shaqkobe

防守太差了。進攻中場助攻性又唔係咁好。好易會有各自為政既情況。

艾奧羅斯

敗陣一個!
卡卡打防守...嘥晒-_-''

bigfish

Originally posted by 艾奧羅斯 at 2005-10-1 03:09 PM:
敗陣一個!
卡卡打防守...嘥晒-_-''

要巴迪斯達同阿祖安奴打後備咪仲浪費...

bigfish

Originally posted by shaqkobe at 2005-10-1 01:52 PM:
防守太差了。進攻中場助攻性又唔係咁好。好易會有各自為政既情況。

此言差矣! 佢地上次對智利o個陣o個四位攻擊球員不斷互相走位, 絲絲入扣
咁可以俾卡卡同巴迪斯達專注防守, 因為佢地相對上踢法冇咁幼細, 踢返後少少反而收到好效果, 好似派路, 沙維, 史高斯呢d球員咁, 擺o係防守中場有利佢地長傳同攔截, 又唔會浪費佢地o既遠射能力

ciger

Originally posted by bigfish at 2005-10-1 18:12:

要巴迪斯達同阿祖安奴打後備咪仲浪費...

要朗拿度、阿祖安奴、朗拿甸奴、羅賓奴、卡卡、巴迪斯達、卡路士、卡富同場但因防守力不足而輸波先係最浪費
82年薛高、蘇古迪斯、科高、祖利亞黃金中場但羸埋都唔夠輸而比意大利淘汰好係一個好明顯嘅例子,攻守要平衡先係強隊所為

ciger

Originally posted by bigfish at 2005-10-1 18:16:

此言差矣! 佢地上次對智利o個陣o個...

要卡卡、巴迪斯達專注防守咁出佢地做乜,不如出艾馬臣啦,對智利就係因為有艾馬臣掃蕩佢地先可以專心進攻,而且對手只不過係智利,壓力根本唔大

bigfish

Originally posted by ciger at 2005-10-1 06:19 PM:

要朗拿度、阿祖安奴、朗拿甸奴、羅...

科高同祖利亞都係打防守中場出色o既人物, 但佢地冇卡路士, 盧斯奧, 艾美臣同卡富做後盾, 我相信82 年o個隊冇而家隊巴西咁勁, 依家有三大球王助陣, o個陣得 zico 單天保至尊

ciger

Originally posted by bigfish at 2005-10-1 18:24:

科高同祖利亞都係打防守中場出色o既...

你應該對巴西足球歷史唔係好熟,科高打WE就係防中,但其實佢本身效力羅馬時係一名好出色嘅攻中,當年羅馬就係靠佢單天保至尊而羸得聯賽冠軍,蘇古迪斯係巴西國內名望同薛高齊名,而當年巴西仲有一個攻守兼備嘅施里蘇,都仲因為防守唔掂而輸比意大利,82年巴西唔及現今巴西係防守問題,但如果排你個陣就即係做返82年嘅野,而且現今球隊多數先做好防守,冇82年時咁易攻破,隨時比人爆冷

bigfish

Originally posted by ciger at 2005-10-1 06:35 PM:

你應該對巴西足球歷史唔係好熟,科高...

首先我唔係話呢個陣無敵, 不過佢進攻分三層, 分別係負責埋門, 輸送同埋遠射, 而防守中場o個陣咁o岩對住對方防守較弱o既進攻中場, so 每一隊都會出現錯對防守
另外可能我講得唔清楚, 我話巴西82年係輸後防級數唔夠, 唔係輸防守中場, 依家d 巴西後防個個都踢歐洲o既班霸, 絕對比82年o個陣好

ciger

Originally posted by bigfish at 2005-10-1 18:41:

首先我唔係話呢個陣無敵, 不過佢進...

連巴西國內都一致認為８０年代巴西星光燿燿但羸唔到世界杯,而自94年開始就3次入決賽而2勝,主要原因係1.巴西有好龍門出現,2.巴西改打雙防中,以巴西中前場球員質素,3個打你5個都卓卓有餘,根本從來唔擔心入波問題,入唔到波果陣好多時都係比人一輪急攻而攔截唔到對手,攞唔到控球權而組織唔到攻勢,所以防中一個位置對巴西黎講係非常重要,而且佢地D防中大多數有助攻能力,例如當年鄧加係中場分波就好過好多進攻球員,現在嘅艾馬臣亦都唔弱,所以巴西一定唔會放棄有良好防守力嘅防中,而出攻強於守嘅球員打防中