[2006-11-08每日精選]戀愛起義之我大個o左.......掛,ha

au212001

[by Trista 無論幾多人post 幾多個posts都好﹐原創先係王道~~]

我叫阿max, e part係我之前隻腳受傷, 冇工作冇書時, 我的一段暗戀...
我鐘意佐一個女仔都好耐下, 不過一直都冇主動去問她叫咩名
她吾算話好靚, 但人人心中都有一個自己喜愛的類型, 而佢就係我鐘意個個類型

她係我屋企附近一個地方返工, 我雖然好鐘意她, 但有次見到佢的男朋友
所以一直都冇主動冇結識她, 就咁睇..大家覺得我又係一個on居男........

又吾認識人, 又吾知人叫咩名, 又吾知人地幾大個, 又吾知人地的為人..就話鐘意人
我一開始時都覺得自己傻, 因為個陣冇工作, 曾經扮偶遇, 但又吾敢出聲, 以博她記得我...
咁當然次次都失敗啦, 次次我都想講一句.."咁岩ge", 哈..好似拍廣告...
好記得有一晚我鼓起勇氣, 希望去真真正正咁去識她, 但...我竟然見到佢男朋友接她收工
個刻先知道她有男朋友, 知道之後我成個人都好down, down佐一段時間....

之後都冇再去扮偶遇, 不過時間一路過,約半年..(這時因為腳傷沒有工作, 所以成日諗傻野)
諗..會吾會已經分了手le..? 咁我咪有機會low, 所以我又走了看她收工
幾日都她的男朋友都沒有出現, 心諗出現機會了...(其實又係自己胡思亂想)
不過可惜的係, 當我滿心希望時, 佢的男朋友又再出現, 我的心又再碎了..
自此之後, 我都冇再寄存希望, 之後我找到工作, 專心工作,
沒有再去偶遇, 只間中從門外望到她數次, 也沒有胡思亂想...思維開始回復正常
原來愛情真係令人做傻事, 以前覺得扮偶遇只會在電視上出現, haha...



直到約上3個月, 我去了她的鋪頭, 當時的我對她沒有半點任何的胡思亂想
我入到去, 她一個人在做一些較粗重工作, 將一塊厚膠板弄爛...但畢竟她只是一個女仔
我心諗, 好吾好幫她le?(當時只有我地2個)..定係扮型當睇吾到le??...
平著以前, 可能會扮型博佢記得我,(個陣比較傻, 諗的野都傻)
但重新工作後, 頭腦已經清晰, 心諗, 橫掂都冇野嫁啦..幫下人有咩所謂
所以我主動走去幫她, 她開始時都吾多接受, 話晒我都係客人...
不過我係她想say no的之前已經拎佐她的膠板, 塊膠板真係好硬...而且有點髒
不過我最後都整爛了一部份, 雖然幫的忙吾多, 但她都多謝我
還拎了毛巾給我沬手, 我報以微笑回謝..我都吾係傻到冇打開話題ge
但吾算傾計low, 閒談都吾算tim呀, 只係笑笑口講塊板..haha...這經歷真不錯
不過我都係冇問到她的名字......其實如果俾著我以前, 我已開心到彈起...
但個刻的我, 沒有半點特別高興, 可能之前真係放底佐她了....
反而沒有好開心令我欣慰 ,我終於成長了....


上個月我又到了她的鋪頭, 在電話我說了7點半到, 但我的老闆放早了我
所以我7點就去到了, 在電話聽到個女仔聲, 感覺上應該吾係她
所以認為她是放假, 不過去到..還是見到她, 一入到去,
她竟然反問我:e, 咁早呀?吾係7點半咩!!
我就Ｏ晒咀, 問她: e....你又知ge?
她回答我: 認得你丫麻, 坐下先..
個陣我只感到驚奇, 估吾到係她撩起了對話......我等的時候..
見她依然有同另一男仔有傾有講, 我諗..吾通她今日心情大靚才認得我?
不久她的同事也見到我, 這位同事竟然大叫...我認得你...你係xxx度做ge..
個陣, 我真係啞晒, 俾人反起底(講笑)..哈哈...原來有次佢地去食野見到我係鋪頭行出來
e位同事真多野講, 問買野有冇折呀?, 我梗係話冇所謂啦,
最好你2個一齊去 ,順便識埋她啦......估吾到個次講佐咁多野..
不過強調我冇再諗過佢己同男朋友分手, 我現在只係諗同她做個朋友仔...
只是想做朋友...但吾知她吾會吾會諗, 我因為想追她而去主動識她..
希望吾會啦....

其實係中間個段時間我自己都有拍拖, 但發覺拍拖不是我心中個樣野之後...
已對拍拖失去興趣...有時做朋友比做戀人可能會好些..但千萬吾好做錯事啦
如果e個諗法企得吾穩, 一旦起埋一起後, 散佐好難做番朋友...始終心中有條"次"

以上只是個人經歷, 想講的係拍拖吾係代表所有..但拍吾到拖都吾代表會死
所以仲年輕的俊男門, 沒有女朋友不是一件醜事...

[ Last edited by trista_cheong on 2006-11-9 at 11:49 PM ]

au212001

Originally posted by trista_cheong at 2006-11-8 01:16 AM:



又真係幾傻 扮型冇咩用ga...

'


haha...係呀, 諗番起真係傻, 不過冇後悔ge,
我諗住下星期我生日, 我主動去同佢做個朋友..

頭先睇番自己個post, 搵極都極吾到, 原來變佐每日精選..
我仲以為俾人洗佐d..hahaha

au212001

Originally posted by trista_cheong at 2006-11-8 02:26 PM:


係??好事黎ga wor～^^
加油呀﹐講多d o野﹐分都多d~~

驚你地話我傻ja haha...

au212001

Originally posted by 'nice' at 2006-11-8 04:58 PM:
你的經歷都幾特別wor~
不過一日未結婚都未到結局的,你還有機會阿!
而且果個男仔可能未必係BF,可能係哥哥or細老呢!
wish you a haapy ending!!

我以前成日都諗..都吾一定係男朋友o者,
男仔朋友又得, 哥哥又得, 弟弟又得, 堂大佬又得, 同學仔都得....等等
但我覺得咁樣諗..只係自己呃自己, 堂堂正正覺得她係有男朋友ge...
咁可以令我容易d去忘記對她的感覺

au212001

大家吾怕悶, 咁我講多少少...

諗番起以前扮偶遇個陣都覺得好傻..我以前只會覺得係周星馳d戲先會出現..." hi咁岩呀"

哈..不過我冇講過出口, 扮偶遇咁耐都只係講佐一次hello...吾知係咪扮得多令她開始有疑心
有次係巴士站咁岩竟然遇到她, 我完全冇預計到的, 我個次係去搵個朋友食飯
而她應該係食飯回家休息, 個陣仲係好早時期, 個陣我都仲未知她男朋友的存在
偶遇佐好幾次, 她對我有印象...我地一齊上巴士, 不過我上了上層, 而她在下層..
因為我吾想嚇親她, 驚她以為我跟蹤她, (其實只係咁岩得咁橋) 車行佐冇1mins
竟然壞車, 要坐後面個嫁, 又一次見到她...但我依然選擇逃避...之後佢落車.我知道她住哪裡
不過....她落車時, 竟然用了一個好懷疑, 好驚訝的眼神回望上層..心知...死啦,她一定好怕我
有意冇意間, 令她對我的印象差了很多.....其實而家諗番, 如果咁樣先知道她住係邊
咁又點,,,她對我的印象個一刻一定好差...

而家的我當然吾會仲去扮偶遇啦, 我如果想要識她..都只會堂堂正正咁去
吾會再扮cool, 扮型博她留意自己...

我同番我d朋友講, 我話她認得我, 仲閒談佐幾句, 好多朋友都認為我都有一定機會
朋友都提議我, 暫不想她跟她的男朋友的情況, 追佐先至算,
因為佢地覺得而家的我有優勢去識她而係成功的...
但我拒絕...,我不是拒絕去主動同她做朋友, 我拒絕的係不可能當她是單身
知道她是拍拖就是拍拖, 知道她是單身就是是單身...
如果我的出現令到她本身蜜運的她有所困擾,
我真不好意思...所以我只會在吾係好揚的情況下去識她...至少俾她知道,
我真係想同你做個朋友.........

我而家冇咩興趣拍拖, 我覺得係拍拖時, 好多野都要同人交代, 真不習慣
現在的自由是拍拖時不可以存在的, 所以我還在享受單身的同時去識多d朋友仔..
咁就吾會怕悶啦....

au212001

Originally posted by trista_cheong at 2006-11-9 01:58 AM:


傻la ~ 你本身就係傻ge ﹐仲駛乜我o地講je~~

咁都俾你睇得出tim...
邊個話我傻, 我請佢食燒鴨

au212001

Originally posted by trista_cheong at 2006-11-9 01:57 AM:



come on baby~~~ XD

我都好想睇呀..

au212001

Originally posted by trista_cheong at 2006-11-9 05:49 PM:




多謝大老細~~~~

其實打完e篇野, 個心真係幾舒服, 覺得有人專心聽我的事件..突然有溫馨的感覺

至於食燒鴨...總有機會ge)其實我想打燒鵝嫁..不過打錯佐..haha

au212001

Originally posted by trista_cheong at 2006-11-9 11:50 PM:


我鵝鴨通殺ga~~ 你唔曉ga 咩

其實呢度本來就係互相share 戀愛經驗同睇法ge 地方﹐一齊share會好開心ga~~

多d 黎密d 手....

鵝鴨都好啦．．都係個句．．．總有機會ｇｅ！！

au212001

Originally posted by sakura310 at 2006-11-10 05:54 PM:


我唔係想賣關子
不過我諗我真係...

小心身體, 最近好多人病...診所睇醫生的人分多..
至係係度post定開個新..冇咩所謂ge, 都係大家分享o者