<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
附圖討論 : 秦漢盛而魏晉衰 , 隋唐盛而宋衰至明清 , 全因氣侯影響???

其實小弟都有聽過 , 明清中國衰落同小冰期有關 , 不過就無深究到話 ,
將中國5000年歷史都一齊睇 ...

下面附左一張中國5000年大概既氣溫走勢圖 , 大至係夏商為溫暖期 >
西周為小冰期 > 春秋至東漢為溫暖期 > 魏晉南北朝為小冰期 >
隋唐為溫暖期 > 北宋之後一直係小冰期 ... 只有南宋一段時間接近現代
而現代岩岩好 , 大概係5000年來既平均溫度 ...

唔計史料太少既夏商  西周 , 可以好明顯咁睇到 , 每次溫暖期既中國 ,
都係呈上升趨勢 ; 相反 , 每次小冰期都係中國既低谷期 ...

其實部份例子 , 甚至有更具體既解釋 , 就好似魏晉小冰期咁 ,
氣溫下降 , 農牧分界線向南遷移左幾百公里 ...
根本上呢個時期 , 整個華北都係係農牧分界線以北 ; 相反原先蒙古草原
反而就係遊牧生態下 , 都顯得太冷 , 呢個先係五胡亂華主因

同樣邏輯之下 , 係秦漢  隋唐兩個中原盛世既溫暖期 ,
農牧分界線向北遷移 , 連漠南都變得適合耕種 , 農業帝國影響自然擴大
... 相反到左宋代 , 農牧分界線又再次向南遷移 ,
所以雖然宋代經濟發達 , 但論政治/軍事影響力都係最為內縮一個 ...

同樣 , 氣候變遷一樣可以解釋絲路盛衰 ...
係溫暖期全球整體變暖  多雨 , 絲路沿途可佈滿綠州 , 其實補充非常容易
但係小冰期既絲路就會變得乾罕  冰冷 , 再行絲路就變成極地求生 !!!

[I MG]http://pic1.arkoo.com/bjmmgj/picture/o_1eavv66h95bnnqavdi1j0b14sm5o.jpg[/IMG]
講真 , 閔大人都幾危險 ... 一下唔小心 , 真係比佢CHOK硬左, 都真係幾尷尬

當然 ... 但 "環境決定論" 既意思 , 就係佢同軍事/政治/經濟決策 ,
產生既共同結果 ...


咁係咪係溫暖期 , 國家/王朝就唔一定唔會敗亡???
當然唔係 , 可以見到秦朝  隋朝就係其中表表者 , 但問題係兩朝敗亡後
又迎來漢朝  唐朝 , 岩岩又符合返溫暖期/小冰期既周期 ...


當然 , 國家/王朝既敗亡係一定多原因既 , 但既然同氣侯周期如此一致 ,
咁我地唔係更應該思考 , 呢D原因同氣侯周期有無咩關係咩???


如軍事上北方民族既壓力  經濟上既南遷 , 只有呢 D原因同政治決策 ,
一齊產生結果先有真正既歷史出現 ... 而好明顯 ,
係傳統歷史研究中 , 氣候問題從來係被忽視一方 , 而唔可能係你所講咁
係被過度解讀 ...
本帖最後由 迦樓羅女王 於 2021-8-20 06:43 PM 編輯



小弟岩岩睇左少少阿富汗歷史 ...

E+既人講阿富汗近代史 , 幾乎都係由反蘇戰爭開始講 ,
不過既然本POST本身就係講1970年代既阿富汗 , 咁作為背景資料
我覺得比較合由一二戰開始講 ...

基本上 , 阿富汗係19世紀幾乎都係英俄 "大搏奕" 既棋子 ,
去到19世紀末 , 阿富汗己經成為英國保護國 ...
但因為一戰英國自顧不暇 , 阿富汗就取回獨立既地位 , 一直到二戰後
1955年阿富汗正式投向親蘇陣營 , 但到1963年開始 ,
又係親蘇基礎下 , 進行相對中立既政策 , 最終係1973年為首相奪權 ,
成立共和國(有人認為係蘇聯支持)

有趣既係 , 共和國建立後反而清除親蘇官員 , 直接影響到人民黨政變以及後來蘇軍既駐 ...
本帖最後由 迦樓羅女王 於 2021-8-23 04:00 PM 編輯

https://www.youtube.com/watch?v=RanaR1k7FnY
美國係點打殘歐元?話你知,科索沃戰爭幕後既驚世原因!

首先提一提大家 , "科索沃戰爭" 同搞到南斯拉夫分裂既 "波斯尼亞戰爭" 係兩回事 ...
"科索沃戰爭" 係1999年 , 南斯拉夫分裂到只剩塞爾維亞  黑山之後 ,
一次科索沃地區(係塞爾維亞境內)爭取獨立既戰爭 ...

事實上當時 , 塞爾維亞同科索沃獨立武裝時有武裝衝突 , 相對比之下 ,
其實係科索沃獨立武裝更加臭名昭彰 ... 其實就包括 , 非常著名既人體器官販賣 ^.^"
後來係某地區發現45名阿族人死體(科索沃就係阿爾巴尼亞人搞獨立) ,
結果係歐安組織專家都無法確定 , 死者係因戰鬥還是處決而死下 ,
美國就將其定性為 "種族滅絕" , 開始轟炸南聯盟 , 快速擴大 "科索沃戰爭" ...

有無人唸過 , 點解更加臭名昭彰  血案累累既科索沃獨立武裝 , 由91年做壞事到99年
美國一直選擇性失明 , 係到99年都反而向南聯盟開刀???
因為當年歐元正式使用 , 而且初頭勢頭良好 ...
事實上自歐元一推出 , 好多其他國家都一度打算調整其外匯儲傋政策 ,
而如果要以歐元為儲備 , 其實就肯定要先賣出美元吐現 ...

大家而知道 , 美國既經濟霸權 , 其實就係源自於美元霸權 , 只有美元霸權地位穩固下 ,
美國印銀紙先會有財富增量 , 否則只會帶來國內通貨澎脹 ...
簡單而言 , 美元霸權係美國既絕對生命線 , 所以體現到美國軍事上 ,
就係資本只要敢離開美元體系 , 美軍就會出去殺人放火 , 搞到其他貨幣跌落十八層地獄
等你地乖乖回流到美元體系 ...
而巴爾幹多民族  多宗教 , 人權問題從來都不缺 , 就算一下子無人權問題 ,
正義既美軍都會幫你創造出來 ... 除左危機本身 , 美軍仲係領住北約去打 ,
結果軍費開支 , 就令到所有參戰國家 , 政府至少出現4%赤字 , 嚴重打擊歐元既權威 ...
結果美國係打擊歐元既同時 , 又繼續扮演人權衛士 ...

其實美國之前一直針對俄羅斯 , 道理都係一樣 , 如果歐盟同俄羅斯關係搞得好 ,
兩者經濟加大相依程度 , 歐元既地位必然更高 , 對美元威脅就更大 ...
美國自然至少明面上唔可以自己搞歐洲盟友 , 但搞你呢個 "獨裁大國" 俄羅斯就無問題勒
... 咁點解歐洲又會同俄羅斯緊張???
原因得一個 : 北約 ... 北約一個由歐洲國家組成, 但由美國領導既軍事組織

直接 D講 , 以北約名義駐係歐洲既美軍 , 名義係保護歐洲  對抗俄羅斯 ,
但事實上更加有壓制歐盟崛起 , 以及想擺脫美國既意願 ...
尤其歐盟既實際主導者德國 , 至今都仍然有美軍駐扎 , 呢個亦係點解代表歐盟懟美國 ,
懟得最果個會係法國 , 人地屋企無美軍麻 ...
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。