pchon2004

李克勤個人好成熟
好少會唱d快歌同勁歌
大部分d歌都係情歌
令人有一種可以寧神的感覺
但係講真佢的假音同低音都好勁
唔信你聽返以前d歌呀~~
好似飛花果d咁
要幾高有幾高
不過佢d台風的確係比人地差

奶茶

聽Eason 唱歌其實幾舒服,因為佢學懂收放自如,而且把聲略帶少少沙,唱高音又得低音又得,唱快慢歌都得
克勤唱歌係好聽,但好聽既都只係局限於慢版情歌,例如"愛不釋手"呢D,唱歌太過公式化,個人覺得佢唱快歌唔係太好
基仔唱歌都唔錯,但唔知係咪佢聲調太高,覺得佢唱得太用力,無左收放自如果種感覺,可能係受歌路影響掛

個人覺得鄭中基都唔錯架

[ Last edited by 奶茶 on 2005-6-11 at 10:04 AM ]

奶茶

Originally posted by 吳建仁 at 2005-6-9 12:29 PM:

如果單以音域計, 克勤應該比學友更廣.
但係克勤唔及學友, 正係因為"感情"問題.
聽一聽佢兩個唱嘅"李香蘭"就知有一種分別.

星爺唱"李香蘭"都好有感情喎,不過就聽到你會笑

jaykfc110

Originally posted by 奶茶 at 2005-6-11 10:00 AM:
聽Eason 唱歌其實幾舒服,因為佢學懂收...

好同意!!!
我唔否認三位都係實力派..佢地各有所長
克勤唱情歌係好掂..不過有dd悶..(不過我同意佢係唱得之人)
而eason真係好全面~!
歌藝就應該係克勤好d(不過都係好主觀既)
而全面就一定係eason la我諗都冇咩人反對卦.\

不過兩位都係香港樂壇既大哥
希望佢地以後唱多d好歌比我地聽la!!

高師傅

其實我覺得唱歌最重要都吾係唱功 (咁當然要有基本野喇)
最重要係感情,一首歌入面有歌詞 ,
一個歌手除左要唱出個melody之外,就係要唱出歌詞既感覺
係呢一方面Eason遠遠好過Hacken同基仔

但如果淨係計唱功既,毫無疑問Hacken都係好好多
吾係話佢震音勁就得
而係好明顯大家既演繹方式吾同
而Hacken個d就比較似係演奏級,好似一件樂器咁,奏出佢個melody
eason就比較似番個正中歌手,而且講唱出歌詞既感覺佢完全做到
呢個係最重要既原因我鐘意佢多d

至於基仔,我就不願置評,我好少聽佢d歌以前
但我就覺得任天堂個隻碟佢紅左之後
佢d演繹方式都好吾得到我認同,我覺得好浮誇
好似係到玩個首歌咁,但佢又未到呢個級數
而且以前既佢唱得比較舒服,自然,宜家大多都係成日濫用假音,搞到首歌好作狀

Eason就吾講喇,講佢我可能會好主觀 ^^

聲最靚:      克勤,Eason,基仔
假音最佳:   基仔,Eason,克勤
高音最佳:   克勤,基仔,Eason
低音最佳:   克勤,Eason (基仔吾得)
現場演繹:   克勤,Eason,基仔(克勤係好穩陣,你吾駛諗住聽到佢有甩拖)
演繹技巧:   Eason,克勤,基仔
台風:         Eason,克勤,基仔

[ Last edited by 高師傅 on 2005-6-11 at 10:28 AM ]

好好人人

基仔最勁

oleleo

好中意e d 有建設性ge topic~好難得今次冇人太過偏激!!!!希望到最後唔係一個罵戰la~~

我睇法係三個都唱得好好...可以話e+個樂壇最掂果3個男歌手
但係講中意我俾較中意基仔同e神多d~因為克勤把聲比較"娘"...唔知係咪因為佢出道係80's ge關係...始終我唔係果個年代ge人~
三個黎講~
聲最靚=克勤
現場演繹=e神
而基仔可以話兩樣都有，但係未去到克勤同eason 個水平

分析克勤-
優點:靚聲、零瑕疵、有後台(如tvb 或者 阿倫)、形象健康
缺點:唱歌欠缺感情、歌路窄、為人甚囂、執著於零瑕疵、唱歌冇激昂感覺、唱歌有d娘
基仔可以俾邊首歌佢:大雄
eason可以俾邊首歌佢:冇 (我翻查返eason all song, 發現冇一首岩佢唱，因為只要首歌係eason 的，注入左eason 獨特ge個人風格，如果俾左克勤唱都未必唱得好，舉個例"給愛麗斯"OR"k歌之王"OR"謝謝濃"，俾左克勤唱ge話會好怪....
現場演釋: 可聽性(*****)、可觀性(**)
總結: 克勤唱歌好聽，但歌路一直冇變過(覺唔覺得佢D歌聽落開始悶)，唱歌又唔夠放，年紀又漸長...可能唱多兩年可以去到學友個境界(即係俾人稱"神"，但係响樂壇已經 冇咩發展GE空間)。

分析E神-
優點:唱歌感情豐富，歌路廣，演場演釋效果更佳，夠潮
缺點:沙喉、冇咩後台、有時會神神化化(近年生左個女之後正常左D)...把聲唔夠輕柔(如克勤GE"飛花"，我諗E神會唱得好怪...)
基仔可以俾邊首歌佢:羅馬假期(基仔唱得好好，如果俾E神唱應該有另一個效果，都會好好聽)
克勤可以俾邊首歌佢:VICTORY(如果E神唱得放D+鬼馬GE演場演釋，首歌效果會好好)
現場演釋: 可聽性(****)、可觀性(*****)
總結: E神仲後生，如果E+係樂壇已經有咁GE地位，應該仲有排做...但係自從佢老豆單野之後，人氣已經削弱左唔少，同埋始終幫佢做歌果班人唔同左(如陳輝楊唔見左)...能唔能夠有以前GE成績都係未知之數。

分析E神-
優點:比較平均GE一個，鋼柔並重，有唱腔有演釋(但未及克勤的唱腔及E神現場演釋技巧)，有觀眾緣，人氣最旺一個；有龐大GE內地市場。有間好GE經理人公司，形象健康。
缺點:感情用事(有時應該要控制下情緒)
E神可以俾邊首歌佢:明年今日，SHALL WE TALK( 類似E D 我諗基仔都可以唱到)
克勤可以俾邊首歌佢:告別校園時
現場演釋: 可聽性(***1/2)、可觀性(****)
總結:毫無而問...基仔係三個裡面最受歡迎男歌手...睇佢E+賣碟成績同演唱會票房就知LA...佢有亦鋼亦柔GE唱腔~但係當然，有克勤唱得禁細膩同冇E神唱得禁實在LA~我只可以講...佢係最平均果個!!!!

樂壇渣Fit人

轉入音樂區
dr兄幫我攪掂佢
唔該