BB車的,已經多是男人) 但你只會聽到「世上只有媽媽好」,「媽媽真的愛你」爸爸不知去了哪裡,(不知陳健康的兩名兒子,身在另一世界還會否唱這些歌?)
大眾、傳媒對父親節、母親節的反應可以說是天淵之別!(哪個反應大得多?不用多說吧)

又如「浪漫」喱樣野,冇男人D心思同銀兩,我睇你點「浪漫」!!!但如果你問人「男人定女人浪漫D?」答案相信不用多說,一定答女人,但如果問「製造浪漫既責任男人大定女人大?」又會點呢?


七,好多公共浴室、更衣室(例如學校、泳池果D)女仔果邊個個間開一格格,仲格格有廉遮住,但男仔果邊,唔好話浴廉,連間格都未必有。大細超!難道男性不需私人空間嗎????

其實和同性的距離,男性要比女性大(又是因為「男性不及女性團結」)和同性作親密身體接觸,是女性專利,例如跳齋舞、手拖手行街、玩超級無敵夾死你(麵包),玩一級奸爸爹中的水中接吻.......等. 女性之間可以做,但男性之間可以嗎?!
可見在同性面前,男性比女性更需私人空間. 但現在卻是本末倒置!!
不過當你想到:

1.「男人入女廁」和「女人入男廁」,兩種後果差別有多大

2.清潔阿嬸可大搖大擺入男廁,男人不滿,就大叫:「我幾廿歲啦!有乜未見過呀!」但清潔亞伯可入女廁嗎(除非將之清場兼封鎖)?可以對入面既女士(如有的話)大叫:「我幾廿歲啦!有乜未見過呀!」嗎??

3.醫院入面,有D要接觸病人私處的工作,如插/拔尿喉、剃陰毛(割盲腸前必須)等. 男護士不可為女病人做,
但女護士卻可為男病人做!!唔好話因為護士以女性佔多數, 難以下下用男護士服待男病人,警察有九成是男性,但又要指定搵女警服待女人?!

4.昭仁和伊藤不單止被日本電視台要求(應是命令)當眾全裸出浴, 而且畫面播出後,外間一D反應都冇,如果佢地係女,不要說畫面播出後,外間反應如何? 就連會否被要求當眾全裸出浴也成疑問。

5.對好身材的異性, 女對男可邊「好man呀~~~」邊又搣又摸. 男對女呢???.......

你就會知道,「私人空間」和「身體私隱」這回事上男性是如何「次等」,女性是如何「超等」

八,不論是男多女少或女多男少的場合,男性總是好像是蝕底的一群.如:男校女生是「公主」(不用多說吧)
女校男生是「奴僕」.冇人願梗既豬頭骨,就被屈去行先死先,肥豬肉呢?lady first!!最後至到你!!!
(又是因為「男性不及女性團結」男校內,男生為討好男校女生而作賤自己, 但女校女生卻絕不會如此)

九,甚麼「好男不與女鬥」、「男人要大量」, 都係「男人有義務被女人老屈仲要啞忍」,「女人有特權無理打男人,男人有義務捱打」的美化版.

十,常聽人說:「係咪男人黎架?!咁唔負責/講左又唔做/咁優柔寡斷/冇義氣.. 」又或「男人大丈夫,要有責任心/講得出做得到/堅定決斷/有義氣…」言下之意,是否女人就有「唔負責/講左又唔做/優柔寡斷/冇義氣」既特權??

(↓以下是有關雙重標準的↓)

十一,女性可穿梭傳統和現代的社會標準
盡享兩者好處,而男性不可,例如:

1.一班年青男女去camp,煮食、洗碗等時女的就大叫:「我唔識煮食、洗碗呀!而家男女平等,點解仲要規定女仔一定要做喱D野呀?」哈!「男女平等」!!搬重物、紮營、透爐果陣唔見佢咁講!!!(所以去camp既工作,幾乎乜都係男仔做哂....)

2.一邊要「不是弱者」的權利. 但又要受「作為弱者」的額外保護!!既然女人不是弱者,何解:

i.女人仲要受保護,要男人接送?

ii. 對於傳統上的男性工作,艱苦勞動、厭惡性、危險和地位低的,如三行、五金、地盤工人、車房仔、打仗時當兵送死......女人從不介意是男性專利;
但地位崇高的專業,如飛機師、工程師、政府高官、行政人員等,就要「平等」

iii.上面對於高級既野,就「女人不是弱者,男人做的女人也可以做」.對厭惡性、危險、艱苦勞動的工作,就「有冇搞錯呀,要我地女人做喱D野,你係咪男人黎架……」

iv.女人仍可使用眼淚作武器,而不和男人一起「有淚不輕彈」?

v.面對困難挫折,女人可以大叫「我係女人黎架!要人關心架!」但男人就要獨自面對困難挫折,求助就係「冇出息」?

vi.男人對同性可粗暴無禮,對女性就要低聲下氣?

[ Last edited by 樂壇渣Fit人 on 2005-5-11 at 08:44 PM ]
agree~~出去見工~~通常都係"xx女工"~~~~好少"xx男工"
周街都見
好文!!!

比個Good你!!!

好值得考究既一個問題.
到底男女平等意義何在? 而實際上又是否平等呢?!!
   犯  O
       / _ O__,
   賤  LL  //  LL &
------------------------
when girls come to 男廁, they will just scream, but when male go to 女廁, they girls will call 999.
ZGMF-X20A Strike Freedom Gundam
Mobile suit Embedded Tactical EnfORcer
無線果套老婆大人真頭睇到我眼火爆
女人大晒咩
拍d咁既劇集,講到陳錦鴻成隻狗咁
食屎屙飯啦!!!!!!!!!!!!!!!!!!!!!!!!!!!!!!!!!!!!!!!!!!
以前ge男仔就要有gentleman風度凡事lady first,
現代就講女權主義,凡事以女為尊.但當有事時卻古制復辟;
高呼好男不應與女鬥.
唔係話同佢斤斤計較,但女子能穿梭兩個年代而盡得其好處真係厲害~!
你的回應便是我的力量
Originally posted by karate_pau at 2005-5-11 02:26 AM:
無線果套老婆大人真頭睇到我眼火爆
女人大晒咩
拍d咁既劇集,講到陳錦鴻成隻狗咁
食屎屙飯啦!!!!!!!!!!!!!!!!!!!!!!!!!!!!!!!!!!!!!!!!!!
你睇睇下你就會知陳錦鴻唔係表面咁膚淺..
其實耐唔耐佢都有一兩句解釋佢點解咁就個老婆..

有次睇一個節目, 都係講"老婆奴",
個男人最後話, "做咁多o野都係因為我愛我老婆唧"...

當女人自以為"管到個老公時", 有無諗過對方點解被你管到? 咪又怕你嬲, 怕你唔開心囉。
要求女友造愛是「只是愛她的肉體」...
這可以是男人叫雞的理由... hahaha ... 我叫雞我只愛雞的肉體, 我同你拍拖就係愛你..

有無男人只叫雞但唔同女友造架呢?
咁對女友係咪就係真愛呢?
好簡單
清潔ar嬸洗男廁就得!!
清潔ar伯就唔得!!

而家好似唔係提倡男女平等
而家好係要為以前女人所受既不公
黎作一個補償
返回列表 回復 發帖
<<新主題 | 舊主題>>
娛樂滿紛 26FUN » 戀愛起義 » 男人遭受更多的性別歧視[樂+]

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。