fatfatdragon

有很多兄弟在選最好打武將時, 都認為呂布好冇品, 特整理一下呂布如何冇品

[1] 呂布初出場為丁原義子. 因受董卓金銀, 珠寶和赤兔馬之禮, 殺丁原而投董卓. (貪財, 不忠不孝, 其實還有貪戀功名的野心)
- 李肅(董卓以下一人)建議董卓送禮收買呂布, 開始呂布已經表示, 在丁原下是屈就.

[2] 殺丁原後, 再拜董卓為義父 (成三姓家奴). 最後和董卓爭貂蟬, 再因此而殺董卓. (好色, 不忠不孝)
- 王允借美人計另董卓和呂布相爭.

[3] 出長安, 然後兵敗濮陽, 避走徐州. 得傻瓜劉備收留. 但是最後忘恩負義, 當劉備出兵伐袁術時借機搶徐州.
- 荀彧先以二虎競食之計, 借劉備殺呂布, 成可殺呂布, 否則兩者雙爭 (劉備唔中計, 反陰曹操)
- 荀彧再以驅虎吞狼之計, 耍劉備出兵袁術, 做成呂布有機搶徐州
(野心, 忘恩負義)

[4] 先答應袁術提親(貪袁術有玉璽, 可能成天子), 後受陳珪影響(指出這是袁術計借呂布手殺劉備). 退回婚約, 並扣押袁術子(後押曹操被斬)
(貪心, 冇原則, 背信)
- 紀靈提出疏不間親之計於袁術, 想利用袁呂姻親關係, 借呂布手殺劉備

最後, 呂布為曹操大敗, 加上劉備一句"你唔知丁原, 董卓點衰?" 曹操就斬了呂布.

從上面呂布四大冇品之事睇見, 每次呂布有重大冇品之事, 都是出於有心人算計. 其實三國中, 大部份人都有貪財/物, 野心, 好色, 而且好多都曾背信棄盟,
- 曹操攪女人攪到典韋戰死
- 劉備背劉璋佔蜀
不過呂布衰在
- 不聽老人言 (多次不聽陳宮進言)
- 貪小便宜
- 鍾意被拍馬屁, 對人之觀感因此不定
- 冇宗旨, 易左搖右擺

其實他還衰好打, 利害到人人都驚他和其他對手聯合, 所以下下毒計, 要先發制人, 加上他太真啦, 所有缺點都跑出來, 唔死有鬼.   

(另外! 劉備收留呂布, 可能都是想試下收呂布為手下, 如果唔喺好難解釋點解咁笨收留呂布. 只不過最後都唔成功.)

小點一篇, 多多交流 !

twh1110

Originally posted by 魚丸(蛋)=.= at 2005-6-29 01:26 AM:
說真的.....
我對三國人物不太熟識=....

fishball,nice to meet you~~

twh1110

Originally posted by fatfatdragon at 2005-6-29 02:39 PM:
有很多兄弟在選最好打武將時, 都認為...

其實呂布果時的確可以有更大作為,又有張遼,陳宮幫佢
可惜佢實在.........................(fatfat兄已經講咗)

crap

fat兄你離曬譜
點可以打到咁大段野嫁

今日好忙, 聽日接你招
加左分俾大家先

fatfatdragon

Originally posted by crap at 2005-6-29 11:14 PM:
fat兄你離曬譜
點可以打到咁大段野嫁

今日好忙, 聽日接你招
加左分俾大家先

嘻 ! 小弟想快啲 post 滿 第１頁, 等夜晚入"呢"
唔記得都唔會比主題曲 嚇親 (昨天中招兩次 )

其實最初想幫呂布平反 (因為史實未證明有貂蟬出現), 寫寫下就用咗少少現代思考方法去睇成件事. 小點之作, 希望引起大家討論氣氛.

[ Last edited by fatfatdragon on 2005-6-29 at 11:45 PM ]

tenmadio

魚丸(蛋)=.=兄,歡迎


呂布對自己太有自信la
所以後來便自作務, 不可活。
好似用錯詞句。

fatfatdragon兄有了不起的分析。
令人敬佩萬分。  hehehe

我有此不明,  張遼好似很敬佩呂布。
那為何有會去了曹操那裏, ?
真的不明

one page了

[ Last edited by tenmadio on 2005-6-29 at 06:58 PM ]

fatfatdragon

tenmadio 兄, 好高興可以和你在此互相文流.

其實, 我們都可以用剛愎自用形容呂布. 比劉備幸運, 在很早開始呂布就有全職軍師陳宮幫忙出謀. 但是呂布往往自以為是, 往往不用陳宮之計. 濮陽兵敗就是好例子. 陳宮開始時提出呂布搵二打六守兗州喺唔可行, 伏兵泰山又唔聽, 一意孤行自己進兵濮陽 (可能又喺貪心加野心之過), 錯失打擊曹操回兵之機. 最後兵敗而投靠劉備.

回到冇品之行為, 雖然眾多事項都由他人引發. 但呂布本身性格如果唔喺有太多缺點, 就唔會做出咁多留下千古駡名之事. 可以說自作業, 不可活.

另外, 依我睇, 張遼並非太尊崇呂布. 可以從兩事看出,
- 當呂布知道劉備暗通曹操 (最後徐州兵敗前), 呂布出兵攻打小沛. 張遼負責攻打其中一門 (由關羽守), 當時關羽曾問張遼:[你都唔喺樣衰, 點解要幫呂布 ?] (小弟現代版翻譯). 張遼就低頭無語, 然後未正式打就領兵而退. 可能心中已不服呂布.
- 最後都投降曹操 (雖然好有型地駡曹操, 但三國裡面邊個名將被捉投降前冇鬧過未來新老細.)

補充一點, 張遼初在呂布軍中是很低調(或者根本不被重用), 基本上高順, 宋憲, 魏續帶兵機會都比他要多.

繼續多多交流 (早些 post 滿一頁 )

[ Last edited by fatfatdragon on 2005-6-30 at 11:09 AM ]

tenmadio

我也好高興可以和你在此互相文流
其實我剛剛read了三國正史, and now 看 gung 三國演義 the tv series也有很多問題相問
wa, 呂布不但貪心加野心大, 看人也.....
張遼點都好過高順, 宋憲, 魏續la
陳宮都好聰明
haha 好一句 剛愎自用
三國裡面邊個名將被捉投降前冇鬧過未來新老細, gum 有係,

gum 我相問下..關羽投靠曹操是為?復仇嗎?

fatfatdragon

Originally posted by tenmadio at 2005-6-30 11:45 AM:
我也好高興可以和你在此互相文流
其...
... gum 我相問下..關羽投靠曹操是為?復仇嗎?

關羽嚴格來說不是投靠曹操 (我想你喺講曹操因發現衣帶詔後攻打徐州那段). 在當時下邳被攻, 曹操又想收關羽為己用, 所以用程昱之計 (又喺程昱, 徐庶都喺因佢而離開劉備), 引關羽出城而戰, 然後用幾百人圍他(可能唔止), 最後由張遼(就喺因為之前掉頭走, 同關羽後來幫他在曹操面前講好說話唔好斬他, 而相識) 出來做好人話關羽. 講如果他現在死咗, 就
- 背信桃園兄弟之約
- 劉備兩老婆冇人照顧
- 浪費文武兼備之身, 以報效漢室.
被迫於型形勢, 關羽和曹操約法三章
- 不投降曹操, 只降漢帝
- 以劉備俸祿供養, 其他人不可打攪她們
- 如果知道劉備身在可處, 都會千里相會
可以講只是寄居(搵唔倒貼切的說法)在曹操之下, 完全和復仇冇關.

不過, 如果按史實, 當時劉備老婆好似當時不在下邳 (一早已接走). 關羽暫寄曹操(唔求死)的理由就弱很多.
唔講唔信, 就因為咁我先開始愈來愈喜歡和尊敬趙雲

各位三國迷請多多指教

[ Last edited by fatfatdragon on 2005-6-30 at 12:27 PM ]

twh1110

Originally posted by fatfatdragon at 2005-6-30 12:26 PM:


關羽嚴格來說不是投靠曹操 (我想...

又畀fatfat兄你搶先一步答咗tim~