[轉載]曾經發生於香港的真人真事-細路玩跳 lift

lz91133

記得好幾年之前，香港屋邨細路好興玩跳 lift ，我就未玩過。不過聽人講，當架 lift 郁
緊 ge 時間，強行打開度門，就會有離心 ge 感覺！
唔知大家記唔記得好幾年前，某屋有人因為玩跳 lift 而死過人？以下係我聽番 o黎 g
e 一個故事 --
某某屋 ge 15 樓,有3個細路仔，大概 10 歲左右，好鐘意 o係 走廊度玩，成曰都搞
到 d 街坊出 o黎 鬧佢 o地，但係佢 o地當然唔理啦，仲開始玩起當時好流行 ge 跳 lift
，好幾次都搞到 d 街坊好嬲，但係冇辦法阻止佢 o地，佢 o地 o既屋企人又唔理。如
是者，過 o左一個多月‧‧‧「走廊呢排好似好靜喎‧‧‧」，15 樓 o既住客都奇
怪著...
過 o左幾曰，得知果 3 個細路 o既屋企人報 o左警；原來佢 3 個一齊失 o左蹤...打後
o既幾曰都冇乜特別事。就 o係一個星期之後，左邊 o既 B lift 經常上落都會發出"芝
芝"聲，而且越來越臭... d 街坊好驚，call o左維修 o黎 check，點知咩都 check 唔到。
臭味越來越濃，好多街坊都頂唔住，最後終於報警，消防員到 o黎，成架 lift 大搜一
次。
原來有隻死貓 o係 lift 頂上；各街坊以為可以安心睡，點知臭味都依然 o係度，仲有
增冇減，好多人都冇辦法之下盡量唔搭 B lift....就係有一晚，有個叫阿麗 o既女仔，
佢好小番 o黎呢個屋，所以對呢度所有 o既傳聞，當然不知！果晚佢大概 3~4 點番
屋企，搭 lift 上到去，準備出 lift 時，突有記起有  o野唔記得買，咁佢就轉身想按番 li
ft落去，當時果一層係 15 樓，佢背住度 lif t門望住街景等 lift，完架 lift 上到8、9樓時
因為 d "芝芝"聲實在太大聲，驚動 o左阿麗拎轉頭，突然見到一個細路背住佢，面向
lift 門，好似等緊 lift，佢心諗咁夜仲有細路仔落街？但佢冇理到。當架 lift上到 14 樓
時，簡直係感覺到架 lift 搖得好厲害，而部 lift 終於上到 15樓；門一打開，入面漆黑
一片，好似一個黑洞一樣 ------ 忽然，有一隻怪手 o係黑暗中伸出 o黎扯 o左個細路
入去，阿麗當時嚇得大叫大喊，驚醒哂所有街坊。最終動員左好多警察，消防員等
等，一定要搵出架 lift 究竟發生咩事。最後，終於發現，原來果 3 個細路死 o左 o向
lift 度，屍體仲係黐 o左 o係 lift 蓬之間，所以 lift 上落 o既時候係攝住佢地 o黎行，而
發出好大 o既聲音。當消防員要鏟'起變 o左肉餅 o既屍體時，唔知點解鏟極都鏟唔起
，呢個時候，有 d 老經驗 o既消防員就知道：『小朋友，我地都係做 o野架 o者，幫
幫忙啦 o下』 ...講完之後，當然係了結 o左呢件事...
但係過左咁多年，好多街坊都選擇唔搭果架 lift ，有時夜晚部 lift 仲會自動上落，發
出 d "芝芝" 聲~