Kian76

Originally posted by abc123aa at 2006-3-26 12:50 PM:

少睇意甲,邊個黎?真係好勁嫁?

帕爾馬隊長，冇記錯係25定27歲喇，右翼，短少精幹速度快，突破力強(絕少插花)，有一點遠射能力，而且左中右度度都可見倒佢，出波準，總之就好勁，昨晚佢在一次在中場中間一個人扭足四個國米球員，係連續兩輪國米雙人夾擊俾佢連扭兩次，但好可惜及後傳俾哥拿迪又俾呢個前場中堅浪費左。

我實在難以想像祖雲達斯加入了他的話會有幾強。

Kian76

Originally posted by abc123aa at 2006-3-26 01:20 PM:

國米輸返3-4場左右就夠了

輸兩場就夠羅馬過，三場就夠埋費倫。(因為羅馬會KO費倫，哈哈！！)

Kian76

Originally posted by abc123aa at 2006-3-26 01:20 PM:

祖記已經買左佢嫁喇?

己經簽左合約下季自由轉會。

Kian76

Originally posted by abc123aa at 2006-3-26 01:29 PM:

哇~賺晒啦祖記

係呀，祖記又唔使錢拾好野喇，雖然羅馬今季d新兵都賺到喊，近乎全部唔使錢，哈哈！！而且羅馬更打算賣走古科、朗達添，呢兩個自由轉會過黎既球員，哈哈！！淨賺！！！

我既估計：

米杜：650萬鎊。
古科：大約300萬歐元。
朗達：3-400萬歐元。

Kian76

Originally posted by abc123aa at 2006-3-27 12:18 AM:
打埋歐聯賺得仲多~到時有本錢買人啦~帕爾馬果個森比斯奧好似都幾好呀,幾有入球能力,成日聽到佢個名~

以一個防守中場黎講，佢係非常強勁攻擊力的了，冇記錯佢己經入左9球。

Kian76

Originally posted by abc123aa at 2006-3-27 12:25 AM:
睇見羅馬d賽事冇正前鋒真係好似唔識入波咁,但係有時竟然可以係咁靠中場入波,吹唔脹

係，勁無奈，其實我有好幾個人選想羅馬引入，如帕爾馬的前天才中堅，現職右閘的邦利拿，如果佢能加入羅馬，咁羅馬既後防調動就會鬆好多，變化更多，我到而家都忘記唔倒佢以前在布雷西亞踢中堅時既天才演出。若捷禾真的離隊，他將會是絕佳之選。

仲有就係巴勒莫陣中的巴朗尼，若然針唔倒大衛比沙路，巴朗尼會是絕佳選擇。

但還有一個球員，一個被意大利人違忘了的人：馬利斯卡，若他能離開西維爾加盟羅馬，咁就實在太Good喇！！！佢一定會係一個非常出色既中場發電機，連握接前中後場的重要樞縷，聽講佢在西維爾被西班牙人排擠，咁就真係希望羅馬有留意過佢啦！！

Kian76

Originally posted by abc123aa at 2006-3-27 12:38 AM:
咁羅馬係唔係真係借左贊古奴夫斯基?@@"

好似係，所以左路球員基本上可以唔使再擔心引入。而家係要著手引入真正識入波既前鋒殺手和偏右的球員，當然一直尋找中的中路派牌角色都要物色啦，雖然而家有阿基蘭尼做呢個工作，但老實講我想要個仲更加有經驗的球員。阿基蘭尼再成熟少少先擔正啦。

Kian76

Originally posted by 羅馬小子 at 2006-3-27 02:02 AM:
馬利斯卡的確好好波...
佢好似話係西維爾唔開心呀...

梗係啦，西班牙人一向睇意大利人唔順眼，而家d唔扺得馬利斯卡勁過佢地既西班牙球員就向上級抗議，再出馬利斯卡就罷踢wor！！！真係頂佢。咁唔開心，黎羅馬踢好過啦！！哈哈！！

Kian76

Originally posted by 羅馬小子 at 2006-3-28 12:15 AM:

如果佢過黎拍迪羅斯同柏路達一家會有好好效果
希望羅馬諗諗佢啦!!!

老實講我夢想係連派洛達都換走埋，哈哈！！做後備，加入埋巴朗尼代替派洛達就Good爆喇！！

夢想羅馬：(紅字新人)

門將：當尼/古斯

右閘：保禾 中堅：美錫斯 中堅：捷禾(佢離隊的話就邦利拿) 左閘：贊古奴夫斯基

右翼：文仙尼 防中：迪羅斯 防中：馬利斯卡 防中：巴朗尼

前鋒：雲尼斯杜萊 輔鋒：托迪

Kian76

Originally posted by Kian76 at 2006-3-28 12:56 AM:


老實講我夢想係連派洛達都換走埋...

當然如果係以成功機會黎講，我諗會咁：

門將：當尼/古斯

右閘：保禾 中堅：美錫斯 中堅：捷禾 左閘：古菲

右翼：文仙尼 防中：派洛達 防中：迪羅斯 左翼：贊古奴夫斯基

前鋒：伊亞昆達 輔鋒：托迪