娛樂滿紛 26FUN - Powered by Discuz! Board

標題: [5/23吹水加分題]你o地發過最恐怖/搞笑/無厘頭既夢係咩? [打印本頁]

作者: trista_cheong 時間: 2005-5-22 12:26 PM 標題: [5/23吹水加分題]你o地發過最恐怖/搞笑/無厘頭既夢係咩?

人人都會發夢ga la~ 但係大部份發完之後都唔多記得…除非你訓得唔多"林"﹐咁你起o左身就會好清楚尋晚發過d 咩夢~~:cool:

其實同自己個frd share自己d無厘頭夢係好得意ga

~~因為大部份都九唔搭八﹐會好好笑

~

咁請問各位吹水友有冇試過發過d 好恐怖/ 好搞笑/ 好無厘頭ge 夢呢? 如果有ge 話﹐不如分享o下丫~~ 越長越好wor~

既然係我問開ge ﹐我就講o下自己o個d 先la!

我前幾晚夢過一個好離譜ge 夢…~.~ 呢個夢唔係第一次發ga la… 發o左幾次﹐次次都一樣

我夢到我係張栢芝( 唔好笑住~.~

) ﹐然後入o左一部lift ~ 入到去先發覺個電梯係冇底 ge …我要即刻握住個扶手( 雖然我唔知點解lift 會有扶手……

) 先唔怕跌落去wor~ 然之後個電梯就由好高好高ge 樓層落去la … 但係唔知點解之後…

個電梯ge 三面玻璃都冇埋… 勁恐怖﹐睇住d 景係咁落去…

之後落到去之後唔知點解開始拍戲… 拍乜戲都有… 但係都係好驚心動魄ge …奇奇怪怪…=.=

另外細個ge 時候發過一個好可怕ge 夢…

夢見全世界ge 人都走去排隊( 好似排香港人去探圳o個d 關閘咁ga ) ﹐之後o個d 審判官o係個隊前﹐問行上去o個d人想點死

﹐之後d 人就當場依住個方法死o左lor…=.= 到我ge 時候我已經醒o左

…… 嚇死我

………
依家諗返就幾好笑lor~

我有個frd 就試過o係酒樓入面演講政治……… 又有試過狂俾大白鯊捉ge …又有自己化身成spider man ge ………:cool:

我就講完la~~ 你o地呢???? 快d 分享o下la~~ 我相信個故事講得越長實有分加~~!!!

[ Last edited by 樂壇渣Fit人 on 2005-5-25 at 07:07 PM ]

作者: LMQ 時間: 2005-5-22 01:18 PM

通常發完夢醒左冇幾耐已經大部份印象都冇哂~
不過我都發左一個幾特別既夢

開始既時侯夢見自己o係學校電腦室果度,果陣時好似係日頭黎
跟住突然間有好多好多人(好多都係自己朋友..包括小學中學果d)走哂入黎
話夠鐘上堂@@"
跟住個miss黎到..個miss係阿嬌黎@@"
我望到呆左~一路望到落堂
連自己上左d乜都唔知~

落堂之後我好想走埋去問阿嬌d野
但係突然間所有人都消失哂
得番自己一個o係電腦室度
行出左電腦房
條走廊變左做自己屋企個大廳...@@
完全同自己屋企冇分別
果陣時仲見到自己阿爸o係度睇緊報紙
跟住阿爸竟然問我：「你上完電腦堂喇???」@@
我當堂嚇左一跳
諗住拿拿臨落街買d野食定下驚

落到街之後,o係條街又俾我撞見頭先果d人(又係小學中學同學果d)
我問佢地點解突然唔見哂
佢地反而問番我：「有咩?好似係你消失左ja喎。我地仲覺得好奇怪添。」
果陣時自己都開始驚喇~
咪拿拿臨o係條街都嗌囉~
剎時間佢地聽到我嗌之後
就個個都變得兇神惡剎
拎住把刀好似想斬我
我愈走得快,佢地個樣愈惡
最後嗌到自己都聲沙之後就醒左lu~
醒左時成頭大汗~~搞到唔敢再訓番低~

成個夢大致上係咁~不過始終覺得夢入面d野點都唔會邏輯咁~

作者: Rika 時間: 2005-5-23 11:55 PM

我細個有時發同一個惡夢
夢見一個好黑既地方, 然後有一線光
好似開門咁, 我就身處門既後方
門越開得大, 就迫得越近
迫到得返好少空間
好驚, 唔知驚乜
流汗, 然後醒左

作者: srfqt1 時間: 2005-5-23 11:55 PM

基本上發完夢d詳細過程就唔記得
唔知係唔係我記憶力特別差

但是我就記得有好幾次發惡夢的時候
到最恐怖的時候
我就會同自己講試下係唔係發夢先,
然後就夢到自己打自己一下
根住就會醒咗lu

唔知點解發惡夢果陣又會記得提自己試下係唔係發惡夢呢

我覺得幾搞笑

作者: loklok117 時間: 2005-5-23 11:56 PM 標題: 惡夢

我發過最恐佈既夢

我屋企有個大魚魟,以前養左一條好貴既魚,我好細心咁飼養佢,由細細條魚仔養到大大條,d顏色重好靚,有晚發夢佢無la la係魚魟跳左出黎,重係咁追住我,我係咁走大叫好驚(個夢好真實)....叫叫下扎醒左坐左係床,我發覺原來只係發夢,我即係走去廳個魚魟睇下,條魚重係到,成個鬆唒

成個夢境埸地都係係我屋企發生,而且條魚我由細養大日對夜對,好big真

作者: Asurada129 時間: 2005-5-24 12:01 AM

我細個(大慨7-8age)有一個夢成日發的...

好似bio hazard甘架..
事發就係d石屎森林(高樓大廈)...黑ma ma...d大廈既窗全爆哂並有好多巨型"蘭"藤左穿右插d窗.......我就俾d中國疆屍追(背景好西方但怪物就東方)....但係佢地追唔到我...我係夢裡好似彈簧人甘逃避d疆屍....但無出口...有時躲在d樹窿(好似侏羅紀1套戲d人躲在d樹度甘)....一日復一日....冇完....
最慘...試過幾次連續劇甘...一日發完..第晚就接住繼續

重來都唔知點解有甘既夢......但直至上中學就冇再發....

作者: 奇 時間: 2005-5-24 12:42 AM

Originally posted by srfqt1 at 2005-5-23 11:55 PM:
基本上發完夢d詳細過程就唔記得
唔知...

我都有=.=
發夢甩牙/小便,就會同自己講....發夢ja~唔係真
如果發夢小便都幾麻煩=_=
另有次發夢醒左,原來仲係夢.之後再醒過.....第6-7次先係真醒,恐怖>.<

作者: MaxFigo 時間: 2005-5-24 01:14 AM

Originally posted by 奇 at 2005-5-24 12:42 AM:

我都有=.=
發夢甩牙/小便,就會同自...

發夢小便....通常都等於賴尿ga wo @@

作者: 左輪仔 時間: 2005-5-24 03:35 AM

我之前係02版都出過同樣既加分題=.=""""

作者: trista_cheong 時間: 2005-5-24 08:00 AM

Originally posted by 左輪仔 at 2005-5-24 03:35 AM:
我之前係02版都出過同樣既加分題=.=""""

唉唷唔好意思>< 我完全唔知呀…

下次我會check check 先…sor!

作者: JCer 時間: 2005-5-24 01:31 PM

動作篇:
細個訓訓下,發夢同同學打架...出手打左我爸的背一下...之後立即咋唔知
另一次,大個D,自己有床...發夢踢ball....一腳西埋去木板到...木板上有一粒釘凸起左少少...好痛...
之後有一次, 唔知係咪精神緊張...唔知咩夢,一野手刀向前插...中指起了個有瘀血的泡泡...成個week先好返...
今日早上, 發夢two口水... 之後我感到個咀好濕... 原來我向上噴之後掉返下來濕了咀...之後抺返...又訓....

恐怖篇:
由細到大都係會發夢行行下跌落街, or 好似你咁, 撘電梯...超高速咁上/落 ... 好鬼片feel...
經多年經驗, 知道發呢D 夢既原因係 "頭訓在枕頭的邊緣,當頭碌下就會有這些生死時速的夢了"

無厘頭篇:
小學有一次夢見我更小學D人做曬鬼...但唔知做咩我做左隻女鬼...最尾重要比吸血彊C咬...!!!!

奇異篇:
有一次發夢既野, 真實地出現左...之前D post 講過,唔多再講

連續感慨篇:
發得最多既夢係返返去中學,見返中學同學,可能因為果時好開心好懷念,所以成日都夢見返...次次都開心...但次次一知原來係夢就好感慨... 大起大落的心情...

學堂篇:
發夢考到海關, 去左受訓, 上堂...之後身邊的同學又係我的中學同學...好神奇

JCer篇:
有時會夢到D 足球賽果, 之後我就分唔清係夢定係真,次次都一早上網睇返...~_~好病態
另外都有夢見過跑馬... 都係同真實的賽果係兩回事來的...

真假難分篇:
個夢就唔係咁記得, 但係有個人夢中激嬲左我, 之後我真人嬲左佢半日...因為我半日後先諗返果個係夢來的...

無辜到爆

唔知係咪無野做, 成日都發夢...已經唔係全部都記得啦, 但都有咁多...
個人應為多夢發係一件好事, 見返好多舊同學...做D好天馬行空的事,滿足自己的幻想欲

[ Last edited by JCer on 2005-5-24 at 02:01 PM ]

作者: 月月鳥 時間: 2005-5-24 07:42 PM

恐怖夢
細時
當我發果個夢,我就100%發惡夢.............

講述我是一個抗瓜勇士,奉命要殺死d watermelon
但d西瓜就愈來愈多
我一個人也抵抗不來,每次到勇死沙場
解說
可以小時個doctor叫我有發燒時食西瓜,
reason系可以降溫
所以每次發燒都發這西瓜夢

本帖隱藏的內容需要回復才可以瀏覽

[ Last edited by 月月鳥 on 2005-5-24 at 07:43 PM ]

作者: jasonkat 時間: 2005-5-25 05:12 PM

我發個個..雖然好短..但個FEEL係好驚..
就係無喇喇比班狗..追...
係咁跑..去到懸崖..
一直退退到最後....
跌左落去

作者: nathantse 時間: 2005-5-25 10:08 PM

記得10年之前播緊既美少女戰士好受歡迎..我自己就好鐘意入面既月野兔...重點到啦..有一晚發夢..夢見自己見到一個80幾歲既老伯向度強姦月野兔...之後我好興...拎起d石頭係禁掟...掟死左佢...之後就行左埋去抱住條女...有無搞就唔記得了!!畢竟都係10年前既事!!

有d比較恐怖既係比人入打劫..比人用刀插我...插落去果下真係feel都有d痛...仲醒埋tim!!
又試過由幾十樓jump落去地下...可以無事禁起返身....

作者: waiting 時間: 2005-5-26 08:05 PM 標題: 昨晚你有發夢嗎?

你地几耐會發一次夢架? 日日都發? 定係好小發架?
通常會發d咩夢? 恐怖夢? 夢見愛人?
夢裡面既人物係唔係你都認識架...定係唔識?
你地既夢有無有顏色架?
你地覺得夢會唔會實現既呢?

我有時整晚都在發夢...到起身時覺得好似無訓過咁..好累...有無有人試過咁?

有時發到d唔開心既夢..到訓醒時都會有d唔開心...唔知點解會咁..被影響到..

分享下發過d咩夢啦

作者: 小明518518 時間: 2005-5-26 09:04 PM

我發親d夢都係咸咸濕濕咁==

有次我記得我同成班女仔出去玩
去飲野,之後佢地落左迷藥,
到我有知覺果陣就已經係我比人札住左手手腳腳
之後比人輪==

作者: 心太 時間: 2005-6-12 10:27 PM

試過發夢係街見到個fd架車,之後就搶左黎渣
之後仲撞鬼左佢架車走左去
仲要若無其事咁同第個fd有講有笑咁
之後就唔記得la....

作者: 甲狀腺 時間: 2005-6-12 11:42 PM

我前排發過一個十分迫真的夢
夢境一開始係個城市唔知點解到處都係喪屍,有好多人中左焦,
於是我同幾個生環者就揸架小巴,去一個重未淪陷既小城.駕車中途
有個fd無啦啦發作,結果我射死左佢,(我醒左之後立即打比佢)跟住我地
成功入左城,住左幾日後d喪屍就攻破左城門,於是我就死守係一間房頑抗,
跟住我打得過癮既時候,就比人叫醒左,十分沒癮.

作者: trista_cheong 時間: 2005-6-13 12:15 PM

Originally posted by 甲狀腺 at 2005-6-12 11:42 PM:
我前排發過一個十分迫真的夢
夢境一...

你打得生化危機太多la 甲狀腺先生~~ @@

你仲有冇d 咩神奇夢? 我覺得你會發d 更奇想ge 夢@@

作者: 良友 時間: 2005-6-13 12:19 PM

我發過一個夢,唔知係搞笑係恐怖定係無厘頭。
無聊地走左去跳樓,跳完冇事,
淨係隻腳有少少痛,跟住上返去再跳,
跟住再一次冇事,跟住再跳,的確有趣。
我有好多夢發過都唔記得,但好多都好搞笑的。

作者: trista_cheong 時間: 2005-6-13 01:11 PM

Originally posted by 良友 at 2005-6-13 12:19 PM:
我發過一個夢,唔知係搞笑係恐怖定係無...

呢個係搞笑+恐怖+ 無厘頭@@"

不過發夢好似係反話黎﹐例如我夢到葬體聽聞係喻意有新ge 開始@@"

作者: kkcphk 時間: 2005-6-19 06:23 PM

我以前小學發個一次好得意ge
Dream

我自己 drive 去元朗一個唔知
咩地方..Then 撞到一個 that
time 好鐘意 ge 女同學....Then
我地去左食野 together...又去左
黃金 beach...Then ....俾我媽咪
吵醒左 \./....

作者: hoho886 時間: 2005-6-20 01:46 PM

我發過幾個夢都發過兩次
有一個夢我記得我去左個商埸,見到有裸女係到行
之後唔見左,之後又係番到行,咁我就不斷睇下佢係邊.

有一個係我屋企唔知點解黎左一隻都幾大下既烏鴉,係到
嘈住曬,又係我側邊阻住曬,咁我捉住佢,張隻烏鴉整到一
塊野咁,仲拎d野壓住啦,不過之後佢竟然孌番隻烏鴉,
仲要走到落我隻ear到,之後冇.

仲有一個係我晚上落到街,見到勁多個人係到望住我,仲跟住我,
但我唔識佢地,咁我就跑,佢地仲拎把(都)出黎追住我,
之後我走到個彎入左去,企係到,但佢地追住我左黎,似見唔到我,
不過我就係企係佢地既側邊/前面.

我都唔知點解發埋d咁既夢ga

作者: 細水水 時間: 2005-6-20 05:20 PM

最特別莫過於上次同人地去bbq..
其間一直都係好正常既bbq...
突然有時蜜蜂出現..
我一直都有d驚蜜蜂..因為驚被佢針..
不過佢唔係飛埋我度...
我都有少少放心...(係咪好自私呢)

跟住佢竟然飛埋我度..
隻蜜蜂好似大左d.. =.=
即係好似卡通片咁有樣...
打左一輪....

佢當面飛埋黎...用支針對住我...
我谷行全身....(真架...我擋唔切..所以頂)..
針中條頸..
跟住醒左..

個心係咁砰砰咁就少不免..
不過條頸被蜜蜂針中個位..
真係有d痛痛地咁既感覺....
個感覺雖然未至於係痛...
但個個位好似怪怪地...
感覺慢慢消失...大概維持2分鐘左右..

作者: 睇我唔到 時間: 2005-6-20 06:32 PM

我細o個果陣試過發發下d夢
突然係夢中知道自己發緊夢[明明個夢都幾美好,突然冇左-.-]
但係想起返身又起唔到,突然我外婆見到我係床到搖來搖去,接著叫我起身,問我做緊乜,接著我話

無野無野....)
但係個心極驚,又唔知發生咩事....=.="[講真嫁~

]

作者: pkpkpkpkp 時間: 2005-6-20 07:04 PM

最恐怖:
世界未日!!! 一大架UFO係屋企出面~~
銀色既~~ 直徑有13樓咁多!!!
打曬風咁~~ 個天呈紅色~~
最搞笑:
我個醜樣同學頭中間冇曬頭髮=.=
好似河童咁~~ 呵呵.....
最無厘頭:
發夢一個人深夜落街買橙~~
之後見到對面頭火燭~
有一架好似LEGO舊版既火燭車黎救火~~
咁就醒左啦=.=
另一無厘頭:
發夢就黎同個女仔DO野~
原先好開心啦!!!! 因為係清醒夢!!!
點知到個PART我同個女仔變左做火柴人LO=.=
仲要係白色背景~~ 起身個時, 有D灰........
(希望呢PART你唔會嬲啦~~我驚你又話我咩又扣我分......細路仔唔識世界~)

作者: cmwcmw 時間: 2005-6-20 11:48 PM

我最記得我細個個時發燒
發夢見到譚詠倫變左隻獅子
嚇到我即刻醒左
到今時今日仲記得
不過諗返覺得好好笑~~

作者: fatfatdragon 時間: 2005-6-21 11:00 AM

細路時, 有一個夢到現在都好有印象.

細路時, 每次發燒. 在食完藥後 (無市論是中藥同西藥) 都會昏睡而且都會發同一
個類似的夢.
每次都夢見自己被挷在屋裡面 (通常在柱上), 然後有一個人 (印象似軍人, 老實說似日本仔)
走入屋, 不知做什麼, 似講嘢.
之後就突然有一個圓形的"餅", 通常是黑白跑出"呢", 好似鐘一樣, 由0到12順時針轉.
轉完就好像爆炸一下, 我就醒了並退燒.
這夢一直出現到中學後就冇了. 好離奇...

最遺憾是很少發有美女的夢......

作者: wahaha1234 時間: 2005-6-23 05:56 AM

哇~我啱啱發咗過夢.即刻上o黎post...
頭先我到咗一條屋村.都唔知點解
係走廊入面..想找部升降機落去
其間好驚ar,係d Y型屋村黎gei...周圍冇燈.好黑.好多道門關上.好灰暗feel...
我走咗幾層.都揾唔部升降機落去
有人行都過當我冇到=.=
一路行.e..見到有一戶冇關門
走去有個阿伯同阿婆問我係咪sell寬頻.我話唔係
問佢點走.佢話一直行就得喎
唔知點解我又聽佢講喎.咁行la
終於聽到d人聲同一d燈光係前面lor
出去哇見到勁多人係到睇屋村function....又放煙花=.=.場面勁光.好空曠ga
d細路仲踢d煙花tim..哇個function仲請cookies做嘉賓wor ..明明係樓上個喎.點會咁...好奇怪
跟住就醒咗寫e個post la~~

作者: kakeidevil 時間: 2005-7-6 03:06 PM

呢個夢中學果陣時發既....極之無里頭

有一日...我同幾個朋友去旺角行街...一路都冇乜野....好開心...跟住去到一D好多人既地方...好唔尋常咁比平時多人...咁我想走啦...但D人將我逼番入去...突然之間...聽到有爆炸聲...於是寧去睇下...見到有D恐怖份子係D高層既地方度炸彈落黎...咁D人梗係走喇...包括我在內...但實太多人啦...又成地都係死屍同手手腳腳...又大煙喎...情況好亂...情急之下...我竟然變左個蜘蛛俠....話明蜘蛛俠梗有...蜘蛛絲啦...我一D都冇浪費...係咁飛黎飛去囉...又爬上D大廈度...係咁爬係咁爬....爬到最頂...見到有個地方凹左入去咪爬入去囉...黠知比我見到闔心妍喎...我係蜘蛛俠嘛...佢見到之後好開心咁攬住我...錫左我一淡我就走啦...因為我要打怪獸(唔知點解無啦啦走左去打怪獸)....我一路追...隻怪獸一路走...突然之間隻怪獸變大喎...咁我知唔夠打咪走囉...走到去一間屋...死喇...冇路走添...但係隻怪獸黎緊殺我喎...咁住我行左入去個廚房...拎起個鑊蓋跳左落去...山番埋個蓋...O係度等隻怪獸....希望隻怪獸搵唔到....

跟住責醒左..可能太驚....
以上所發生的全部屬實....

作者: 魔術師 時間: 2005-7-6 09:23 PM

我試過係我大陸間屋(好大個花園)係到擺酒個時唔知咩事要擺酒個個都好開心好高興跟住就係E個時間地下無啦啦有好大舊既野升左上黎跟住個人係咁走呀走呀跌左落一個地方咁就醒啦
重有我試過細個個時晚晚(有成一個月到啦)見到x青天次次佢都好似想同我講D野佢個樣唔係恐怖/得人驚而係好公正好正直但係次次佢好似想講我就驚醒左- -^ 過左一個月之後就無啦- -

作者: slwong3 時間: 2005-7-6 10:30 PM

I had a dream before.
It was the only dream that I felt really scary and woke me up.
I think I had posted it before in this forum.

The dream was quite stupid at the beginning.
I was sitting in a Chinese restaurant with 3 other friends. (drink tea)

Then one of my friend asked me to get some dim sum.  However, they were asking me to get dim sum from another restaurant. (this is the stupid part in the dream)

So I got out of the restaurant and went to another restaurant in the same mall.
Before I entered into the second restaurant, I saw people screaming and ran out from the second restaurant.  There was a crazy man holding a gun and shot people down.
My friend came out and asked me what was going on.  Then I saw the crazy man shot two of my friends down.  Then the man pointed the gun to me and I got shot down too.
(I could feel the pain in the dream.)  Then the man walked slowly to me and he pointed the gun to my head.  I was really frightened and I got awake.
*****************************************************************

This dream scared me a lot after I woke up because it is the first dream in my life time that I saw I got killed

作者: pignose 時間: 2005-7-8 01:26 AM

我就試過發一個夢同我女朋友搭巴士，而我女朋友就係楊恭如，仲同佢係巴士上層打茄輪﹗當中我有同佢講野，但我唔記得同佢講過乜lu。細個有一個夢好記得，係好驚既，個時我得幾歲啫。咁我係夢入面返屋企，一入到屋就成屋都係鬼，根住佢地就一直追住我。我係馬路度係咁跑，根住就見到有架雪糕車，我就即刻走上車。一上到車就有兩個美女，而架車入面就有部電視，結果我就一路睇電視一路食雪糕……期餘都發過好多夢都係俾鬼或者怪獸追，呢d試最多。

歡迎光臨娛樂滿紛 26FUN (http://www.26fun.com/bbs7/)