娛樂滿紛 26FUN - Powered by Discuz! Board

標題: 胡生知唔知邊個係陸家俊? [打印本頁]

作者: 電騙男 時間: 2018-10-25 04:17 PM 標題: 胡生知唔知邊個係陸家俊?

乜水

近年有唔少90年代歌手重返娛樂圈，最新有闊別幕前差不多20年嘅陸家俊宣布復出啦！邊個係陸家俊？對於未夠3字頭嘅年輕人嚟講可能真係陌生啲，不過聽過軟硬天師嘅《廣播道Fans殺人事件》就一定記得當中歌詞「陸家俊我哋支持你」同埋聽過艾粒廣播劇都會記得少爺占都叫「陸家俊」。

查看相片

當年15歲嘅陸家俊憑參加90年《華星新秀歌唱比賽》獲得亞軍而入行，可惜星途平平，92年推出處男碟，成名作有《依然深愛你》同《十八歲的憂鬱》，被唱片公司封佢做「香港林志穎」。翌年因拍攝歌曲《龍吐珠》MV失足墮地受傷，留院數月，94年離開娛樂圈，飛去美國波士頓讀樂理。之後佢做過唔少生意，例如幫屋企打理金融生意、與美國同學搞音樂製作公司及飲食業等等。00年曾經復出拍劇，不過之後又消聲匿迹，不過佢對娛樂圈仍然念念不忘，早幾年成立娛樂公司，去到近日仲宣布復出，暫定12月上無綫節目《流行經典50年》做嘉賓。

查看相片

舉辦過15屆嘅《華星新秀歌唱比賽》，為香港樂壇發掘出唔少人才，例如82年冠軍梅艷芳、84年冠軍張衞健、86年亞軍許志安、88年季軍鄭秀文及95年冠軍陳奕迅等等。不過90年嗰屆就得獎者發展就失色少少，冠軍徐鎮東、亞軍陸家俊、季軍連俊雄及自我風格獎趙少文都好快消失，最出名嘅反而係冇攞獎嘅湯寶如。

查看相片

講開陸家俊，點可以唔講蔡興麟呀！蔡興麟出身自演藝世家，媽媽係粵語片演員沈月華，而姨媽就係「七公主」中嘅沈芝華。蔡興麟喺90年參加《全美華裔青年歌唱大賽》獲得冠軍，92年推出首張唱片，憑歌曲《為了你，為了我》一炮而紅，之後又同彭家麗合唱情歌《現代愛情啟示錄》，成為當年必唱K歌，不過95年蔡興麟選擇返內地發展。今年4月現身無綫為《流行經典50年》錄影，並宣布復出樂壇，將會推出慈善國語及粵語唱片。

查看相片

至於同屆冠軍徐鎮東，參賽時任職消防員，92年為劇集《人．鬼．狐》唱主題曲《情歸何處》，翌年推出大碟《流星的傳說》，不過之後又傳因唱片公司問題，徐鎮東最後喺樂壇消失。離開娛樂圈之後，佢95年投考警察，16年仲晉升成為警司。季軍連俊雄跟隨戴思聰學唱，93年轉行擔任聲樂老師。

作者: 電騙男 時間: 2018-10-25 04:18 PM

黃翊就知道

作者: 胡生 時間: 2018-10-25 05:30 PM

乜水

近年有唔少90年代歌手重返娛樂圈，最新有闊別幕前差不多20年嘅陸家俊宣布復出啦！邊個係陸家俊？對於未夠3字頭嘅年輕人嚟講可能真係陌生啲，不過聽過軟硬天師嘅《廣播道Fans殺人事件》就一定記 ...
電騙男發表於 2018-10-25 04:17 PM

唔知佢乜水

作者: 迦樓羅女王 時間: 2018-10-25 06:11 PM

黃翊就知道
電騙男發表於 2018-10-25 04:18 PM

黃翊我都唔知喎。。。

作者: 自拍男 時間: 2018-10-25 09:14 PM

黃翊我都唔知喎。。。
迦樓羅女王發表於 2018-10-25 06:11 PM

黃心穎就知

歡迎光臨娛樂滿紛 26FUN (http://www.26fun.com/bbs7/)