巨根

大戰曼聯前瞻

侯活手指受傷鳥！
今晚可能無法上陣
慘鳥！！

巨根

歐洲足協盃

愛華頓 1-1 米達列斯

上半場25分鐘尼史葛接應角球頂入1-0
下半場尼史葛再搏得一球十二碼再加上對手有一人被逐
形勢大好之下AJ一射掛網!!!!

點知球證話有球員衝入禁區在先要再射
結果AJ今次射個地波被救出……

鏡頭一轉
後衛係後半場右路邊垂位置解圍省中對手被突擊
對手係禁區頂無人看管之下追成平手
痛失一個作客入球俾對手

多打一人既愛華頓狂攻對手
係完場前再憑後備入替既安尼捷比搏得十二碼
對手又再多一人被逐
結果AJ主射
一射!
上左七樓!!!!!!!!!
「宇宙開發」射門!!!!!!!!!

今場賽事既轉捩點明顯係球證吹走左2-0球入球
而家和左波令到下場作客極東地區非勝不可
慘呀

巨根

紐卡素 3-2 愛華頓

入球者
紐卡素：畢特、安利、奧雲
愛華頓：ＡＪ、基雲（烏龍球）

上半場形勢以紐卡素佔優
甫開賽已經有馬田斯接應史密夫直線單刀射斜
之後雖然再有尼索比亞、史密夫先後門前失機
但最終憑老將畢特一記乖巧既笠射領先１－０完半場

下半場愛華頓以ＡＪ入替麥法頓之後形勢逆轉
並迅速由拜恩斯推入禁區底線轉中由ＡＪ掃入追和
氣勢如虹既愛華頓及後有安尼捷比禁區內面對基雲射失
未能反超前之下完場前再度落後

當時愛華頓守衛遲遲未能解圍
皮球跌落中路廿五碼附近被後備入替既安利怒射割草式死角入網
幾分鐘後再憑愛華頓後防線一次佈越位失誤由奧雲接應罰球六碼頂入

補時階段愛華頓得到安慰獎
阿迪達底線傳中省中史密夫改變方向
皮球高笠向遠柱位置令基雲判斷失誤
自己將皮球撥入網窩
幸最終球隊仍以３－２擊敗對手全取３分

全場賽事愛華頓以尤保表現最令人失望
經常夢遊球場
上仗歐協外圍賽入球功臣麥法頓經常斷纜亦令球隊防線大受壓力

巨根

愛華頓 1-2 利物浦

愛華頓今仗採用高空攻勢令利物浦門前產生多次混亂
最終更令希比亞擺烏龍以1-0完半場

下半場僅9分鐘因後衛希拔一連串既犯錯令利物浦追成平手

當時希拔由中場唔同禾朗連爭波頂到俾人地控定之後先殺出去標波從而走甩左謝拉特再同人鬥跑五十米輸撚左再等到謝拉特入禁區先拉跌對手攪到輸十二碼自己仲食埋紅牌(一口氣讀完PLEASE)

古治一射入網 1-1

少打一人既愛華頓未有採取死守戰術
繼續以高波轟向利物浦大門
尼史葛於禁區內遭加歷查攬跌
球證並無理會

接戰之下多打一人既利物浦有多次射門機會
惜禾朗連及施素高射門均偏離目標

補時階段小將盧卡斯的射門逼使菲臘仔用手護空門
利物浦再得十二碼之下再由古治射入反超前

完場前尼史葛於禁區內再一次遭加歷查攬跌
但球證視若無睹之下吹完場雞
令自己賽後遭愛華頓球員包圍

－－－－－－－－－－－－－－－－－－－－－－－－－－

今場波既關鍵人物首選為希拔
連續犯三次大錯之下令愛華頓永不超生

１．身為己方獲得角球時球隊的後防最後防線未有與禾朗連爭頂之餘反而讓對手控定皮球組織反擊
２．禾朗連控定皮球之後無視謝拉特從後殺上反而魯莽撲向禾朗連令對手一個直線成單刀之勢
３．希拔從後追趕謝拉特一直猶豫不決之下反而入了禁區才決定犯規，自己食紅牌之餘更令球隊輸十二碼

希拔從兩三年前有希望進入國家隊到現在成為球隊的計時炸彈
表現令人失望。

巨根

愛華頓 3-1 希臘球隊LARISSA

入球者：卡希爾、奧士文、安尼捷比

今場對手僅為希臘二線球隊
但愛華頓贏起上黎都有Ｄ驚險……
復出既卡希爾係上半場接應奧士文左路既炮彈傳中插水式頂入
取得佢七個月來係愛華頓既第一個入球
下半場奧士文接應麥法頓既後抽腳趾尾拉西射成二比零
似乎大局已定之際尼史葛竟然一次失誤俾對手係禁區頂搶走個波射入輸返一球
令形勢突然緊湊起來
好彩後備入替既安尼捷比接應另一後備球員加維臣既頭鎚妙傳單刀射成三比一
為球隊全取３分

巨根

打比郡 0-2 愛華頓

CLASS唔同
愛華頓兩次單刀輕取對手

入球者：阿迪達、耶古堡

場波好悶
睇到小弟訓著
無咩好講

巨根

愛華頓3-1伯明翰

一開波主隊就襟住對手黎砌
10分鐘就憑一次靚組織由派拿殺入底線撥橫俾耶古堡掃入領先1-0

點知好景不常
入左波既愛華頓反而有D不思進取
將大好形勢拱手讓俾伯明翰
之後既70分鐘一路都係伯明翰既天下
終於去到80分鐘一次角球
卡保擺脫菲臘仔後輕鬆頂入追成平手
愛華頓班友仔去到呢一刻先如夢初醒
重新向對手大施壓力
結果好好彩地係補時階段先有卡士利遠射得手
再有禾根單刀錦上添花以3-1完場

巨根

愛華頓再贏一仗
歐協作客德甲護級球隊紐倫堡勝2-0

入球者：阿迪達（十二碼）、安尼捷比

巨根

等人一買要買晒兩個～

巨根

車路士 1-1 愛華頓

愛華頓今仗作客近況大勇既車路士全場受壓
雖然門將侯活及中堅尼史葛表現神勇
但仍然係70分鐘因為後者俾杜奧巴走甩左而先輸一球
幸最後關頭麥法頓一次軟弱無力既射門竟然令車路士門前引起添亂
並由卡希爾係巴列堤面前打出一記強勁既倒掛金勾掛網而入為愛華頓搶回1分

不過值得一提既係
愛華頓今季到目前為止所有勝仗均來自榜下游既護級份子
對住前列球隊仍然未嘗一勝