Board logo

標題: [股票經營] 小孩講股：03/05/07 想破頂？還看中移！ [打印本頁]
作者: 笨小孩    時間: 2007-5-3 11:00 PM     標題: 小孩講股：03/05/07 想破頂？還看中移！

七千萬橫財夢又破滅左，又到小孩發up瘋時間。你又咁得閒睇小孩講股呀？睇怕你與我同一命運…頭奬兩注中，斷估都唔會係你同我囉…

祖國放大假，好友趁機反擊，實行一招“圍杜救港”，港股裂口上破內困日，逃出生天，然後再升，全日升近三百點，暫時好友少勝一回合，淡友退守三頂阻力位，淡友話：“讓你三百點又如何？”打機都有讓round啦，一方贏晒就唔好玩。而家市就升左幾百點，到呢個水位，好友今晚點訓得著呀？三頂阻力位係淡友最後防線，可謂重兵駐守，期指仲係大低水，今晚美股高位徘徊，好淡爭持，杜仔都升左咁多，已經進入超買區，好友唔驚就假，如果聽日港股好友守唔住20700，有機會調頭向下，難怪淡友定過碌木。

今日升勢都好全面下，無計啦，谷埋谷埋咁耐，難得重振雄峰，好友硬係要玩大佢！地產股全面上升，鄭裕彤又學四叔出黎講野，升左4%，四叔仲勁升左成7%，中資地產股都升得好勁下，好似完全忘記左阿爺要宏調咁，688、3383、2777、1109、813、3900全部勁彈，唯“迫貴完”再創上市新低，四叔真係勁，講到明話上左市先跟買果d實衰喎！滙豐中移果d唔洗講一樣咁勁，不過滙豐升成咁，短期內將會見頂，就算升多一兩蚊已經好盡，好友想破頂就要靠中移。收市之後里昂先出報告唱淡，話維持滙豐「沽售」評級，目標價114港元。里昂想114買滙豐？得唔得呀？

“成也中移，敗也中移”，想破頂還看中移，只要而家出個3G消息就一定可以破頂而上，但美股果邊暫時都係好悶下，暫時都係做下旁邊鶴穩陣d，好友淡友好快會決戰，大家拭目以待！


免責聲明：本文純為小孩無聊之作，若對閣下造成任何投資上的損失，實屬不幸！
作者: 'nice'    時間: 2007-5-3 11:36 PM

升得太急都唔係好事,所謂五窮六絕七翻身,可能會來個比較有深度的調整,
之後起回歸前再升返都唔定,當然係絕對靠估!!

本來想住點使7千萬的,不過現在都係疊埋心水"洗"大餅算了!!

下星期有3隻新股招股,大家又係時候做功課發下橫財啦!!
作者: 新經濟學巨人    時間: 2007-5-4 12:30 AM

中移動，２００７年，要退休，

她已反映所有，連3G發展，都叫good news........

匯控，１４７蚊，PE/PB，依然好平／好抵，

連中東巨資亦講．．．．．
作者: BOYDWAN    時間: 2007-5-4 02:25 AM

Originally posted by 笨小孩 at 2007-5-3 23:00:
七千萬橫財夢又破滅左，又到小孩發up瘋時間。你又咁得閒睇小孩講股呀？睇怕你與我同一命運…頭奬兩注中，斷估都唔會係你同我囉…
是日精句~

我無買六合彩呀........ 不過又真係幾得閒睇小孩講股，好睇嘛~
小弟對今日笨小孩發表無乜 conclusion，尋晚靠呀爺d 貨都食得飽飽地，所以可以順勢抖抖......抖兩日(monday) 先"變身"啦~
作者: littlepig    時間: 2007-5-5 01:35 AM

Originally posted by 新經濟學巨人 at 2007-5-4 12:30 AM:
中移動，２００７年，要退休，

她...
連牛頭角順嫂都有講



歡迎光臨 娛樂滿紛 26FUN (http://www.26fun.com/bbs7/) Powered by Discuz! 7.0.0