[轉貼] 愛可以改變一個人?

tlkwan

你相信愛可以改變一個人嗎? Hold 住先... 唔洗咁快答住, 諗真D先! 又或者等我俾D提示你先! 哪! 你有冇試過同你男友講, 你可唔可以戒煙, 你可唔可以唔好飲酒? 你可唔可以為左我地既將來, 有上進心D! 又或者可唔可以去完廁所沖廁同埋拎起個廁所板先呢?! 而那邊廂, 男仕們, 你又可曾試過叫你女友唔好再買咁多野, 儲起D錢為將來著想! 可唔可以唔好著得咁性感出街? 可唔可以化妝唔好化咁耐, 咁咪可以準時d囉! 等等... 好啦! 依家可以答啦! 咁你係咪相唔相信 "愛可以改變一個人呢" ? 就算哩一刻你唔信都好, 你都應該只少曾經相信過囉! 而令到你唔再相信, 好大原因係你失敗過, 失過手!! 則係佢應承過你會改, 但係改到一排之後又變本加厲! 跟住有d似曾相識既對白又會出現... 譬如: "你話過會改架!" "我都冇話唔改, 但係你都要俾D時間我先得!" "你識我果時我都係咁架啦!" "你連少少野都改唔到, 你唔愛我啦!" 你唔愛我啦?????? 愛係可以改變一個人, 但係千祈唔好誤會, 如果佢改唔到既話, 係並唔等於佢唔愛你既! 愛與唔愛係在於佢有冇嘗試改, 而唔係佢改唔改到! 佢改唔到, 只係代表佢渣而唔係佢唔愛你! 請繼續相信"愛可以改變一個人"只不過哩個"愛"既意思唔係佢有幾愛你! 而係你有幾愛佢! 你越愛佢, 就會越改變到自已對佢既睇法, 自自然就會越接受到佢係一個有缺點但係你愛的人!

都市日報

1# tlkwan
的確，兩個人響埋一齊之後可以互補長短，但吾需要為咗愛而去改變對方，更重要係要學會包容^^
學會體貼對方~

體貼的人很隨和，不會帶給人壓力，對你很體貼，且具有同情心。
體貼是一種同理心，一種快樂，一種幸福。設身處地為人著想，無形中拉近人與人的距離.。
《傷愛叛侶》