秋葉林

Originally posted by 艾力克 at 2005-12-30 17:18:

dixon 咪 dixon 囉

講真,如果真係換o既,兩個方案對我黎講都冇太大影響,因為淨番o個d都幫唔倒我d乜

所以到時我反而會留意下你地會放邊個

x 2

秋葉林

Originally posted by 清揚 at 2005-12-30 17:28:

證明你地只顧自己而不顧低分者的利益:cool:

我唔照顧低分者利益就唔駛攪咁多嘢啦，真係啋你都有味

請你唔好又响度攪分化，你今日已經唔係第一次，都唔明你乜嘢心態

秋葉林

Originally posted by 艾力克 at 2005-12-30 17:44:

我贊成跟當時o既 overall ranking ...

終於等到有人明白我諗乜嘢喇

清揚兄你唔想破壞你隊波嘅平衡，而我就唔想破壞個 league 嘅平衡，大家諗緊嘅嘢咁接近，你無理由唔明白我用心良苦

秋葉林

Originally posted by fantesticming05 at 2005-12-30 18:31:


冇啦........我都預左冇佢 ~
睇秋兄點攪 !~

我嘅路線不嬲都好清晰，順應民意但係要盡量公平、公正、公開
當然仲有積極不干預啦

收工，bye

秋葉林

關於取締 Z-ZONE 嘅表決

議題一
是否同意落實取締 Z-ZONE，將佢嘅球員分配俾 league 入面其他球員

議題二
取締 Z-ZONE 嘅安排如下：

1.  分配球員嘅次序會以第一循環完結﹙week 9﹚嘅時候，即係 1 月 2 日當天嘅球隊排名決定，由最低分到最高分順序分配，每隊最多只可獲分配到 1 個球員

2.  分配球員嘅方法會以自由挑選嘅方式進行，各球隊嘅 manager 需要由依家到 1 月 14 日之前，留言表示所挑選球員嘅頭 3 個志願，同埋會放棄自己隊入面邊 1 個球員。所有留言一旦發出就唔可以修改，故此响留言送出之前請審慎考慮清楚

3.  所有未作留言嘅人作自動放棄處理，唔會幫佢哋 add / drop 任何球員，而遲過 1 月 14 日先留言嘅人，會視乎情況酌情處理。至於頭 3 個志願均未獲分配﹙俾人揀晒﹚嘅球隊，會以餘下球員 Season (Average) 最高嘅球員﹙ 1 月 14 日當天﹚作替代，而無列出放棄邊個球員嘅球隊，會自動放棄隊中 Season (Average) 最低嘅球員

4.  由 1 月 17 日至 1 月 23 日期間﹙week 12﹚，個 league 入面所有 add / drop 同球員交換嘅活動需要暫停

5.  為咗保持 Z-ZONE 嘅競爭力同增加遊戲嘅刺激性，當 Z-ZONE 嘅球員俾人分晒之後，版主會响 player list 度幫佢揀番 13 個球員﹙包括原先 Z-ZONE 自己嘅但係無人揀嘅球員﹚，並且响1 月 18 日公佈球員名單，每個 team manager 有一次機會响 24 小時內，就球員名單入面其中 1 個球員嘅加盟提出反對。有關名單將會响 1 月 21 日落實

6.  整個球員分配嘅程序會响 1 月 22 日夜晚 8 點進行，所有換人嘅操作會由版主代為執行，整個程序將於 1 月 23 日前完成，並盡可能保證大家可以响 1 月 24 日﹙week 13﹚將新入隊嘅人列陣

7.  有鑑於個 league 响未來幾個禮拜會有重大變動，嚴打所有冒充他人發表言論、投票或者擾亂個 league 秩序嘅 team manager﹙包括冒認 Z-ZONE 出嚟嚇人﹚，一經證實會即時被剝奪個 game 嘅參與權利，切勿以身試法

8.  整個方案需要完全滿足早前所提出嘅幾點前題下先至成立﹙詳見早前公佈﹚。同時，咁大動作實在前無古人﹙最少我未見過﹚，版主實在無辦法响呢一刻作出任何承諾。如果最終無辦法完成有關方案﹙尤其係 drop 晒啲星級球員﹚，請各位見諒。


呢次表決嘅兩個議題會分開表決，請各位寫清楚贊成同反對邊個議題，並且响 1 月 4 日或之前親自表態，唔回應嘅人會當作投棄權票。所有唔能夠親自表態嘅 team manager，需要親自响個版度授權俾其他人﹙好似 godson 咁﹚

鑑於個 league 入面 4 至 8 位嘅球隊前後只係相差 3 場，今次呢個兩項表決有可能對整個 league 嘅形勢起重大變化，請各位响投票之前自行考慮清楚

秋葉林

覆番你哋先前問嘅問題

1. 出咗 post 就唔改得，唔好意思，DagameX2 單嘢唔係佢自己出 post 嘅，一係就 唔改按清揚嘅次序換人，一係就當清揚亂嗡按新嘅次序換人，但係就要罰清揚，你哋兩個傾掂之後通合我

2. shut up 問原先話 drop 嘅人如果呢兩個禮拜 drop 咗點算，呢個係我之前諗漏咗嘅。既然已經有人已經將話 drop 嘅人換咗第二個﹙cv 果單嘢﹚，就一於將佢換番嚟果個人 drop 嚟換啦

3. 清揚唔該指定 drop 邊一個人，我唔可以俾你視乎 add 到邊個人先決定 drop 邊個

4. 雖然無人講話同唔同意我修改過之後嘅議題二，不過你哋一個二個都出晒 post 話 add 邊個 drop 邊個，我當你哋無問題照去嫁喇

秋葉林

Originally posted by 清揚 at 2006-1-4 13:40:
我對okafor未能復出一直剎有介事~
但最唔想發生既始終出現了~
AK-47你始終要襯我病來擺我命???

又唔駛咁睇唔開，你個 S. Nash 尋日咪一樣發咗癲咁交出 22 ast ﹙好多 pg 一個禮拜打三場都係咁上下嫁咋﹚

秋葉林

Originally posted by 清揚 at 2006-1-4 14:14:

A.k47會令我輸reb&blk的

10 個 8 個 reb 對 AK 嚟講好正常咋喎，7 個blk 佢不時都會有，記得對我果陣試過一場 21 pts 16 reb 8 blk，咁我咪仲傷，睇開啲啦。

反而 6 個 stl 同 1 個 to 就真係有啲令人意外

秋葉林

Originally posted by Xtravagant at 2006-1-6 00:40:


秋兄﹐如果規矩吾改得﹐你可吾可...

﹙一﹚        CANT CUT LIST 原本嘅作用係唔想有人攪破壞，自己唔打算再玩嘅時候就放晒自己啲星級球員出嚟，攪到個 league 出現唔平衡嘅情況。我開 league 之前都曾經考慮過唔 set 呢個限制﹙因為我舊年都面對過 Xtravagant 兄同樣嘅問題﹚，但係諗諗下都係有啲驚，所以最終都係 set 番。既然個 CANT CUT LIST 已經 set 咗，佢就係個 GAME 嘅一部份，唔應該輸打贏要。﹙Xtravagant 兄唔好嬲住，我無話唔幫你﹚

﹙二﹚        今次 ZZONE 換人單嘢，我明明俾咗兩個禮拜時間大家交名單，你哋又有無諗過點解要俾咁多時間大家諗啦。結果唔夠兩日 9 個人裡面已經有 6 個人交咗名單，只有 shut up 同我兩個係明白條 rule 背後嘅玄機。講真呀，除咗 Xtravagant 之外，嚟緊兩個禮拜可能仲有其他人會有類似嘅問題都未定﹙雖則未必會 drop 唔到咁大劑﹚

﹙三﹚        CANT CUT LIST 理論上版主係有權 release 嘅，所以ZZONE 啲人應該可以放到出嚟，但係我都未試過所以唔知得唔得。Week 12 嘅時候，我會 set 死唔俾個 league 啲人 add / drop 同 trade 人，之後會試下 release 條 rule，得唔得到時我會話俾大家知

﹙四﹚        規矩嘅嘢定咗我就真係唔想改，呢個係我做版主嘅一貫原則，我諗都係以個人名義幫你會好啲。不過，呢一刻我都未決定會用邊個人同 ZZONE 換，我下個禮拜會話過你知

秋葉林

Originally posted by 艾力克 at 2006-1-6 10:57:
想問如果我用 A 球員換 z-zone o既 B 球員, 咁我個 A 球員係會去 z-zone 度, 定一話係去 fa 架?

會先去 wavier list，過咗兩日無人要先去 fa，不過當然係要個球員唔响我幫 Z-ZONE 整嘅果張組軍名單度啦﹙p.s. 每個人有權提出一次反對﹚