fatfatdragon

Originally posted by ming8964 at 2005-7-9 02:57 PM:
第九十五回: 馬謖拒諫失街亭, 形勢危...

歡迎 ming 兄加入我地三國交流.
ming 兄從政治層面去考慮諸葛亮六出祁山都特別. 如果我按諸葛亮的性格去睇, 我覺得呢個喺進可攻退可守一法多用的好計. 政治上: 劉備傾全國之兵而大敗, 再冇戰積或其他嘢轉移視線, 劉禪政權會好大問題 (人心低迷都玩死蜀國).  諸葛亮自己都表人心思定, 長時間唔伐魏, 就可能永遠失去動力 (劉禪作為第二代人物就好明顯有這問題).  另外, 蜀以復漢為己任, 伐魏是比較出師有名. 軍事上, 我覺得冇得選擇, 東吳強於水戰, 東去水路又多, 加上剛大敗東吳手水, 地利人和(士氣)都好弱可能未打先輸. 另外, 漢中之地自古為兵家必爭之地, 北伐首選冇其他出路. 嬴可以兵迫長安, 輸可以好似 ming 兄講做勢. 只要唔大敗就得.
唔用魏延之計, 好多原因. 其中一樣就是頭先講要保留已經好弱的實力, 加上諸葛亮性格(保守謹慎, 魏延喜冒險急進)和唔信魏延(話他反骨, 街知巷聞), 實唔用魏延的計啦.
以上小弟淺見.
以後ming兄多些來交流.

[ Last edited by fatfatdragon on 2005-7-9 at 09:20 PM ]

fatfatdragon

Originally posted by crap at 2005-7-9 08:00 AM:
我覺得識打交既好型嫁
孫夫人同祝融啦

Originally posted by twh1110 at 2005-7-9 05:18 PM:
同意,不過唔知令唔令呢?
[ Last edited by twh1110 on 2005-7-9 at 05:20 PM ]

祝融夫人唔知, 但是小數民族又喺大佬老婆, 應該唔會太差...

孫夫人好似在三國無雙(孫尚香?) 先咁好打同咁靚....要睇書研究下先

fatfatdragon

Originally posted by twh1110 at 2005-7-10 03:39 PM:

好似有一個係張嶷~~

Originally posted by hideaki at 2005-7-10 03:45 PM:

另一個是不是馬忠???

tt 同 齊仔利害, 我唔記得咗要找書 =.="
真喺 張嶷 同 馬忠

不過比我見到一樣得意嘢 - 第二匹 赤兔馬 (90回).

fatfatdragon

Originally posted by crap at 2005-7-10 03:16 PM:

小蟹愚見...
諸葛神呢野先入為主認為魏延係反骨仔,
完全唔重用佢,
又成日唔接受佢意見,
某程度上係逼佢作反 =.=

根據三國演義, 魏延係反骨仔可能街知巷聞. 孫權响諸葛神六出祁山時問過邊個做前鋒, 有人答咗喺魏延, 孫權就講 魏延喺小人嚟, 諸葛神唔响度 (如果死後), 一定作反.
雖然好有可能喺反間計, 但都有一定代表性.

按正史講, 魏延雖然好叻行軍, 但喺就好"寸"(高傲), 佢同楊儀(另一寸人)極度不和,  諸葛神覺得魏延唔夠大方(統合唔倒軍政兩方的人), 所以唔比好位佢上. 最後六出祁山諸葛神死咗安排退兵要魏延斷後, 魏延唔服作反先被殺.
唔可以完全講諸葛神睇死佢嘅問題, 反而覺得諸葛神冇好好調和兩人嘅矛盾先喺最大問題.

fatfatdragon

Originally posted by crap at 2005-7-11 12:20 AM:


=.="

龍少, 你好變態呀
有無咁好心機呀

tt, hide好野~

me <==  變態的 好學+好奇

[ Last edited by fatfatdragon on 2005-7-11 at 12:30 AM ]

fatfatdragon

Originally posted by twh1110 at 2005-7-11 01:09 AM:

魏延可以話係五虎之後,蜀國最值得信賴既武將
可惜不俾豬腳亮賞識

五虎之後(蜀國後期), 能帶兵又好武功真喺冇乜. 呢個可能同諸葛亮某程度上重文輕武有關.

fatfatdragon

Originally posted by hideaki at 2005-7-11 02:49 PM:
記憶里(三國演義),
魏延有兩次背...

其實, 我覺得演義這裡有少少夾硬嚟.  在三國裡面, 有好多人都唔止跟過一個大佬. 除時都可以講幾個啦. 甚至乎, 在白帝城被托孤之一的李嚴都跟過三個老板.

如果按史實, 魏延响襄陽同長沙喺冇反叛過. 可能演義要伏筆後面, 所以先咁講.

Originally posted by hideaki at 2005-7-11 02:49 PM:
大家認為王平,吳懿和魏延比較又如何??

我覺得王平和吳懿比較平凡(冇噤出位). 因為姜維太出啦, 在蜀漢後期, 如果一定要選我會選 諸葛瞻 (可惜冇機會比佢操起就死咗 ).
如果蜀前期(包括劉璋手下), 我覺得 張任 會幾好 (可能好過魏延如果唔計單挑).

fatfatdragon

Originally posted by 笨小孩 at 2005-7-11 06:47 PM:
小孩利用瞬間轉移，突然出...
我估打仗一定唔會五位軍師一齊出戰吧？
但好難會出現“最強軍師團”一齊作戰，而且正統軍師只可以有一個

好高興 小孩 飛嚟 [好文區] 玩. 以後最緊要多d嚟.
其實最初出五人軍師團呢個題, 喺因為:
- 最強軍師成日選, 想搞些新意
- 自古文人相輕, 太多好"計"之人走埋, 就會好多矛盾. 五人軍師團其實有少少味道想交流一下點樣平衡. crap 兄的答案就好詳細 (我的答案有這意思, 但冇寫解釋, 因為想睇下大家會點諗). 所以你的問題中正紅心.....
- 其實五人軍師團作用, 並非主力用於戰場, 而是用於國家大方向行動 (可以叫策略/戰略).
- 以前軍中除了一個軍師, 都會有其他職位(低於軍師, 例如參軍, 主簿...)同時出謀. 不過因為我喜歡叫出"計"的人做軍師, 比較有型些.

fatfatdragon

Originally posted by ming8964 at 2005-7-12 10:27 PM:
關羽,虎將也,得關羽可打天下,事實都是...

對於失去荊州, 我覺得是敗在整體部署多於敗在一人或兩人(關羽和諸葛亮)之上.
我會從多方面去看整件事:
- 關羽的驕傲自大是事實. 他對東和孫吳的輕視也都是真的. 但是如果從國家層面去看, 這兩點反而並非重點. 當劉備得益州之後勢力大增, 某程度上真接威脅東吳 (對比於赤壁之戰的劉備), 而且東吳大部人都認為如按赤壁之戰的付出, 荊州應歸東吳所有 (吳一直對荊州有很大野心, 因為可以完成控制長江天險的策略). 魯肅死後更加冇人維持及平衡蜀和吳之間的盟約. 當收到關羽出兵襄樊, 而曹操又一定會拖着蜀軍. 在時機上一定會出兵.
- 當關羽知道曹軍會打拖延戰, 而吳軍又有異動. 他曾想回兵. 他考慮到三點: [1]呂蒙長期有病, 陸遜為主事人. 現在我們看陸遜,一當然知道他利害. 但當日他只是初出茅廬. 掉以輕心唔出奇. (就算諸葛亮第一次用兵都受輕視).[2]後方有守軍糜芳, 他是劉備妹夫, 而上庸有劉備義子劉封, 基本上進可攻, 退可守. (但後面這兩人都有問題). [3]難得水淹七軍大勝, 如果唔乘勝追擊, 唔知重要等幾耐時機. (唔可以只在後面知道結果而只說貪不知輸).
所以在戰略上繼續, 是覺得冇問題.
- 劉備入蜀水皮. 起初劉備入蜀, 諸葛亮/趙雲/張飛等大將都在荊州駐守. 劉備入蜀失利損兵折將,諸葛亮冇辦法先帶人入蜀. (我估遲早都會被詔入蜀, 因為劉備唔信他). 而搞到當時主要城防都在劉備有直接關係的人身上.(幾符合我一直認為劉備用人為親的方針)
- 劉備入蜀後, 基本上開始唔喺好信諸葛亮 (可能手上多了本錢,和多了有"計"的人) 重記得諸葛亮之後在劉備兵敗退兵白帝城講"如果法正响度就好" 可知諸葛亮的情況.
如果要講荊州之失, 我覺得喺整體部署問題, 因為有很多防守要職未安排好就開戰.(想像一下如果有張遼/趙雲守荊州, 而關羽專心北伐, 整個結果就會唔同)

ming 兄好高興大家有更多討論, 以後多些交流啊 !

fatfatdragon

不如大家講下你最喜歡三國那一場情節.

小弟先講:
我最喜歡當然是 趙子龍一身是膽, 百萬軍中藏阿斗., 勇氣, 忠義 和 武功 的英雄表現. (第41 & 42 回)

註: 趙雲在這戰中, 還獲得青虹劍. (殺夏侯恩而得) 英雄配名劍就更加有型

大家又喜歡邊場或文或武的情節呢? 大家交流一下