<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
慕容家族崛興史--前燕帝國 : 慕容  宇文  段部三國志 !!!

小弟係呢度 , 就唔特別講鮮卑人早期歷史勒 , 慕容部既崛起 ,
其實係同司馬懿征遼東  出征高句麗有關 ...
但後來 , 無論同宇文部對戰  吞併夫余國 , 都係西晉朝庭干預下 ,
被強行拉回原形 ...

慕容部只能一邊有限度吸收漢文化 , 一邊俘虜夫余  賣比西晉為奴
慢慢壯大 ...
慕容廆係咁既情況下 , 兩次打敗宇文部入侵 , 但同時因為幽州王浚
因想自立為王 , 大力拉攏段部 , 段部一下子就成為遼西公 ,
成為東方三部鮮卑既最強大者 ...

不過因為幽州王浚割據 , 加上遼西及附近地區 ,
己經為慕容  宇文  段部三部佔領 , 遼東己經不為西晉實際管治 ,
開始形成小軍閥  部落混戰 ... 慕容部借機為西晉平亂 ,
吞併左北半個遼東地區 , 合併軍隊  放走平民 ...
同時王浚與段部鬧矛頭 , 又吞左段部部份地區 , 甚至因為西晉戰亂
有中原人口投奔遼東 ...

不久 , 係石勒 KO 王浚之前 , 王浚領土大部份為段部控制 ...
又成為三部中首強既段部 , 因為首領去世 , 段部因為內鬥一分為二
王浚領土又為石虎所吞併 ...
呢個時候 , 東晉名義上係南半遼東地區既長官 , 想聯同宇文  段部
以及高句麗 , 瓜分慕容部領土 ...
但因為段部  高句麗退兵 , 慕容部打敗並吸納左宇文部士率 ,
遼東地區長官見此 , 立即逃亡高句麗 , 慕容部亦吞併南半遼東地區

後趙政權見此 , 就聯合宇文部進攻慕容部 , 但慕容部己今非昔比 ,
反過來打敗宇文部 ...

https://www.bilibili.com/video/BV1qQ4y1Z7rV
https://www.bilibili.com/video/BV1ch411U7QY
好奇一問 : 係板甲之前 , 其實係用咩盔甲???
小弟最近睇左一個科學系UP主既影片 , 佢話板甲係世界盔甲史既頂峰 ,
而係呢個頂峰之前 , 其實宋代既紮甲就係頂峰 ...
而且就係因為 , 蒙古人吸收宋代既紮甲 , 係蒙古可以大殺西方既主因之一
而西方又係係蒙古紮甲既基礎上 , 先發展到板甲 !!!

(提一提 , 係之前既歐洲其實係用開鎖子甲既)

講到呢度 , 小弟有一個基礎問題 , 想問清楚 ... 其實咩野係紮甲??? ^.^"

以小弟所理解 , 早期如果漢代既盔甲其實係魚鱗甲  片狀甲 ,
若無記錯既話 , 所謂既明光凱 , 其實就係係魚鱗甲  片狀甲既基礎之上 ,
再加上胸甲 ... 咁紮甲呢???

北亞遊牧民族  中東 , 乃至印度  東南亞又係用開咩甲???
本帖最後由 迦樓羅女王 於 2021-7-10 07:51 PM 編輯

係慕容廆將慕容部提升到東北霸主後 , 但慕容廆去世後 ,
新君慕容皝與諸兄弟內鬥 , 其庶兄慕容翰投奔段部 ,
其弟慕容仁起兵作亂 ...

段部趁慕容部內亂 , 趁機來攻 , 結果係慕容翰欺騙之下 ,
放棄左大好機會 ...
之後 , 慕容仁先係求東晉冊封一事 , 敗給了慕容皝 ;
又被慕容皝暗殺左宇文部  段部使者 , 使得三方同盟失敗

慕容皝借此時機 , 橫過結冰既渤海 , 直接偷襲慕容仁基地
加上之前平亂被俘既慕容軍反水 , 慕容仁被殺 ,
慕容部又重新統一 ...

https://www.bilibili.com/video/BV1fK4y1d76P
本帖最後由 迦樓羅女王 於 2021-7-12 11:50 AM 編輯

係慕容皝打敗慕容仁 , 重新統一遼東之後 , 好快就聯合後趙瓜分左段部 ,
就正正因為咁 , 慕容部同後趙就馬上爆發矛盾 ...

係度要先科普一下 , 遼西走廊係古代可算係軍事上既惡夢 ,
其主要有兩條通道 , 北方既山路盧龍道 , 本身就係行軍既惡夢 ;
南方既沿海傍海道 , 係夏天又會暴雨成災 , 不能通行 ...
所以一方面外族好難由東北入侵中原 , 但中原對東北用兵亦頗為困難 ...

係呢個基礎之下 , 慕容皝只要係盧龍道佈防 ,
就可以一邊阻擋後趙 , 一邊吞併周邊勢力 , 但估唔到石虎反策慕容部內部
結果共三十六城叛變 , 甚至都城都變孤城 ...
但後趙軍係連攻數月後 , 稍為後退收整 , 卻馬上為慕容恪衝鋒衝散 ,
後趙軍大敗 , 僅石閔一支完整地撤回後趙 , 成為兩人後來成為國柱既起點

石虎為左消滅慕容部一方面資助高句麗  一方面派麻秋接管己降既段部 ,
以更有效安排東北防線 ... 結果咁又變段部後悔投降 ,
聯合慕容恪夾擊麻秋 , 麻秋大敗 , 慕容部進一步擴展領土 ...
石虎為左防範慕容部 , 一方面遷走遼西百姓  建立無人區 , 以免其走傍海道
一方面係盧龍道置重兵把守 ...

但慕容恪卻大膽兜過防線 , 以被包夾既風險 , 破壞左後趙再次北伐既基礎 ,
又搶左唔少物資  人口回國 , 慕容部短期內可以安心擴張 ...
慕容皝之後先攻入高句麗首都 , 搶物資  人口回國 , 又燒毀大量建築 ,
以確保不會再比高句麗捅屁股 ...
之後又借己投奔宇文部既慕容翰 , 帶來大量既情報 , 而一舉吞併埋宇文部

https://www.bilibili.com/video/BV1z64y1d73H
揭秘 !!! 德國 "閃擊戰" 成功背後既支柱 !!!

對於德國二戰 "閃擊戰" 既戰績 , 如一個月取波蘭  39日取法國  5日取荷蘭等 ,
可以話戰績非常驚人 !!!

好多人對 "閃擊戰" 就係一個快字 , 用機動化部隊快速推進 ...
但事實上 , "閃擊戰" 係實際上運作起來 , 第一個出動既就係空軍 , 再來係炮兵
一開始就打殘敵軍既本來防線 , 先再用機動化部隊收割一波 ,
最後係步兵進行駐守等善後工作 ...

所以德國 "閃擊戰" 成功背後 , 除左機動化部隊既先進優勢外 ,
領空權都係一大重要版塊 ... "閃擊戰" 一開始時 , 往往就係由空軍炸左機場先 ,
再來就係指揮部  軍工廠等 , 另外陸軍一有咩作戰困難 ,
就會由空軍炸佢一炸 ... 可以話陸軍既戰功 , 其實有一半應該放入空軍軍功冊上

二戰歐洲戰場中 , 西線既反攻優勢 , 就係基於美國戰機戰力 ,
根本不下於德國戰機 ... 只要失敗制空權 , 陸軍被虐既 , 就會變成係德軍自己

https://www.youtube.com/watch?v=lHtN8E3Vxpg
唸唸下 ... 可能呢個先係秦朝敗亡既真正原因 !!!
大家都知道秦國軍隊 , 係好明顯既戰國頂級既存在 ,
擁有咁強大軍隊既秦國 , 點解又會係僅僅統一後既15年就滅亡呢???
戰國時都可以KO六國拉 , 點解統一後反而唔掂???

小弟最近有個逆向想法 ... 秦朝之亡 , 就係亡於佢既強軍政策 !!!

大家都知道秦國係當時最 "軍國主義" 國家 , 行有獎有罰既 "軍功制"
以軍功方式確保左社會流動性 , 甚至係無軍功不能封侯 ...
可以話秦國上上下下 , 都係圍繞戰爭機器而建造 ,
但正正因為咁 , 係統一之後  一個非戰爭先係常態既環境 ,
咁仲點維持落去???

一向秦軍戰力之強大 , 同 "軍功制" 既鼓勵絕對密不可分 ,
一旦 "軍功制" 不再適用 , 唔單止秦軍既戰鬥動機會下降 , 事實上係
連整個故秦地區既社會流動性都停埋 !!!

秦朝雖然統一六國  癈除封建制度 , 但係新既任官  社會流動制度 ,
其實仲未成形 ... 但秦兵/秦人就肉眼可見咁 ,
失去左佢地一向習以常既晉升通道 , 呢個先係秦國再不能鎮壓起事 ,
快速亡敗既真正原因 !!!
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。