Kian76

Originally posted by tkk2p at 2006-5-9 10:07 PM:

咁又係．．．雖然人望高處，果陣托迪比人斟都冇走到，包括皇馬

其實有可能卡斯辛奴係其中一個托迪唔走既原因，點之一季後卡斯辛奴就喊走，份外無奈瓜？？？當初即使托迪離開，冇人會鬧佢，因佢為羅馬供獻太多，以及佢真係好想為羅馬屈番一筆巨額轉會費。但卡斯辛奴供獻唔多，又要屈羅馬蝕到嘔血。

Kian76

Originally posted by abc123aa at 2006-5-9 10:16 PM:

唔係講錢,羅馬預左豪比佢嫁啦,既然羅馬當佢係毒瘤就梗係早放早著啦

羅馬冇當佢毒瘤，係我當佢係毒瘤姐，雖然佢離開羅馬我真係好開心，但就係非常唔滿意佢走既方法和之前攪過既亂事。羅馬真係擺個心出黎想留佢架，係之後卡斯辛奴激到羅馬意氣用事下大家鬥硬姐。

Kian76

Originally posted by abc123aa at 2006-5-9 10:19 PM:

奧雲如果唔係一定要打正選的話我諗...

一個球員唔為打正選做乜？？好似麥馬拿文咁精明唔使踢等收錢？？皇馬買佢入黎基本上係預左試用，試得唔技驚四座都唔會留，即使表現好，但總之唔能夠成為另一個朗拿度咁受歡迎的話，皇馬一定唔會留。皇馬用人係睇價值，唔係睇表現。例外的只有後防球員和古迪呢個口水佬。

Kian76

Originally posted by abc123aa at 2006-5-9 10:20 PM:

咁不如一早帶埋卡斯辛奴去皇馬.........

如果真係咁托迪就係叛徒。呢種妄顧球會利益既行為真係唔掂架，做人都係咁，唔可以為晒自己。

Kian76

Originally posted by abc123aa at 2006-5-9 10:24 PM:

你就口水佬,咁當中托迪都係口水佬啦,投訴王
古迪有價值亦有實力

托迪真係幾口水佬架！！哈哈！！佢好鐘意發表意見。

Kian76

Originally posted by abc123aa at 2006-5-9 10:26 PM:

叛唔叛徒唔係你一個人諗就係...

朗拿度係叛徒始祖......國米白養左佢兩年......以為苦盡金來，點知即走......咁都唔叛徒呢個世界唔會再有叛徒呢個詞。

當年托迪肯走既話絕對屈倒3-4000萬鎊。單單佢一個。

Kian76

Originally posted by abc123aa at 2006-5-9 11:18 PM:

你話佢免費轉會皇馬就話啫,濫用叛徒呢個詞語

可惜錢唔等於一切，國米當初佢傷既時候唔放棄佢，除左照出糧，莫拉堤仲分埋國米d股份俾朗拿度，希望朗拿度可以在國米有復出既一日，全球既國米球迷都全力支持朗拿度，全數都極希望看到朗拿度再度為國米上陣，在情在理，朗拿度也不應該離開吧？？冇錯，佢係為國米帶來轉會費，但可知道國米要的不是錢？？國米球迷有幾心痛？？而家朗拿度怨皇馬球迷唔like佢唔支持佢，我覺得係報應黎，佢當日把真心支持佢既球迷當戲子耍結下了因，今日被皇馬球迷踩台係果。

而試問你又認為乜野先叫做叛徒？？

[ Last edited by Kian76 on 2006-5-10 at 12:03 AM ]

Kian76

Originally posted by abc123aa at 2006-5-10 12:34 AM:

唔好意思,皇馬既球迷已經支持返朗拿...

卡斯辛奴

某某球會比好多著數某某球員甚至當佢係隊中既重心,但某某球員就不時公開咁話呢間球會,而且又唔努力練習,跟住仲要唔係高價賣出,係低價賣出,但要記住既就係呢間球會比到呢位球員想要既野佢,但佢唔珍惜仲要不愉快咁離開呢間球會

以你列出既論點，除左唔能夠完全俾晒球員想要既野佢之外，真係中晒叛徒既特點。

但乜野叫球員想要？？夢想？？冠軍？？錢？？興趣？？女人？？根本球員想走既話，任何一樣野可都以成為理由，球會100%唔可能滿足得晒佢既要求，但就羅馬肯定唔係錢既問題滿足唔倒卡斯辛奴。

[ Last edited by Kian76 on 2006-5-10 at 12:52 AM ]

Kian76

Originally posted by Kian76 at 2006-5-10 12:49 AM:



卡斯辛奴

某某球會比好多著...

舉個例，亨利就算走，都唔會有人怪佢。因佢有功而且走得和平。唔似得有d人末建功就走人，仲要攪事。而亨利話入決賽就留，但而家入左，都仲末話留定走，証明一個人要走，任何野都可以成為理由，任何留下既理由都可以成為閒話。

Kian76

Originally posted by abc123aa at 2006-5-10 01:06 AM:

建功既定義好難講,羅馬呢類球會要攞冠軍有幾難?國米要攞冠軍有幾難?大家都知
而且大哨離開國米既最大原因係古柏

唔好忘記你自己都係落場既球員，你都在影響球賽。羅馬、國米拿冠軍難？？至少有半隻意大利杯袋住，皇馬？(如有得罰請見諒)但其實講真，國米要拿冠軍的話唔難，但就係拿不到，呢個己經唔係人腳既問題，係一d解釋唔倒既奇怪問題了。