下一位被炒魷魚既英超領隊

amigofans

星期日晚, 保頓同熱刺兩個難兄難弟又握手言和,
唔單止係積分上面鬥, 兩個頂頭大熱被炒人物亦係度鬥,
不過係鬥邊個被人炒先...

祖爾都幾煩, 主場對完維拉, 要作客對利記同紐卡素...
但個人覺得保頓既細sam仲大劑, 原來下場作客對完打比之後,
仲要連戰車仔同阿仙奴, 如果呢三場都失晒d分,
好有可能落得10戰得4分既地位....到時要睇下熱刺係咁都係得幾分

打比郡而家個走勢, 極有可能破新特蘭早兩年既最低分紀錄,
雖然話老細預左降班, 但係咁場場被大炒, 球迷也有怨言,
再係咁數落去, 戴維斯想唔走人都好難...

車仔遇上近幾年最大既危機, 英超3戰得1分, 歐聯亦和埋,
缺乏執教頂級聯賽經驗既格蘭, 比人完全無信心可言...
加上佢無教練牌照, 最多只可帶12星期,
黎緊呢幾場如果反彈唔到, 相信老友都無面比....

amigofans

保頓1比1和左, 下星期雖然係主場, 但要對已經失左10分既車路士,
睇黎保頓失分機會非常之高, 亦增加細sam被炒既機會...

熱刺就仲大獲, 今晚對維拉應該係祖爾既 last chance,
因為下場要作客晏菲路, 紅軍主場之強, 好難有望偷雞...

相信今晚祖爾有咩差池, 星期一應該有新聞睇....