amdintel

我無睇全篇報導，到底個報導有無講明原因？如果無就又一不負責任傳媒，嘩眾取寵之傑作，如果有講原因就係又一個人講佢又講，講野唔經大腦，唔思考唔分析，將事情原因統一化，玩上綱上線，用一堆空話當理由，將自己平日積累的怨氣借故爆出黎o既例子。有睇全遍報導的可以講清楚d嗎？淨睇youtube段片唔諗過就下定論係唔係快左d呢？

amdintel

真真假假係唔係咁重要呢？有運動員為金牌食藥，有學生為成績出貓，有議員為選票撒謊，美國為石油打伊拉克屈人有大殺傷力武器，當全人類係傻仔，點解中國奧運開幕為左美觀為左讓各位睇得開心而做d野就比人鬧成咁？又點解無人講西班牙射箭點聖火作假？各位係唔係雙重標準？定係所謂愛之深責之切？亦或係逢中必插？定係崇洋心理發作？

各位需要明白一事實，中國開放只有三十年，現時領導班子平均都有六十歲，仲有班所謂'退下來'的更加係七十幾八十歲，即係話係佢地三四十歲時先開始慢慢了解世界係點，要佢地完全理解並接受當今世界概念係非常難，而家能做到咁樣已經係非常不容易，我估(純屬估下)小胡同家寶而家有d事係需要同班'退下來'商議的，所以有d決策在全世界賴睇係唔知點解o既。各位猛咁話佢地乜乜物物，其實就好似話緊一班六十至八十幾歲老人唔了解而家世界係點，但考慮到佢地背景，呢個現象係唔係可以理解，並給予包容呢？

任何事情發展都有過程，中國無論概念及行為思考模式上都需要時間去發展，我就睇到中國確實係進步緊o勒，作為中國人，比d時間中國好唔好？老人家學玩psp都要學耐d啦

amdintel

終於又係發展到對與錯的時候，橫惦得閒同你玩下
按閣下思路，凡係做假野就係錯啦係咪？咁女人隆胸係錯，男人食偉哥係錯，醫生同個只有五個月命就死o既病人講佢仲有五年命等佢開心過埋佢係錯，呢d全部都要'強烈指責'，唔使考慮做假出發點，唔使諗點解要做假，唔理做假人背景原因，就只要係假o既就要'強烈指責'，咁乜野係white lies？怕且唔駛中譯啦

按閣下思路，閣下係呢個互聯網虛擬假o既世界裡面都好累，日日強烈指責自己上網喎

十分讚同奧運開幕係一個騷，o係個騷到做視覺效果係無可厚非，各位睇演唱會都好多效果啦，如果又要話奧運有幾神聖做假係錯，咁又只有講你太有才啦!