<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
後來李雄去世 , 由侄子李班繼位 , 卻係喪禮中為李雄長子李越所殺 ,
後由李雄另一個兒子李期登基稱帝 ... 李期本想誅殺大伯一支既李玝以絕後患 ,
又由怕為人所恥 , 就下令由大將李壽下手 , 李壽則勸李玝投奔東晉 ,
既解國主之憂 , 又可救堂侄一命

後來 , 出現李班舅舅勾結漢王(李壽)國相造反 , 可見李期同李壽之間己出現矛盾
但李壽統兵在外  不好對付 , 就先血腥清洗建國主力既流民大族 ...
而李壽亦怕李期會害佢 , 就以東晉威脅 , 一直避免回朝覲見 , 李期就人監示佢 ,
李壽見再此下去 , 最終都會被害死 , 就直接舉兵 "清君側"

李壽攻入成都後 , 縱兵搶掠  癈李期為縣公 , 後來李期自殺 ,
李壽又諸殺李雄一脈 , 並以自己 "漢王" 封號 , 改國號為漢 ...
此時大伯  李雄兩脈斷絕 , 流民大族之前己被打壓 , 統治層己經只李壽自己一脈
下面由流民大族  川蜀大族  南中豪帥治理地方 , 而事實上漢國建立 ,
其實依賴川蜀大族支持 , 但佢地卻勸告李壽向東晉稱藩 , 希望為東晉立功 ...

李壽於是將國內寬鬆法律加以收緊 , 以威權統治 ; 又分割南中各郡  派軍隊駐守
令川蜀大族  南中豪帥不滿 ... 李壽在位5年去世 , 兒子李勢繼位 ,
因應否立皇太弟一事 , 殺左建言既川蜀大族解思明 , 就流放左自己弟弟李廣 ,
令到統治層  管理層皆離心離德 , 最後為東晉桓溫所滅

https://www.bilibili.com/video/BV1KX4y1g7Ec
本帖最後由 迦樓羅女王 於 2021-6-9 03:08 PM 編輯

技術分析 : 唐77之秘密絕技--延遲傳球

其實應該好多人都己經知道 , 唐77之所以打得出驚艷既數據同帶隊能力 ,
就係同 "慢" 字訣有關 ...
(上年小弟就做過一篇 , 源自同一UP主--追追熊講 唐77 "慢" 字訣既影片
果次係主要係講慢字訣進攻 , 係點為自己及隊友創造機會 :
https://www.filter-004.hk/viewthread.php?tid=29313242&feedback=0&num=15 )

今次主要係想講唐77既助攻魔法 ...
唔知大家睇波有無同UP主有同一樣既疑問 , 就係點解唐77往往助攻既波 ,
都係超級無敵大空檔 ...
而且 , 無論係籃底定係三分線外 , 呢 D空位都唔係跑出黎 , 而係一早係度
一早就係度喎 , 點解對方仲會守唔到???!!!

主要秘密就係四隻大字之上--延遲傳球 ...
同倭I既延遲突破一樣 , 係點持球者係運球途中突然一下延遲 ,
等再次起動果陣 , 防守者反而會反應唔切 ...
延遲傳球係持球者係傳球途中突然一下延遲 , 令防守者向左錯誤方向補防

呢個技術既成功 , 一部份原因係因為好多球隊會包來唐77 ...
咁可以肯定 , 唐77既隊友都係處於三守四底下 , 咁基本上係一定要補防既
部份區域甚至會出現一守二情況 ...
呢種情況下 , 唐77只要做一個小動作假傳 , 防守者就係撲過去補防 ,
因為佢一守二 , 本來就企係兩人中間 , 唔提前追防就會防唔切 ,
結果就比唐77呃左 , 傳左比剩返果個 ...

最後 , 可以加強 "延遲傳球" 威力既 , 就係頭部假動作 ...
其實佢本身就係加強版既NO LOOK PASS , 但佢唔只係NO LOOK咁簡單
移係刻意望去錯誤既傳球方向 ;
更加錦上添花既係 , 佢係做足投球姿勢下 , 都仲可以突然傳做助攻 ...

https://www.youtube.com/watch?v=FpDmK10kv44&t=323s
正如杜月笙所言 : "黑社會就好似尿壺 , 急尿果陣覺得你好重要 ,
痾完就嫌你污糟低下 , 見都唔想見你一眼 ... 所以一有機會就要黑轉白"

我基本同意杜月笙所言 ...
但同時 , 轉左白就係轉左白 , 黑社會既空位自然有人填補 ,
當你轉左白 , 再想落返場做黑社會 , 己經唔可行 ... 不過若成功轉左白
咁你出錢就可以拉 , 黑社會本身唔會同錢作對 !!!
突發奇想 : 晉朝之所以成為統一王朝中 "最頹" 一個 , 原因原來如此 ...
我好史之人 , 經常得晉朝係統一王朝中 "最頹" 一個 , 事實上也的確如此 ,
傳統講法係司馬一族 , 只要玩陰謀  不善治國 , 倒行逆施  BABABABABA
但事實真相係咪咁既呢???

其實我也可以反過來睇 ...
大家可以唸唸 , 其他統一王朝係統一之初 , 又點解會有 "新朝氣像" 呢???
講到底就係兩隻字-- "暴力" !!!
中國王朝衰亡既主流原因(唔計秦隋呢 D短命王朝) , 其實都因為土地兼併 ,
加上官紳勾結 , 搞到收唔到稅 ... 上無財政支持 , 下人民不滿 ,
自然土崩瓦解

而無論前朝係咪因為呢個原因 , 新朝係以軍事力量掃蕩群雄之後 ,
就會有足夠武力 , 去做平分地權  嚴格收稅既新政 ... 新政其實要武力支持
腐敗王朝都唔係一味腐敗 , 唔想改革 ;
而係由基層官員就開始腐敗 , 成個架構都係貪官 , 你想改革既話 ,
一來上行不會下效 , 二來你就會變成 "犯眾憎" , 好快就會比群臣搞下台 ,
貪官  豪紳從來都只怕鐵拳 !!!

即使係劉秀  李淵呢 D有地方豪紳支持既新政權 , 因為打死左好多地方群雄
利益係瓜分完比其地方集團後 , 都仲有資源做利民政策 ...
但晉朝就完全唔同 , 佢係整個曹魏國內既世族共主 , 佢篡位成功 ,
與世族支持脫不了關係 ; 而世族支持 , 亦只係因為佢會鞏固世族既利益 ...
咁試問佢又怎可能 , 去發動新政呢???
兄弟婊
<一笑>亂倫
請教一下 : 姐妹們係點對付老公/男友身邊D "兄弟婊" ???
我意思就係果 D , 係男人面前/表面上同你老公稱兄道弟 ,
但其實成日字裡行間卻 "婊裡婊氣" ...

就好似你老公宣布左求婚成功 , 佢表面出文祝賀你地 ,
但言辭間 , 卻係度強調佢自己同你老公有幾經歷 ,
又話你老公次次都想幫佢出頭 ; 反而係佢 , 怕你老公太衝動
係佢先銜得住佢 ... 順帶話你老公好識照顧人TIM

之後 , 又UP左一大堆你老公既所謂缺點 , 好似污糟  大男人
... 總之講到佢好了解你老公咁 ,
仲要話 : "多謝你接收左佢" ... 好似你老公本來係佢既咁 ,
佢自己嫁左人先質比你咁 ^.^"
後唐  後晉  後漢 ... 點解五代連續三朝 , 皆龍興於河東???
唔知大家有無同我一樣既疑問???

首先 , 我地都知後唐 > 後晉 > 後漢 > 後周 >北宋 ,
都係有重要既連貫關係 ... 後晉開國之君 , 係後唐之大將 ;
後漢開國之君 , 係後晉之大將 , 如此類推 ...

要講既話 , 呢個由後唐開始既統治集團 , 就叫 "代北集團"
雖然如此 , 但代北集團統一北方後 , 大將都己經散佈全國 ,
如杜重威  李守貞等等 , 個個都係重量級大將 ,
點解咁岩得咁橋 , 之後兩次改朝換代 , 都係由河東發起???

其實就算到郭威起兵 , 都仲有一個劉崇係河東頑抗 ,
而且佢仲唔似杜重威  李守貞咁好快被皮 , 而係一直到北宋
太宗朝先收到佢皮 ...
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。