sonyguy

踼波笑話...好多喎...
1) 早幾個月..我地參加比賽...
對手係一班中學生...
佢地好認真...有晒教練果隻...
果時仲係1:0...我地贏梗...
佢地求勝心切...
個個去到盡...
有一球係直線放落底線...
佢地既球員用極速追落底線出波...
個波在底線前出到...
個個都望住邊個搶到呢個傳中波既時候...
聽到好大聲bomb 一聲...
原來果個出波既球員掛住望...
個頭撞左埋去龍門後面的鐵欄...
當堂暈左成十分鐘...
我地當時睇唔到...
但好彩我地有錄到成個過程...
之後我地成班睇返...
個個笑到出唔到聲...
仲要反睇又反睇...
睇左足足五次...
=)

2)都係比賽...
對手係一班中年人..
亦都係好認真...
有領隊..
場波最後我地小勝1:0...
佢地個領隊走埋黎同我地講...
<好波...你地比心機...一定要贏到個冠軍返黎>
我地呆晒...唔知比乜野反應佢...
最後其中一個隊友突然爆左句...
<足球小將呀??>
我地笑到叫唔到口...
個領隊好無隱咁走左...

3)中學時期...我地成日去踼波..
有一次我地得七個人...(我地踼細場...4 對 4)
咁唔夠人...
咁岩有一個小朋友係到..(我地唔識...佢大概8-9歲...跟佢阿爺黎球場玩...佢阿爺耍太極)
我地就叫埋佢一齊踼...
當年年少無知...兼無人性既我地...
屈左個小朋友守龍..
我地全隊射波最大力既球員...
近距離施展一個勁射...
個波直飛埋那位小朋友既腹部...
我地全場靜晒...
幾秒後...
個小朋友濠哭...
我地立即"合" 住佢把口...
捉佢埋龍門後便...
唔比佢喊出聲...
"dum" 左佢一陣後...佢終於收左聲...
跟住我地又一齊踼過...
當然我地唔敢再屈佢守門~~