bakchoi2003

大陸古裝劇氾濫，《延禧攻略》、《如懿傳》等攻陷全國，早前就有指內地認為呢類劇集對社會風氣造成不良影響，所以國家廣播電視總局一度推出「限古令」！雖然係咁，但網友其實依然對多位主角嘅古裝扮相為之心動，近日發起「古裝四美」投票，正當大家都以為係「古裝天后」、剛生B嘅劉詩詩會拎冠軍，點知……已經係長江後浪推前浪！

投票結果最後係由前女團SNH48成員、被籲為「中國4000年一遇美女」嘅24歲女星鞠婧禕拎咗第一名，佢喺《新白娘子傳奇》中古裝扮相清新脫俗，被網友狂讚仙氣逼人，最後以58.3萬的高人氣奪冠。亞軍則係新版《倚天屠龍記》嘅「最美趙敏」陳鈺琪奪得，人氣高漲。

至於第三名，就係童星出身、主演《香蜜沉沉燼如霜》嘅楊紫；而「古裝天后」劉詩詩則成為梗頸四，真係可惜。第五到十名分別為唐嫣、趙麗穎、楊冪、Angelababy等。