迦樓羅女王

小弟之前覺得 , 十六國中二趙兩國 , 係爭取緊同一個 "趙" 政權既正統
就好似北朝分裂既東西魏咁 ... 其他好似五燕  前後秦都係

但小弟近日發覺 , 其實連西秦 , 都好似有想拿 "秦" 正統既著數 ...
係後秦亡國之前 , 無論西秦亡國前  復國後 , 西秦絕大部份時間 ,
其實都無稱 "秦王" ... 但由後秦亡國既417年 , 到佢自己亡國既431年 ,
就完全係以 "秦王" 自居

迦樓羅女王

想問下 , 各位版大點睇 TVB版 同 電影版 既輪迴式洗版???

由上年10月左右開始 , TVB版就出現輪迴式洗版 ...
即係大量POST係臨近鎖文期限 , 被重新推回首頁 , 現在去TVB版一看
可以見到原本兩個月既鎖文期限 , 竟然包攬左多達77頁既POST !!!

當然 , 亦好容易見一整頁  或者半頁都係同一個人既回帖 ...

TVB版版主唔係無做野 , 我見都 BAN 左好多呢D ACC , 但就一直無停
... 電影版我其實都好少去 , 但幾年以來 , 係果面出親POST ,
都一定不停比人輪迴式頂返上首頁

迦樓羅女王

高兄 , 小弟近日在重整緬彝語支民族既資料時 ,
發現兩族人既時形時期都頗早 ... 彝族係大理國既主體民族 ,
而大理國既前身 , 最早可以追至六詔 , 早在公元8世紀己係雲南成形
緬甸既第一個緬族人國家--驃國 , 就係公元7世紀建立 ...

兩族既基本範圍 , 係近呢一千二三百年 , 基本都無大改變 ...
從時間上逆推 , 即係話原本係雲南既緬族 , 肯定係唐朝建立之前 ,
己長期比彝族壓迫 ; 而係更早之前 , 彝族就係巴蜀地區 ,
受到漢人既壓迫

如無意外 , 呢個移民鏈大概就係十六國後期(至少係成漢亡國後吧) ,
到南北朝期間發生 ...
如果咁講 , 係晉朝爨氏等中南大姓治下 , 其實會唔會都係緬人???
秦漢既西南夷 , 係應該係緬人定係孟高人???

其實睇埋吐蕃既建立時期 , 都同緬甸一樣係係公元7世紀 ,
即係 "髮羌入藏" 都係發生係十六國至南朝 ...
睇來當時漢人對巴蜀  隴西有好大既開發呢 ... 定係 "髮羌入藏" ,
都有比隴西鮮卑等外族脅迫既關係???

不過唸唸下 , 彝族都幾慘 , 一早打下緬族落緬甸 ,
自己係雲南叫落葉歸根 ... 本來都無咩野 , 係到明朝開始加強管治
搞到明末清初既雲南亂事不斷 ... 雍正又搞改土歸流 ,
果陣緬甸又成晒形勒 , 走都無得走 , 迫住被漢人繼續打壓 ...

今日彝族佔雲南既總人口 , 都係得一成多丁點咋 !!!

迦樓羅女王

睇真D , 上一代花旦家境最差既 , 應該係阿佘同楊怡 ,
結果係佢果一代花旦中 , 除左佢地 , 其實就只有杏兒可以一登視后
(杏兒家境都唔算好好)

係五大之中 , 家境最好既應該係子珊同嘉欣 ,
但完全唔可以同凱琳  千雪呢D "千萬家財" 既花旦相比 ...
或者咁都解釋左 , 點解上一代花旦咁勤力 , 而呢一代花旦咁易放棄
根本就係一副 "都唔好玩既 , 唔玩拉" 既態度 ...

迦樓羅女王

自從發現原來睇返時序 , 可以整理出大概既民族遷移流程 ,
小弟又開始想睇 , 侗泰語族既遷移流程 ...

首先以小弟理解 , 侗泰語族早期應該呈沿海分佈 ,
最北應該係係浙江一帶 ... 好似話越國可能就係侗泰語族

小弟記得福建 , 其實去到東漢-孫吳先開始置縣置郡 ,
而孫吳打擊山越 , 都係第一次對福建開發 ;
同時 , 孫吳既交州為士變所控制 ... 一直到唐被 , 兩廣地區
都為馮氏及冼夫人控制 , 就算有民族流動 ,
應該係侗泰語族既內部壓迫

用返時間逆推法 , 泰國既第一個王朝--素可泰王朝 ,
係公元13世紀之建立 ... 所以估計 , 漢人對兩廣既大壓迫
南漢及宋朝時開始 , 儂智高應該壓迫下叛亂 ...
不過咁樣 , 都睇唔到漢人壓迫>壯族壓迫>泰人南移既流程

之後廣西無發生甘肅回變  貴州苗亂等大型屠殺 ,
或者明末清初雲南既亂事不斷 , 今壯族是第一大少數民族 ,
仍佔廣西1/3人口之多 !!!

迦樓羅女王

唸唸下 , 其實相比起謝安(怕佢成為下個桓溫)  劉裕(要返去篡位)既北伐 ,
桓溫其實先係最有機會統一果個 , 點解佢無咁做???

睇返各次北伐 , 謝安係趁淝水之戰後 , 前秦開始崩解而北伐 ,
果時關東有慕容部再次崛起 , 關西都有羌人姚氏強大起來 ... 東晉再北上
就真係要打真軍 ; 劉裕就係趁後燕  後秦接連大敗於北魏 ,
令兩國快速崩潰 ... 但同時兩國既後面 , 仲有北魏  胡夏兩國新興強國 ,
都唔係話咁好食

但係後趙因為冉閔之亂亡國 , 成個關西可以話完全權力真空 ,
之前影響力都唔見好大既氐人苻氏 , 因為無晒對手(羌人姚氏南投東晉)
輕輕鬆鬆就接收晒關西領土 ... 就算係關東 , 前燕都只係打到入鄴城姐 ,
點解桓溫唔試下打埋上去??? 至少都食埋關西先拉 !!!

唔通佢係唸住養寇自重 , 方便佢濫權 , 繼而慢慢篡位???

迦樓羅女王

非常同意郭兄 !!!
唔知幾時開始 , 呢個社會就好推崇呢種 , 好容易放棄機會既態度 ...
好似千雪咁 , 就話佢為左讀書放棄名利 , 好清麗脫俗 ;
好似凱琳咁 , 就話佢為左愛情放棄名利 , 好偉大 ...
但係好坦白咁講 , 呢種咁唔進取既態度 , 真係咁應該被推廣咩???

坦坦白白咁講 , 我自己就係一個好唔上進既人 ...
但正正因為我意識到 , 呢個係問題 , 反而好想接收多正面D既資訊
... 覺得推廣呢種態度 , 對年青人都唔會係一件好事 !!!

迦樓羅女王

高兄 , 我可能太集中於漢人對外族既壓迫(漢人>巴蜀彝人) ,
或者外族對外族既壓迫(彝人>雲南緬人) ,
但好似忽略左漢人對漢人既壓迫 ... 講既係十六國時既南遷漢人

記得幾年前我先發現 , 南遷漢人其實一離開十六國地區 ,
就會在當地定居 , 即主要在江蘇  安徽  湖北一帶 ,
但E+唸唸下 , 既然佢地去左三省定居 , 咁原本三省居民又點???
係咪又被迫遷往更南既浙江  江西  湖南???

迦樓羅女王

比高兄講完之後 , 小弟係度唸 , 五胡又可以分為三個集團 :
第一個係匈奴同羯 , 羯被稱為匈奴別部 , 係幾百年前 ,
就從於匈奴之下 ;
第二個係氐同羌 , 雖然未知點解 , 但羌族係十六國中期 ,
係一直以氐族既忠實支持者身份存在 ...

第三個就係鮮卑
(其實正式來講 , 鮮卑內部既隴西鮮卑  河西鮮卑  慕容部  
宇文部  段部反而係各不統屬)

十六國中既五個燕 , 佢地共同採用 "燕" 呢個國號 ,
係因為佢地都係出自慕容部 , 的而且確係有同一個源流 ;
咁匈奴同羯 , 共同採用 "趙" 呢個國號 ,
氐同羌共同採用 "秦" 國號 , 會唔會同上面從屬有關???

或者咁講 , 因為係前趙既建立同強大過程中 ,
羯族出左唔少力 , 所以佢地認為同匈奴一樣係前趙一份子
... 係劉曜昏庸佢地先要造反 , 佢地對 "趙" 有感情 ,
所以佢地唔係要獨立建國 , 而係要取得 "趙" 政權既控制

同樣既流程 , 可以係前後秦再演一次 ...
唔同既係 , "劉曜昏庸" 其實有少少老屈 , 相反羌人之叛 ,
就真係由苻堅一手做成 ... 高兄覺得咁理解得唔得???

迦樓羅女王

睇完侗泰語族 , 小弟想睇埋苗瑤 :
如果十六國時期 , 南遷漢人在江蘇  安徽  湖北 ,迫走左原居漢人 ; 原居漢人被迫移到浙江  江西  湖南 ,
咁應該係漢人第一次大力壓迫苗瑤 ...

而第二次大力壓迫期 , 應該就是五代和南宋 ...
南宋既情況 , 大致和十六國時期相近 ; 五代既南方九國
都大力發展生產 , 相信楊吳  南唐和馬楚等 ,
都會大力開發江西  湖南

我估計 , 苗瑤既主體去到元朝開始 , 己經被迫到去貴州 ,
去到清朝時 , 連係貴州都受到強大壓迫 ,
加上往西係彝人  往南係侗人 , 根本佢地就無得走 ...
所以迫住發生震動大清既 "苗亂" , 而經過大清既大屠殺
先改變左貴州以苗族為主體既人口結構