娛樂滿紛 26FUN - Powered by Discuz! Board

標題: 【好文區之友報到處】 [打印本頁]

作者: neptune1122 時間: 2005-8-3 11:13 PM 標題: 【好文區之友報到處】

【報到處】

成立目的
提供一個地方使本區之友可以自我介紹俾大家認識
此舉同時方便同好板友間之聯繫
而版主亦會對該新成員的簡介進行加分
加 0~6分 (視回覆質素而定)

申請資格
- 凡於註冊會籍七日後,
- 發帖數一百或以上, 並
- 在本區發過主題或回應

符合上述要求可到這裏留言

板主建議之自我介紹內容格式
- 喜歡看什麼書, 有何看書心得 / 好書推介
- 有沒有因此獲得任何人生體會
- 你對文學的認知
- 其他補充

[ Last edited by neptune1122 on 2005-8-4 at 10:35 PM ]

作者: 樂壇渣Fit人 時間: 2005-8-3 11:26 PM

您地做乜唔用pm呀

另外個idea都可以既
最好d人可以好似sport板咁
詳細講下自己睇書既習慣同埋心得
仲有係呢到既體會

咁呢個post先有價值
整完之後可以做個summary
整個「才子亭」都好喎

有野pm我啦

作者: invisible 時間: 2005-8-3 11:32 PM

嘻嘻
我又黎混番幾分走先

呢度既人叫我做煙仔/InIn
今年會考，而家等緊放榜~~click this--->會考要準備什麼呢
通常一放工九點至十點度就上EF看帖
我最喜歡看白先勇寫的台北人和陶傑寫的專欄散文，看完他寫的有時真的令我會心微笑
平日鐘意看書、打籃球等等
最喜歡的歌手是孫燕姿<~~就黎係香港開演唱會，好期待！！

我分人無乜點，只要人不犯我，我不犯人
大家係好文區呢度咁和諧既地方交流下意見
千祈唔好學左某些無謂人咁係度爆粗
否則後果自負:cool::cool:

自己期望可以順利考上大學醫科
而我又十分嚮往英國或者法國無憂無慮的生活
又或者到紐西蘭或者土耳其的風景(嘻嘻，係咪好崇洋呢！)
但我係絕對支持祖國邁向富強，以及打到日本軍國主義
最係祝大家生活愉快
多謝！

作者: 樂壇渣Fit人 時間: 2005-8-3 11:34 PM

好

最好您自己 / 搵個活躍會員做個版先
咁其他人先識點做

你可以參考下sport板o個個

作者: hoho886 時間: 2005-8-3 11:50 PM

等我介紹下自己

姓名叫hoho886 ,咁叫我 hoho /好好啦

性別一定係男
我仲係一個學生

我通常online既時間都係下午開始到12:00到啦
而放假就,由朝頭早10點幾到12點幾
不過有時會好小,得兩/三個小時

而我既嗜好/興趣就係得閒打下波,打下機,上網,聽歌,行街,食野等等
而上網而家最多時間都係上26FUN,呢到真係好,有唔同既可以睇到,有野可以問
同埋仲可以分享下d野,所以每日開機,都係上26FUN.

而我對自己既期望,就係對自己好d,當然讀好d書 ,考好d,最好唔好咁辛苦

而我既人生觀就係做咩野都做到最好,對人好d,唔好咩野都咁計較

而我係26FUN多數就係吹水板同旅遊板,係吹水板可以講好多野...幾開心

作者: Charcoal_henry 時間: 2005-8-4 12:18 AM

我係一個精壯既男人~ 可以話係學生, 又可以話係工作者~
我無時無刻都會online, 無咩特別唔online既時間~ 可能凌晨四點至早上十一點唔online啦~
我唔係好鍾意睇書, 因為我無咩追看既incentive~ 但係我都會read下d短篇又發人深省既故事, eg 心靈chicken soup~ 其實我又會read o下英文書~ 通常都係novel啦~

我平時都係鍾意打波, 游水, 上網, 有陣時會自己寫下評論(中英文都會, for 自己睇返jie~)~
我乜都鍾意講架! 足球啦! 籃球啦! 女啦! 無聊野啦! 時事啦!........

我對於香港市民同埋香港政府都好無好感.......
市民盲目反政府, 所有野都話要維護公眾利益, 其實都係為一己私利, 到其他人有問題既時候其他市民又會無咩聲出~ 尤其是係部份立法會議員.....唯恐天下不亂, 總之我覺得好多市民同議員都唔係咁considerate, 我指係對社會風氣同埋d政府官員!
不過政府都唔好得几多, 話增加透明度, 尊重公眾, 但係都係得個講字! 問左之後都係用返自己既plan去做野.....加上d局長成日口不擇言, eg, 以前既葉xxx, 廖xx..... 唔應該講既都講埋, 咁咪無彎轉囉!

我好想做一個能夠o係社會做事有使命感, 有承擔, 有光榮感覺既人!

我既ideal life 係簡單, 舒服, 自由, 幸福, 健康~ 哈~~~~~~

講完!~~~~~~~~~~~~

作者: fatfatdragon 時間: 2005-8-4 12:33 AM

有得玩, 我都要報到.

名稱 : 太多啦, 不能一一盡數. 通常好多人會叫我肥仔 (睇我頭像就知, 不過我唔喺姓死嘅

). 以前我一入嚟26fun, 因為鍾意用大鐡人18做頭像, 所以曾經叫自己做肥鐡人.  不過自從好文茶館開檔之後, 我就改咗過新外號叫, 好文區茶客 - 冰鮮潛龍™

頭像 : 自己睇, 常用有三個 (特別多謝幫我做頭像的大大)

性別 : 100% 男

年齡 : 23 + n  (23畢業之後 n 年, 點睇 n 都唔會細)

住址 : 人間死城 (身在人間中, 何處見人煙 !)

剛由香港移居人間死城. 生活在調整之中. 未有工作. 之前曾經在中港工作多年.

online 時間 (潛龍昇天時間) : 暫時會長時間 online. 遲d返工就會正常, 不過可能會在香港時間早上見我多d.

嗜好 : 飲茶(現在很少...), 吹水, 睇書, 打機, 上綱

做人"中"指 :  之前工作太辛苦啦. 在事業, 家庭和自己生活上都平衡得唔喺太好. 現在只希望有一個穩定的生活, 同喜歡的人快樂地一起生活.  最好就是 -- 悠閒快樂, 笑看人生

在好文區當然要講喜歡睇什麼書. 其實我睇書好雜, 只要是好文/書, 就算唔出名的作家都會睇.
最喜歡當然是武俠小說. 金庸, 古龍, 溫瑞安, 黃易會是首選, 現實社會好難快意恩仇, 唯有寄情書裡故事
古典名著就最喜歡三國演義, 隋唐演義, 封神演義和征東征西. 中國人一定要對自己文化有一定認識. 古典名著是其中一種反映. 不可不看.
小說散文/隨筆就曾經追過李敏 (比較隨意, 而且作者處世的心態和我有些相近; 另外, 作者早期的男女情愛小說都很吸引) 和畢華流 (早年的校園散文作家, 我覺得作者算很有才華, 文筆很好, 但內容可能比較平淡, 新一輩未必喜歡) 的書.
不過近年多咗睇啲人生哲理的書. 以前睇唔明, 現在多咗人生經驗, 共鳴感會多d.

心得 : 我覺得睇好文, 未必可以馬上因此而對人生(包括性格)有所改變; 但是我認為睇書睇好文就好像下雨一樣, 慢慢流進水庫, 點滴積聚, 在要用的時候就會見其之好.
雖然很老土, 但我深信一句話 - 書到用時方恨少. 現在有時間一定要多看以達兼收並蓄之用.

對好文區的印象 : 當然是很好啦

. 沒有太多爭吵. 友善交流. 整體是非常之好.
不過都要講一下, 對於一些在好文區出文[轉貼]也好[原創]也好的兄弟姊妹, 其他會員多些的留言支持是非常重要. 如果版主也留言支持, 效果可能更妙.

少少補充: 我好鍾意玩IQ題同要用腦的話題. 所以好支持好文區的 "對聯棧一棧"; 希望以後多d類似專題, 好像猜字, 猜燈謎... (已經在意見區提出

).

[ Last edited by fatfatdragon on 2005-8-4 at 01:07 AM ]

圖片附件: lobo copy.jpg (2005-8-4 12:33 AM, 25 KB) / 下載次數 0
http://www.26fun.com/bbs/attachment.php?aid=492376&k=8557bb881f29b3334f073c40f7eb8b45&t=1714278634&sid=4c80g4

圖片附件: cyan copy.jpg (2005-8-4 12:33 AM, 31.3 KB) / 下載次數 0
http://www.26fun.com/bbs/attachment.php?aid=492377&k=9175c5d99d2210492d6587a653d4f19b&t=1714278634&sid=4c80g4

圖片附件: RX copy.jpg (2005-8-4 12:33 AM, 24.4 KB) / 下載次數 0
http://www.26fun.com/bbs/attachment.php?aid=492378&k=91e5f94b3eabafb9f3dac3b16912679e&t=1714278634&sid=4c80g4

作者: will213 時間: 2005-8-4 10:36 AM

各位好!! 我亦想報到下先

小弟名稱 : will213.. 金庸老前輩最不肖弟子

性別 : MALE

年齡 : 30 啦

住址 : 同老婆住+父母

頭像 : 小弟與夫人盼望能練成九陰真經

嗜好 : 上26FUN, 睡覺 , 睇書(漫畫+小說), 打PS2

依板主介紹

- 喜歡看什麼書, 有何看書心得 / 好書推介
小弟最愛金庸的作品尤其是天龍八部+鹿鼎記, 其他則是天文地理,歷史雜誌
天龍八部應是金庸14天書中門派, 武功最多, 人物最廣泛, 英雄最多......
鹿鼎記應是金庸14天書中最好笑, 最近似辦公室的作品

心得: 看小說一定要投入(比如看鹿鼎記時, 小弟會將小寶化為梁朝偉...),
看資料的書, 必須看自己有興趣的內容, 從而點滴積聚自己的知識

- 有沒有因此獲得任何人生體會
都有! 看到一些好文,如親情文章, 看到亦會有共鳴.
最近, 我在好文區中一篇"天下最不能等待的事情莫過於孝敬父母", 看過後亦深深體會到無論你多有權多有錢, 父母是用什麼也買不到..

- 你對文學的認知
小弟由中學到大學再到工作, 都主修理科, 對文學的認知真的是幼稚園學生般

- 其他補充
小弟希望板主, 多弄一些有關文學上的講座 (對聯入門, 經典的成語, 典故, 史經.....)
另外, 好文貼上, 好少人去回應, 亦令貼者有D失望

作者: wanmankit 時間: 2005-8-4 09:43 PM

雖然我唔係呢度常客，但係有得玩我都要玩下^^

我個名:比其他人叫下叫下就出左好多名，有kit,傑,傑仔,傑少,kit仔，搞笑王子(之前係笑板成日出post而得此名)
頭像:依家用緊呢個，仲有個大頭狗gif,好cute^^
性別:100%男，唔好記錯...
年齡:1x
住址:地球某一處
online時間:成日都會，睇果日得唔得閒...
愛好:睇書，上網，打機，黎26fun

喜歡看什麼書, 有何看書心得 / 好書推介
我對於金庸既武俠小說冇咩興趣，唔知點解呢???我平時最鐘意睇運動小說，其次係資料性雜誌~運動小說又可以學多種運動，又刺激，一舉多得～

心得:睇書最緊要係要搵自己有興趣既黎睇，同埋多少少聯想，咁睇書都可以變做睇電視咁樣係你腦內有一幅幅圖畫顯現^^

有沒有因此獲得任何人生體會
有時睇到一d親情同可憐既文章，我心入面都覺得應該要珍惜每樣野，唔係到失去時就後悔莫及了

你對文學的認知
我年紀尚輕，除左老師教果陣睇過文學作品，就冇咩認識，大家多多指教呀^^

其他補充
希望板主可以做d文章比賽，等多d原創文章出現，等我地可以切磋一下
希望我篇文可以快d打完，post上黎比大家睇下啦...

作者: abcde1918 時間: 2005-8-6 03:20 PM

等我黎同大家介紹下自己先
我個名:有人叫我做abC,abcd,1918,不過人地叫我做咩,我都唔介意
頭像:一個勇者,不過我之前的頭像係林伯特
性別:男,不過記錯咗都唔緊要

年齡:16歲,係咪好年輕呢
住址: HK(香港)
嗜好: 踼球,玩26fun,睇歷史書

喜歡看什麼書, 有何看書心得 / 好書推介
小弟最愛睇一D關於中國歷史的書藉,小弟在校內的中史成績都唔錯,
我個人推介的書藉就係三國演義,因為三國演義D內容不但好精彩,又可以認識三國人物

心得 : 其實都冇咩心得,不過你溫書一定唔可以死記,我個人就會溫一兩個鐘頭書,然後出去打下球,唔洗搞到自己咁辛苦

對好文區的印象 :非常好,因為第一個加我的區,就係好文區,
而且我經常黎這區欣賞文章,如果得閒,都會貼D文章被大家欣賞

你對文學的認知:我對文學的認識一般,遲D有大把幾會接觸文學

其他補充:我想板主岀下謎語被大家猜,我都好喜歡玩下謎語

作者: wer 時間: 2005-8-22 10:12 AM

我又玩
我個名:wer,超級馬貝利迷,非常支持阿仙奴的人
頭像:共有四個,第一個是列文和韋拉,第二個是法比加斯,第三個是埃米爾球場,最近用呢個
性別:鐘意叫我男又好,女又好
年齡:差一年就係成人
住址:hk某一處
嗜好:玩26fun,play soccer
喜歡看什麼書, 有何看書心得 / 好書推介
我比較喜歡看一D有趣&搞笑的生活小品,如果內容符合我年齡就更好,另外我也非常愛看歷史書
我個人推介的是[十三歲的深秋],是講述是一個十三歲的女子,所遇到的感情事,從而悟出真理
心得:承上文,溫書要死記的比不死記多,要將兩者運用恰可,先可以做得比以往更好,溫完書後去打波,好可能返來全部唔記得,我就會聽下十五分鐘音樂,鬆下神經
對好文區印象:唔錯,板內氣氛和諧,但有時稍謙太靜
你對文學的認知:我對文學的認識一般,希望和各位好文區板友切縒一下,增加認識
其他補充:希望出更多討論post,從而帶起氣氛

作者: 手田水 時間: 2005-8-26 12:39 PM

我鍾意睇下啲運動書.我有睇開空手道(因為我係學空手道的)其他運動書都有睇.睇手球和足球的書.兒家好少睇啦...
我覺得睇書係好講興趣的..如果唔係你都一唔會想睇.選擇書本最重要就這點
我個人喜歡的是;剛柔流空手道教範山口剛玄著';想學空手道的睇下都幾好
睇書其實可以打發時間.人生在書中可以學到很多的知識.睇書係百利而無一害的...
對文學真係不大認識..應該是金庸的最為出名的話!!!!~~~>.

作者: CHECSS 時間: 2005-10-17 06:43 PM

姓名叫CHECSS , call me CH
喜歡看什麼書:三國演義 , 關於三國演義的書 , 孫子 , 射雕英雄傳 , 倚天屠龍記　and 鹿鼎記

有沒有因此獲得任何人生體會:none
你對文學的認知 : none

作者: 151515 時間: 2005-11-27 01:49 PM

我是新人，叫李若嬋，今年十二．住在沙田．一中學生也．
喜歡看什麼書：三國演義，歷史書
有沒有因此獲得任何人生體會：無
喜歡的人物：貂嬋
你對文學的認知 :沒有
愛好:睇書，上網，打機，黎26fun

作者: ilumiho 時間: 2006-1-2 01:57 AM

我是新人 ! 叫顯ㄟ ~ 今年23歲住在台灣 !
我喜歡看文學的作品 ~ 也不分哪一種文學作品 ~
只要是不錯的我都會看 ! 哲理或是愛情或是文學小說我都喜歡看 ~
喜歡的文學家有很多 !
例如寫小說的金庸也很喜歡 ! 我有看過他的作品真的不錯 ~ 以前小時候還會看很多書籍 ! 心理方面的也很不錯也很喜歡 !
國外方面的就更廣了 ! 音樂文學作品就很多了 ~ 之前學校的選修課也會去學習一些東西 !
現在有對中國千年的易經研究有學習 !
所以對文學的認知多多少少有興趣 ~
我的愛好就是常常看電視 ~ 從一些對白去找作者 ~ 從作者去找他的作品 ~ 這樣的話能學到很多很多不一樣的東西 ^ ^
希望我也能夠加入大家的行列 ^ ^
謝謝各位 ~~~

作者: scan71800 時間: 2008-1-30 08:49 PM

- 自我介紹
  我是新人..剛來到..叫我KING5926 對維修很有興趣..若有任何東西故障可傳我..
  一定盡所能告知..其他除了上網..極少嗜好..住台灣..中學後就開始人生歷練..
  書讀的不多..看別人寫文很欣賞..很崇拜..就將..謝謝

- 喜歡看什麼書, 有何看書心得 / 好書推介
  喜歡上網看小說..一般書籍倒是沒研究..所以很慚愧無法介紹經典的給大家

- 有沒有因此獲得任何人生體會
  20幾年的人生..是乎也沒有得到太多的體驗..只覺得人要追求的東西很多
  好像這輩子都無法去完成..時代變得太快.而腳步又顯得慵懶..越來越疲倦..

- 你對文學的認知
  說文學倒是不敢..沒這個成就..只能就看看小說還有一點反應...就是還能理會啦..

- 其他補充
  看到這分版內的文章..感覺都還不錯..作者蠻用心..能吸引很多愛看文章的同好..

[ Last edited by scan71800 on 2008-1-30 at 08:57 PM ]

作者: Lee3 時間: 2009-5-25 06:30 AM

- 自我介紹
我是頑童區的常客，沒有什麽文筆，只有一點點的小聰明

- 喜歡看什麼書, 有何看書心得 / 好書推介
書，要看廣，我是推介太平廣記，聊齋，1984，Brave New World, 外加 Nietzsche, Descartes

- 有沒有因此獲得任何人生體會
我是覺得簡單就是美，如果不用太長就不要太長

- 你對文學的認知
中文古時，現代詩是我的專攻
英文的話，看很廣，不過哲學，心理學，生物學，物理都有一點點地接觸

- 其他補充
請到我的post 寫一寫讀後感，那是我final的功課，編寫自己的作品
http://www.26fun.com/bbs/thread-203115-1-1.html

作者: osfvtsn 時間: 2016-4-28 10:33 PM

看过必回，人品超好！

{site} {site} {site} {site} {sitemap}

歡迎光臨娛樂滿紛 26FUN (http://www.26fun.com/bbs/)