[愛情診療室] 講左個大話，然後出事喇，好自責！！！

Kian76

2007-06-21 21:35:29


話說我7月1日約左我鐘意既女仔出街食飯興祝我升職啦，咁我搵幾個佢識得既人一齊去，但因為上次五人行，多出左一個男仔出黎，佢又唔識做地走埋過黎三人行~~~so今次我冇叫到佢去~~~~可能我小家吧~~~


咁今日佢問我有邊個去，咁我講左其餘兩個，佢又問咁o個個男仔呢？我就答佢話佢唔去，但點知佢地今日傾過兩句計，個男仔答話會去，跟住佢叫我俾個男仔電話佢去對質，我就局住大佢咁俾左，我己經特登同個男仔打眼色，但個男仔一講野就篤爆左我~~~~話我根本冇叫過佢去~~~~



跟住就俾我鐘意既女仔鬧我喇~~~~話我點做攪手架之類，最憎人厄自己，跟住不停講不停講講左一大堆野之後，個男仔就走左，跟住佢就繼續鬧我，話我講大話厄佢，跟住又話寧願聽倒我同個男仔夾好晒咁厄佢都好過而家咁監介~~~


跟住我tum番佢啦，之後佢打番電話黎，又再提起呢件事，問我係咪o個d成日講大話厄佢冇乜安全感既人黎，我話唔係，佢就話都唔知我講左幾多大話厄佢，跟住又話我口口聲聲話鐘意佢，但就厄佢~~~~話佢d朋友都唔會咁，話好地地食餐飯都攪到咁，仲話而家攪到好似係佢錯咁，但都冇人話係佢錯，擺明係我錯啦~~~跟住叫我反省下先打俾佢~~~收線~~~~



跟住過多一陣我打番俾佢，佢隔離有線話一陣打番俾我~~~



唔知點解好大罪惡感~~~~好後悔講左呢個大話~~~~


咁我而家應該點做好？？我係咪好衰呀？？

[ Last edited by Kian76 on 2007-6-23 at 11:34 PM ]

Kian76

2007-06-21 21:48:30


不過佢搵o個個男仔既時候講：

我係kian o個個xxx呀，想問你xxxxxx

當時其實聽倒佢咁形容自己都幾開心，但之後係死刑~~~唉~~~~


2007-06-21 21:58:55


頭先佢仲話點解佢最唔鐘意我做既野我做足晒~~~~呀！！好頭痛呀！！我究竟做錯左乜呀？？？？我諗黎諗去，都唔知自己係做錯左乜~~~~除左講大話之外，之前仲做錯左乜？？好驚佢會就咁嬲左我~~


2007-06-22 00:05:38


我其實send左sms俾佢道歉架喇，但佢都冇打番俾我~~~sosad~~~

我真係好錯呀！！！唉~~~~~！！！我另一個錯係事先冇同佢講定請個男frd食飯！！如果我講左，佢就應該會幫我講大話。唉~~失策~~


我諗住隔一日再搵佢。俾佢冷靜下先。


2007-06-23 21:50:39


唉，雖然只是相隔了兩日，但她還是在嬲我，我己不知道可以做甚麼了~~~~


昨日send了兩個sms俾佢，第一個暗示我會買乜野俾佢，問佢鐘意乜野顏色，第二個係叫佢嬲完既話就打番俾我。跟手又忍唔住打左兩次電話俾佢，但佢都冇聽到~~~~


但佢6點幾回左一次sms，話佢鐘意黑色，然後一句：但又關乜野事呢講大話的人，亨！


我昨晚開始決定將我每一日既行蹤以msn offline msg形式當日記咁send去話佢知，昨日同埋今日都有send，希望佢會明白我既心意。


今日中午出左去搵佢，但又見唔倒佢下send左一個sms話佢知去左搵佢見唔倒佢，跟住6點幾用133打左個電話俾佢，佢聽左，我同佢講我買左喇，跟住佢話番屋企打番俾我~~~~我8點幾又打多次電話俾佢，都係133，佢聽左，但一聽就話：唔得閒遲d打俾你bye.....收線~~~~



而家真係好灰~~~~我唔知仲可以做d乜野令佢原諒我，定係我應該放手，等佢打番俾我為止？？？？


2007-06-23 21:56:10


呢件事其實係好大件事黎，我最錯係講大話，咁小事都對佢講大話，我真係好差！！！！


我唔鐘意另一個男仔去，咪應該照直講囉，點解我要講大話去話個男仔唔去？？我真係好錯！！！！好狗！！！！


而家想補救會不會太遲？？？我既印象分己扣了很多了吧？？？

Kian76

點算？？自由神，各路兄弟們，救命呀！！！

〥～灝～〥

你而家做咩都冇用"佢係嬲你就嬲你架啦...
比佢冷靜下先啦....

自由神

Originally posted by Kian76 at 2007-6-23 11:34 PM:
點算？？自由神，各路兄弟們，救命呀！！！

指名要我？

講真呀！佢咁嬲，你唔覺得開心咩？
所謂恨之深，愛之切
如果你對佢黎講係普通人一個既話，你覺得佢會唔會有咁大反應呢？

講真呀！
呢件事可能反映左你仲未係正式男友
不過確定既係，你係考緊牌
佢想睇清楚呀！你明唔明？

你而家後悔你當日呃佢無用嫁！
你唔呃都呃左啦
佢小題大做嫁緊呀！

佢而家淨係避左你
你覺得自己send幾多sms都無用
打幾多電話都無用
不過佢係睇到同知道你做緊咩嫁！

小心諗清楚
佢想要既係咩
佢想你做既係咩
唔好做錯呀！
衰左無嫁啦！

Kian76

Originally posted by 〥～灝～〥 at 2007-6-23 11:47 PM:
你而家做咩都冇用"佢係嬲你就嬲你架啦...
比佢冷靜下先啦....

即係唔好搵佢一排？

Kian76

Originally posted by 自由神 at 2007-6-24 12:14 AM:

自由神

佢想要既........救命呀！！即係點呀？？我應該放開手嗎？？放鬆幾日？？

specificness

Originally posted by Kian76 at 2007-6-24 12:23 AM:

佢想要既........救命呀！！即係點呀？？我應該放開手嗎？？放鬆幾日？？

如果自由神兄估得對，你喺度考緊牌，咁我覺得佢想要既係睇到你既誠意。佢可能因為仲有度火未下，唔想搵你或同你講野，但不等如你既sms、msn、email佢收唔到同睇唔到。佢未想見你的話就唔好強迫佢，但同時要比佢知，你唔係放棄左佢。唔好同以上的辦法去轟炸佢，佢會覺得你好討厭；但係，在適當的時候用以上方法表示關心，表達你的誠意與承諾，佢下左度火之後，自然會搵返你。萬一咁唔好彩佢覺得同你唔得（touch wood），起碼佢應該都唔會因為咁樣討厭你。

希望幫到你。

Kian76

Originally posted by specificness at 2007-6-24 09:23 AM:


如果自由神兄估得對，你喺度考緊牌，咁我覺得佢想要既係睇到你既誠意。佢可能因為仲有度火未下，唔想搵你或同你講野，但不等如你既sms、msn、email佢收唔到同睇唔到。佢未想見你的話就唔好強迫佢，但同時要比佢知，你唔係放棄左佢。唔好同以上的辦法去轟炸佢，佢會覺得你好討厭；但係，在適當的時候用以上方法表示關心，表達你的誠意與承諾，佢下左度火之後，自然會搵返你。萬一咁唔好彩佢覺得同你唔得（touch wood），起碼佢應該都唔會因為咁樣討厭你。

希望幫到你。

唔該晒你呀，我決定今日同聽日都唔搵佢，聽晚先send個慰問sms俾佢，而我會繼續用offline msg 話佢知我每日既行程，我諗咁樣唔會太煩瓜？？

自由神

Originally posted by specificness at 2007-6-24 09:23 AM:


如果自由神兄估得對，你喺度考緊...

講真呀！
我都係估嫁咋
估錯既話，Kian兄都真係凍過水啦！