marqzho

我覺得維繫一段感情，其實每個人，每對情侶都會有唔同既方法．．．
好難將一你用緊果套用係我身上，又好難將你果套用係我身上．．．
就我自己認為．．．

維繫關係最主要係靠坦誠，點解要做到坦誠？首先如果你做到無野呃佢．．
佢對你既信心就會建立起黎，久而久之就對你好信任．．
信字真的好重要，唔好諗住呃佢少少佢唔會知，但係其實佢係會ＦＥＥＬ到架囉．．．
當佢發現到有咩唔妥，對你起左介心，關係就會變壞的呢．．．

其次就係分享，除左坦誠，我認為對你一定要學識將你既一切分享比你伴侶，
你既伴侶會想知道你既一切，你既經驗，你既所見所聞，好好利用自己既經歷，增進大家既溝通，大家好多兩人之間話題都會慢慢咁產生，日子一長，你同伴侶既距離就會拉近，從而將戀情昇華

第三就係包容遷就，同分享與坦誠同等重要的，欣賞佢既優點，包容佢既缺點，好似好老土咁，但係呢樣野有用既，當你討厭佢既缺點時，你呢個心態會表露係你既行為你既態度上面架，唔係呃你架，唔好諗住可以討厭佢既缺點但係收收埋埋，你一個面色一個眼神都足以出賣你．．．當你既伴侶有任何缺點，試下重另一方面看，事情會美麗多了！

其實要維繫一段感情既方法真係好多好多，例如專一啦，互相愛護關心啦，呢Ｄ都係唔洗多講，大家都會明架啦，好似我咁～我都女友只不過係拍左一年半拖，雖然日子唔長，但係大家真係好珍惜大家，呢個感覺唔係因為熱戀所產生既，而係因為我對佢真係好坦白，我可以將我身邊既一點滴都同佢細訴，你可以話我只不過係拍左果兩年唔夠既拖就講Ｄ咁既野未夠資格，但係我真係想大家知道，『包容，坦誠．．．』呢Ｄ既詞語，當你心中堅持住呢個信念，你同伴侶既關係真係會豁然開朗得多．．．．！！！

marqzho

有感而發＝　＝”｜｜｜｜好似作文咁．．．