秋葉林

坦白講要重建公牛皇朝，似乎最少仲要花多幾年時間。公牛依家欠缺咗兩樣王者必須具備嘅條件，一樣係 money player，而另一樣係經驗。money player 嘅意思係指果啲心理質素高唔易受壓力影響，响關鍵時間攞到分嘅球員，呢種球員真係可遇不可求。至於經驗方面，公牛可以話係成個聯盟入面最少嘅一隊，Ben Gordon、Chris Duhon、Andres Nocioni 同 Luol Deng 全部都係今年嘅 rookie ，Kirk Hinrich、Tyson Chandler 同 Eddy Curry 入面最多果個都只係打咗三年﹙今年第一年打季後賽﹚，想即刻攞總冠軍，真係談何容易呀。

嚟緊公牛要面對嘅最大問題，係點樣留得住呢班有潛質嘅球員。早幾年 Elton Brand 夠可以話係公牛嘅希望，誰不知轉過頭就焗住要放佢走，皆因佢唔肯績約是也。所以話，嚟緊幾年相信公牛班高層都應該會幾頭痛。

要重建公牛皇朝，真係同志仍需努力呀。