babo

Originally posted by wai0818 at 2005-12-13 09:28 PM:
講番c組 , 荷蘭同阿根延分組賽分分鐘...

我硬係覺得哥斯達黎加會令德國幾頭痛下..

另外想講下英格蘭果組...
英格蘭隊波...有d遇強越強feel..但往往對番d次一級球隊就跌watt..
同埋佢對瑞典...始終有d格食格..對住呢隊北歐波唔易踢..唔同丹麥,挪威..

[ Last edited by babo on 2005-12-13 at 09:47 PM ]

wai0818

Originally posted by babo at 2005-12-13 21:42:


我硬係覺得哥斯達黎加會令德國幾...

英格蘭今次幾著數 , 佢最尾果場分組賽對瑞典 , 同埋德國果組已經打完 , 可以睇定對波蘭 or 對德國 (當然係想對波蘭啦 )
如果之前對巴拉圭同千里達已經攞足分數 , 主動權已經落曬英格蘭身上

[ Last edited by wai0818 on 2005-12-13 at 10:43 PM ]

bigfish

Originally posted by wai0818 at 2005-12-13 10:40 PM:


英格蘭今次幾著數 , 佢最尾果場分...

如果係咁, 真係天時地利人和配合晒英格蘭
退化中o既德國我唔驚呀, 最驚就係突然殺出隊不明物體, 對住英格蘭d 球星毛手毛腳, 咁打殘左就影響以後o既路途呀

bigfish

Originally posted by gogo8281 at 2005-12-13 05:52 PM:

名氣大賠率自然高﹐我唔否認英格蘭
...

今屆o係歐洲比賽, 巴西球員一定冇o係美洲咁適應, 所以真係未必出到線架
至於荷蘭, 大部份球員太過新, 仲未去到奪冠o既水平, 而且依家陣中除左雲尼斯達萊同洛賓, 我真係數唔出幾多粒巨星囉, 捷克同葡萄牙都面臨主力老化, 球星都處於半退休狀態, 反而英格蘭真係粒粒皆星, 我認為除左右閘同左中場實力稍弱之外, 其他位置都有兩位以上o既巨星替補, 唔好忘記, 剩係中堅都已經係五揀二, 中場連胡禮仔, 祖高爾, 李察臣都未必爭得一席正選

gogo8281

Originally posted by bigfish at 2005-12-13 11:56 PM:

今屆o係歐洲比賽, 巴西球員一定冇o...

巨星﹖邊次國際賽英格蘭唔係一班巨星﹖有何用﹖
我覺得捧一支球隊唔應該偏離現實﹐未打就走去貶低其
他對手﹖
我一直反駮既係你為捧英格蘭而藐視其他球隊﹐但似乎
以上情況係英格蘭迷既通病﹐高估英格蘭﹐低估全世界
好似全世界除巴西﹐英格蘭就SURE WIN。

abc123aa

Originally posted by gogo8281 at 2005-12-14 09:55 AM:

巨星﹖邊次國際賽英格蘭唔係一班巨...

佢係咁嫁啦....
英格蘭遇親葡萄牙,德國有幾何真係好穩定咁贏呀.......巴拉圭實力都唔會太差....英格蘭睇個陣就似贏硬,但係其實打落唔會係咁

babo

Originally posted by bigfish at 2005-12-13 11:56 PM:

今屆o係歐洲比賽, 巴西球員一定冇o...

唔好玩啦=.=
巴西球員好多都o係歐洲搵食...點會唔適應..
巴西5屆冠軍唔係浪得虛名..球員適應力好高..

睇來你對荷蘭認識真係幾差...
雖則我對而家既荷蘭認識麻麻..
但我都知佢除左雲佬同洛賓外...
仲有雲達沙..雲達華特..馬卡爾..雲邦美...保馬..雲邦荷斯..希丁加...史奈達..雲達美迪等.

再講..英格蘭球員只係大家比較為熟識...名氣較大而已...
我唔否認隊中有實力的球員...但係咪真係可以捧上天呢..
如果有版友係睇開西甲,德甲,意甲等歐洲聯賽而淨無睇英超..
我相信那人都會話該國家粒粒皆星...因為佢熟該國..
而對一個一級國家黎講..每個位置搵2個精英出來替補唔會太難吧.
好多時踢波唔係淨係睇有幾多球星就秤先...係睇穩定性同臨場發揮..
就以西班牙為例...佢每屆陣容人腳真係好好...有一定既實力
但佢衰在無大賽命...每每大賽都表現不好..

本身自己都鍾意英格蘭...亦都想佢拎冠軍...
但我受唔住傳媒的吹噓..次次大賽都話有力問冠..
大佬...係球隊都有力問冠啦...爭在得唔得之ma..
英格蘭最難過的關應該係自己...睇番近10年大賽..
好多波佢都係先贏後輸..點解?相信好多版友都知..
一係就射12碼而出局...要贏人..先要贏自己吧..

球星...只係傳媒賜給球員的名銜而已...呢兩隻字俾傳媒濫用了..

[ Last edited by babo on 2005-12-14 at 11:18 AM ]

76

出名唔代表踢波最勁

siredes

Originally posted by bigfish at 2005-12-13 11:51 PM:

如果係咁, 真係天時地利人和配合晒...

點解你會覺得德國係退化緊呢? 其實依家o既德國比起4年前已經進步o左, 德國而家陣中亦多o左唔少有質素o既年青球員, 例如普度斯基, 拿姆, 希迪布蘭同埋舒韋恩史迪加等等...
今屆德國o係小組賽會面對3隊實力普通o既對手, 除o左唔駛擔心會出唔到線之外, 陣中o既一班年輕球員亦可以透過呢3場分組賽去吸收經驗同培養彼此之間o既默契. 雖然我都承認英格蘭o既整體實力係高過德國, 但唔好唔記得, 德國係好有大賽命, 上屆佢o地一半靠實力一半靠運氣入到決賽就足以證明呢一點.
如果兩隊o係出年o既世界杯真係有機會碰頭o既話, 我相信德國係會有能力憑臨場o既表現而贏波囉.就算贏唔到, 我就唔信英格蘭對住今時今日o既德國, 仲可以好似5年前咁贏到5比1囉.

直覺話我聽, 巴西會o係出年o既世界杯4強出局...
我自己o既決賽心水係: 德國對荷蘭

leeyanta

Originally posted by Tokyo2040 at 2005-12-13 20:23:
唔好忘記今屆喺歐洲作賽, 對南美洲球隊嘅發揮多少有d影響.

南美洲有好多球員都係歐洲度揾食,我覺得完全無問題喎!!:cool: