adamjacky123

下述文章轉載自dc fever, 雖未得當事人同意, 但奸商屈人自肥, 公佈其劣行, 料亦為當事人之原意.


本人近日買了我的第一部DC, 但買得很不愉快!!!
大家記住揚出去, forward俾人, post news~叫人唔好去"龍都"度買野呀!

我對DC認識不多, 有一日係旺角行緊街, 一時興起就走左入去間叫"龍都"既舖頭度睇DC(係西洋菜南街"老行家"隔離), 先頭都小心既, 去左Broadway 比較下d價錢, 好似平d喎, 就走返去呢間黑店喇!! (當時我對水,行貨冇乜意識, 呢間係賣水貨既)

跟住就開始進入被昆既第一步...
我本身想買sony t1, 不過個sales話呢部唔好, 用左好多理由啦, 唔詳述喇 (呢個sales 成 6 呎 3 咁高, 一入去實認得!)
咁我望落個mon唔係好清, 同埋冇腳架位, 又真係唔係幾好
個sales問我想買咩機, 我話要4百萬像素, 細細部既~
佢就拎一部fuji finepix f420俾我睇, 話有600萬!!! 猛話部機幾好幾好, 又踩低其他機, 話只有sony同fuji係made in japan, ...
我見佢好nice咁, 諗下600萬都只係$3080, 雖然冇卡送, 都可以既, 就買左喇, 仲用左 $380 買左張xD card

好喇, 返到屋企, 上網睇下用家對部機有咩意見啦, 跟住發現:
1. 部機有效像素得300萬, 咩"插值"先有600萬, 跟本就唔符合我要求!
我望下個盒睇下點解我睇唔到啦, 原來佢用白色label貼住左3.1 effective mega pixel!!!
2. 人地買水貨只係需要 ~$2400, 仲有卡送
跟住再出去Broadway睇下, 行貨都係賣緊$3080, 仲有卡送!!! 水貨仲貴過行貨!? 可惡!!!

第二步...
過左兩日, 我去同佢理論啦, 話佢誤導我買左部唔符合我要求既機, 要求退返錢, 佢一口就話一定冇得退, 換過第二部都可以諗下
傾左一陣, 我見真係退唔到錢, 就話要換過一部機, 我想換部minolta g400, 加埋d配件, 湊夠個數~
佢又話唔得, 話貨物出門唔可以換款, 拎左部f700 俾我睇, 話呢部都係fuji, 真係600萬, 岩我要求, 原價要$3980, 依家幫我盡搞, 只係加$400, 配件又唔洗換, 方便好多
我梗係唔肯啦, 仲要我俾錢? 同佢理論左好耐, 佢只係肯係價錢上讓步, 最後傾左成2個鐘, 我可能'支力''支力'地, 唔知點解俾佢說服到, 加多$200 換機, 再用 $120 買多舊原廠電

之後我上網睇, 發現又俾佢昆一獲! 因為人地賣行貨都係~$2700-$3400, 水貨可以去到$2200, 但係我就用左$3280, 仲未計卡~

雖然部機影d相出黎真係唔錯, 好多網站都話佢得310萬有效像素, 不過fuji就話佢係600萬, (s: 310m + r: 310m), ok我信fuji~
不過又俾多左唔應該俾既錢, 仲要係俾d咁既無良sales同舖頭賺, 覺得好唔抵!!!

我知道自己買野前冇做足功課係太唔小心, 但係佢d咁既經營手法實在令人髮指! 俾遊客知買貴左咁多既話實有損香港形象!
我最後悔係俾返之前個盒佢, 如果唔係, 錯誤引導話部機係600百萬像素, 同咁樣貼label法去消委會告佢實告得入!
唔標明價錢~知到你唔熟就吊高個價~~
刻意用d label 遮住重要資料(有效像素)~~
唔肯退錢, 又唔肯換部我揀既機, 焗住俾佢再"禁"一次~~

大家記住揚出去, forward俾人, post news~叫人唔好去"龍都"度買野呀!

adamjacky123

another two about "龍都"
don't go ar brother~

1)
我上個月同二廠去海南島玩, 經過香港就走去洗衣街近窩打老道 "龍都" (這位址賣相機好耐,  以前都幾老實, 但這次完全不同), 想買部DC去海南島用. 入去睇下價錢有平有貴, 個sales走埋黎問想買乜野機, 見D價錢咁樣就扮唔識, 問邊隻好同抵買, 佢即介紹隻fujfilter-100 f700, 話最新到貨, 最新model, 600萬像素, 行貨, 只賣3300, 人地賣3900架. 好, 繼續玩佢, 問乜野叫像素, 600萬即係乜野, 最後佢見我係度同二廠好似係度商量, (我地講korean話, 二廠係東北人, 識講korean同俄語, 英文. 二廠聽我講完重幫手玩佢, 挺起個波嬌聲嬌氣問佢部機你話得咁好, 咁有無得平D呀), 佢即刻話這是行貨, 又話送多張卡可以影過千張相......, 一味同我二廠落毒, 可能見佢又靚又姣, 以為有得溝.  我就借意行去睇其他機. 最後二廠叫我, 問我行貨香港的說明書是不是這樣, 點解保證書是日文.........., 我一睇, 份說明書同保證卡都是日文, 另有一份中文說明書, 但係影印本. 再睇, 送既過張佢話影得過千張相既卡只得 16M, 加埋跟機過張 16M, 即兩張 16M........, 好, 再玩野, 老婆, 妳鐘意就買羅, 買多兩部一部比大姐一部比小第啦. 二廠話好呀咁要三部啦, 最後緊係無買啦, 無咁多現金麻, 擦卡又要收多幾個%, 轉頭比現金啦.
Fujfilter-100 f700 係插席後 600萬像素, 去年model, 唔記得有乜唔好, 但好快就出 f710. 水貨價2250-2350就買到. 龍都呢個名係旺角有好多間, 都係用這些手法詭人.......兄弟們, 小心

2)
我都試過o係"龍都"中招, 都幾年前o既事, 有日我到呢間"龍都"買了一部SHARP六磁頭錄影機,
點之第二日就壞, 我就立刻拎去想換, 點之佢話唔換得, 都算!!!! 最激氣就係, 之後我死死氣氣去SHARP維修部整, 先發現部機身個serial no. 同保養証唔同. 咁都得!!!! 你話激唔激氣!!!!!

[ Last edited by adamjacky123 on 2005-8-11 at 06:51 PM ]

adamjacky123

冲曬黑店

於九龍灣德福廣場1/F 3A1的Kodak Express冲曬服務公司, 在未有通知的情況下把本人委託上述公司冲曬之底片多處剪掉及丟棄, 其理由該些底片黑了, 本人覺得上述公司應該保留本人委託其公司冲曬出來之底片的全部及將之歸還本人, 即使是空白, 黑, 又或是不清晰, 因為整卷菲林無論是在冲曬前後, 都是屬於本人的.

我懷疑上述公司把底片弄壞了亦理所當然, 回應都是堅持若底片無問題的話, 就絕不會剪掉及丟棄, 本人提出將會向 貴會及柯達公司投訴, 但依然以傲慢的態度回應’好呀’.  更曾一度不回應本人的提問.  最後, 在本人的第二次強烈要求道歉下, 才敷衍道歉了事.