秋葉林

Originally posted by Xtravagant at 2005-12-17 02:07:


我地個league有一半人吾出現又吾轉陣。甘樣落去好無癮...
你作為個league既版主系咪應該做D野， 叫ZZONE出現下呢?

如果叫下佢佢會現身嘅話我一定做，但係連 Z-ZONE 係邊個，係唔係就係叫 Z-ZONE 我都唔知，又可以掂樣。

其實呢個問題開 league 之前已經預計得到，所以曾經要求過登記咗嘅人現身，但只係得五個人有反應，開 league 之前兩日仲未夠八個人，唔敢踢人出 league﹙其實 Z-ZONE 都好似係開 league 前一日先 join﹚，無計。

講真，只係得 Z-ZONE 一個無反應已經算唔錯﹙我舊年個 league 12 個人有一半係隱形俠咪仲無癮﹚，其餘 godson 同 wer 其實响度，不過成日唔轉陣，不如你都幫手呼籲下佢哋勤力啲仲好啦。

秋葉林

Originally posted by 清揚 at 2005-12-19 16:50:

我地E-mail send 過,勸又勸過,始終...

版主只可以唔俾人做嘢，例如唔俾人 trade、唔俾人轉陣、唔俾人成日改名，或者提早啲球員嘅 wavier 等等，但係就無權要人蒲頭 。

版主係就係可以幫人轉陣，仲可以幫人 add / drop 球員添，但係咁樣做好似違反咗我作為版主嘅【積極不干預】政策喎，兼且幾難做到對個個公平，你哋真係想我咁做咩。

不過如果你哋真係有意見，不妨响度發表下，作為你的公僕嘅我一定會從善如流，為個 league 做到最好。

秋葉林

你哋嘅聲音我係聽到嘅，但係要作出一個咁重大嘅決定，實在有啲唔容易，我諗真係有需要成個 league 嘅人出嚟一齊表決。

响付諸實行之前，個人覺得有需要設定一啲先決嘅條件：

• 必須要個 league 三分之二嘅人同意先至會通過﹙唔計 Z-ZONE，即係要 6個人﹚
  
• 「是否實行」同「實行嘅方法」會分開表決，兩項表決同時要有三分之二嘅人贊成先會通過。如果只通過第一項而唔通過第二項嘅話，可能需要修訂第二項動議之後再作表決，如果都係唔夠票，可能需要再下一 round 完咗先至可以實行﹙請放心，我會俾足夠時間大家拉票﹚
  
• 如果响落實執行之前，Z-ZONE 兄蒲頭嘅話﹙包括轉陣、add / drop 球員、甚至出聲反對等﹚，所有方案將會作廢。另外，如果 ZZONE 响完成咗第一 round 之後﹙即係 1月 1日前﹚，仍然可以留响頭六名，即係代表佢仍然有一定競爭力，方案將會推遲到第二 round 完結前再檢討﹙所以大家要努力啲喇﹚
  
• 由於呢個 game 响 26fun 係計分嘅，如果 brightlee 兄出聲反對嘅話，方案亦會作廢
  

係就係複雜咗少少，兼且有小小難度，但係我哋依家話晒都係响度剝奪緊人哋嘅權利﹙雖然係佢唔啱在先﹚，點都要嚴謹番少少至得嘅。

詳細嘅安排過堆聖誕人齊啲先至公佈。

[ Last edited by 秋葉林 on 2005-12-24 at 11:09 AM ]

秋葉林

Originally posted by fantesticming05 at 2005-12-24 12:10:


哈哈, 你終於回應啦 ~

對於你哋嘅訴求，我早已心內有數。但係，要平衡各方嘅利益確實好難，所以我想先俾你哋討論一下，有咗初步嘅共識之後我至出聲啫

作為個 league 嘅版主，大部分時間我都想盡量保持中立，因為我發表嘅言論好易俾人以為一定得或者一定唔得，咁樣就唔係幾好啦

秋葉林

week 8 嘅對賽成績

Electronic Unicorn vs Z-ZONE   5 : 4
Fantestic Ming vs XtravaganT   3 : 6
shut_up vs  DagameX2   7 : 2
Darth Vader vs godson1   7 : 2  
wer's team vs terryjog06   2 : 7

XtravaganT           6W   加 1 分
shut_up                7W   加 2 分
Darth Vader           7W   加 2 分
terryjog06              7W   加 2 分

XtravaganT  係  Xtravagant
shut_up  係  艾力克
Darth Vader  係  清揚
terryjog06  係  terrjog06

thanks Daddy brightlee !!

秋葉林

關於取締 Z-ZONE 嘅表決

關於取締 Z-ZONE 嘅安排，依家我先訂立一個時間表，細節部份希望大家可以利用呢個禮拜嘅時間，發表一下你哋嘅意見，並且盡可能達到共識，因為唔夠三分之二嘅人投贊成票嘅話，個議案會通過唔到，必要時可能要學習下點樣作出妥協﹙或者選擇原地踏步﹚

首先，分配球員嘅排名會以第一循環完結﹙week 9﹚嘅時候，即係 1 月 2 日當天嘅排名作準，由最低分到最高分順序分配，每隊最多只可獲分配到 1 個球員﹙具體內容以第二項議案嘅內容作準﹚。有關嘅排名次序會先作記錄，等到所有議案都獲得通過之後作為球員分配嘅依據。

第一次表決安排响 1 月 1 日進行，「是否落實取締 Z-ZONE」及「取締 Z-ZONE 嘅安排」會分開表決，兩項議題分別需要有三分之二嘅人投贊成票﹙即係 6 票﹚先會獲得通過。我會响 1 月 1 日當日 post 呢兩個議題嘅內容出嚟。各位要好好咁利用呢段時間，遊說個 league 嘅人贊成呢個動議，並且响 1 月 4 日或之前親自表態﹙唔回應嘅人會當作投棄權票﹚。

如果「是否落實取締 Z-ZONE」唔獲得通過，整個動議將宣佈無效。如果「是否落實取締 Z-ZONE」獲得通過，但係「取締 Z-ZONE 嘅安排」仍未能取到共識嘅話，第二項議案將會响 1 月 8 日作第二次表決，所有人需要响 1 月 11 日或之前作出最後嘅抉擇。若不幸第二次表決仍然未有足夠嘅票數，大家仍然可以繼續商討有關嘅議案，但係落實嘅時間會係第二循環完結﹙week 18﹚之後。

如果兩項議題同時獲得通過，取締行動會進入第二階段。所有人需要响 1 月 14 日或之前，留言表示將會放棄自己隊入面邊一個球員。所有未作留言嘅人，佢哋原先可獲分配嘅球員會被送到 wavier list ；至於遲過1 月 14 日先留言嘅人，會視乎情況酌情處理。

整個球員分配嘅程序會响 1 月 22 日夜晚 8 點進行，所有換人嘅操作會由我親自執行﹙因為只有版主有呢個權﹚。為咗整個球員分配嘅程序能夠順利完成，由 1 月 17 日至 1 月 23 日期間﹙week 12﹚，個 league 入面所有 add / drop 同球員交換嘅活動需要暫停。整個程序將於 1 月 23 日完成，並盡可能保證大家可以响 1 月 24 日﹙week 13﹚將新入隊嘅人列陣。

不過我响度再次重申，整個方案背後必須先行滿足以下條件：

• 必須要個 league 三分之二嘅人同意先至會通過﹙唔計 Z-ZONE，即係要 6個人﹚
  
• 「是否落實取締 Z-ZONE」及「取締 Z-ZONE 嘅安排」會分開表決，兩項表決同時要有三分之二嘅人贊成先會通過
  
• 如果响落實執行之前，Z-ZONE 兄蒲頭嘅話﹙包括轉陣、add / drop 球員、甚至出聲反對等﹚，所有方案將會作廢。另外，如果 ZZONE 响完成咗第一 round 之後﹙即係 1月 1日前﹚，仍然可以留响頭六名，即係代表佢仍然有一定競爭力，方案將會推遲到第二 round 完結前再檢討
  
• 由於呢個 game 响 26fun 係計分嘅，如果 brightlee 兄出聲反對嘅話，方案亦會作廢
  

最後一句，遊戲規則已經定咗，呢個係民主嘅社會，希望大家能夠尊重表決嘅結果，不論係 Z-ZONE 定係 league 入面其他人，千祈唔好輸打贏要咁無風度。

秋葉林

關於第二項議題，我有少少意見：

個人傾向以 Z-ZONE 隊中球員截至 1 月 22 日 Season (Average) 嘅排名分配球員。咁樣一來就唔駛怕有人做市打假波﹙因為唔到1 月 22 日都唔知自己會分配到邊個球員﹚，兼且好似公平一啲，二來 lucky draw 完之後大家又可以 trade 下新收番嚟嘅球員，刺激下個 league 嘅轉會市場，三來呢個安排對於 admin 嘅我會容易啲操作，大家不妨考慮下。

截至 12 月 27 日 Z-ZONE 隊中球員嘅 Season (Average) 排名，大家可以參考一下。

wer's team     K. Garnett
DagameX2     B. Davis
XtravaganT     C. Paul
godson1     P. Stojakovic
terryjog06     J. Howard
Fantestic Ming     C. Bosh
Darth Vader     S. Abdur-Rahim
Electronic Unicorn     A. Miller
shut_up     D. Gooden

Ku. Thomas、P. Brown、J. Tinsley、J. Dixon 會被放到 wavier list
以上資料只作參考，到 1 月28 日，個 league 嘅排名同班球員嘅排名都可能會有好大嘅變化

仲有一個問題希望大家可以幫手諗下，就係 drop 晒 Z-ZONE 隊中嘅球員之後，應唔應該幫佢 add 番啲球員，還是等佢隊波一個球員都無﹙唔知得唔得﹚

[ Last edited by 秋葉林 on 2005-12-28 at 04:25 PM ]

秋葉林

Originally posted by 清揚 at 2005-12-28 15:58:

我贊成:cool:

個方案都未出你贊成啲乜

仲有贊成嘅請講清楚贊成第一項議題定係第二項議題

秋葉林

順便提一提，大家响 1 月 16 日或之前，同人 trade 果陣可以用埋個換人權嚟同人 trade 喎，就好似真正嘅 NBA 球隊咁，我响 add / drop 球員嘅時候會一併處理。

不過提醒大家呢個換人權係有一定風險嘅 ……，大家自己考慮下啦。

秋葉林

Originally posted by 清揚 at 2005-12-28 16:46:

甚麼是換人權?

即係响 Z-ZONE 度換番嚟果個球員，不過 trade 果陣未知係邊個