fatfatdragon

小弟年初時曾參加國內一旅行社(都算出名)主辦的雲南(昆明, 大理, 麗江)之旅.
有些東西可以和大家分享(其實是苦水), 等大家可以參考參考.

[1] 出發時間太早, 機位安定亂
我地在廣州新機場出發到昆明. 集合時間是早上5:30am - 6:00am. 其實早出發冇所謂. 最大問題是安排. 我們到達後在約定時間過了半小時才有工作人員出現, 而他們似乎人手不足, 只得兩人. 等了好久才先攞到機票, 一睇機票, 喺按人名拼音排. 全部散開坐. 要團友上飛機後自己掉位. 於是就好亂.
[問題] 如果旅行社冇辦法在約定時間出現, 就唔好約咁早, 因為新機場幾驚等錯地方. 飛機坐位安排, 可以按報名清單做, 或者好似在回程時由工作人員分配好先上機.

[2] 飲食安排差
我地團喺由廣州出發, 團員主要來自廣東(其實, 我約略數過大約8成是廣東人). 就喺咁, 6天之旅中, 只有一餐我們要求食米線外和一餐自由活動(食黑山羊火鍋), 清一色廣東菜. 要知道, 雲南地處西部, 其中一個賣點就是食. 我地唔要求全部都是雲南菜, 但是都應該有幾味比我地試下. 雖然領隊講, 中間我門食的有些是地道菜, 如果我講, 只不過是農村菜.
[問題] 應該因為錢的原因有此安排, 最後我地每人比多好似60RMB(唔記得, 大約)就食倒好豐富的過橋米線. 領隊講曾用來招待什麼世界會的外賓 (好似是雲南四大定工大最出名老字號其中之一). 如果成本高, 可以出發前分級列出, 等我地有得選擇.

[3] 景點和"消費點"時間唔平衡, 同一些消費地方推薦不合理.
按非正式統計, 交通, 景點, 消費場所, 休息 時間比例大約是 20%: 30%: 30%: 20%
可以想到幾少時間真正觀光. 另外,
- 可以見到的部份觀光點, 有好多已經有很大人工修飾和商業化 (其中麗江古城最厲害). 同想像很大出入.
- 雲南出產很多藥材和玉石, 大家非專家情況下去大的/專營的地方用高些價錢買正貨都可以接受, 但是其中去所謂手信批發市場買, 比其中有些團友自己去wal-mart買重貴, 就過分了少少.
[問題] 錢要搵, 但是要平衡團友心理.

[4] 文通時間恐怖.
由麗江回程, 搭了13-15小時車回到昆明(其中3至5小時是食飯, 下車小休順應人體自然呼喚). 現在想起都想嘔. 最重要在山區行車非常會另人提心吊膽 (我見到在一急彎, 有一路牌寫著急彎, 其實好似寫住死亡彎角, 但路牌前面的欄杆穿掉 ). 在上高山下山時, 看出窗外好過玩過山車. 另外, 在一段山路要黑夜行車就更另人擔心. (有團員醒目, 比多幾百元一人, 由麗江搭飛機回昆明等我地...
[問題] 可能唔關旅行社事, 但我覺得可以在安排做得更好, 比如減少回程時去食飯時間.

[5] 飛機誤點
都唔關旅行社事, 因天氣原因, 飛機無法在廣州起航丁到昆明接回程. 等了5小時有多, 另外機場免費飯好難食

雖然說了很多唔好, 但有些地方都唔錯. 好似玉龍雪山, 風花雪月啤酒, 黑山羊火鍋(好平好味好正, 叫揸車師傅介紹), 麗江五星級別墅酒店(聽講競爭大相對上平, 又每一別墅有專人服務, 做早餐, 和晚餐...幾多選擇和好食) 不過全部在麗江.
如果有機會再去都是自由行去麗江.
(導遊講, 雲南/大理晚上治安問題, 晚上最好少外出. 不過我地冇理照出街 )

有少少相和大家分享一下, 影得唔好唔好介意.
1.jpg = 石林 (昆明, 個人覺得有特色, 但唔太靚)
2.jpg = 茸海(湖), 幾好, 可以比錢出湖
3.jpg = 車上影玉龍雪山
4.jpg = 唔記得叫乜河, 好清, 可以同毛牛影相(要比錢)
5.jpg = 玉龍雪山毛牛峰(主峰因雪崩被封, 冇上去, 要搭纘車, 幾驚)