<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
儒家--士族  道教--平民  佛教--胡人 ... 談中古各宗教既背後勢力

最近係一個視頻度睇到 , 日本佛道  神道教既分別興盛時期 ,
其實同政治有好大關係 ... 於是小弟就唸下 , 係中國古代既各方宗教 ,
又係咪有各自既背後勢力呢???

對於儒家同士族既關係 , 之前出過 POST , 所以今次唔特別講勒 ...
後來我唸一唸 , 發現由反秦起義之後 ,
由太平道既黃巾 , 五斗米道既張魯  孫恩 ... 基本上係儒道釋合流前
幾乎所有民變都係假借道教之名 !!!

事實上 , 非道教既反秦起義  六鎮起義  反隋起義 ,
基本上 , 其實係六國復國運動  漢化矛盾 , 以楊廣因想擺脫關隴集團 ,
而玩死自己 ... 都唔係純粹既平民起義

"道" 最早係一種對世界運行既解釋 , 其中係春秋戰國時 ,
有知識份子將 "道" 既概念 , 引入治國理念之中 , 即係我們口中既道家
道家係漢初一度成為學術主流 , 但自武帝 "獨尊儒術" 之後 ,
道家係學術界再無生長土壤 , 因而轉入民間 ...

因為 "道" 原本就係就係用來描述自然規律 , 而相對於係高門之中長大
成長於五經學說既士來講 , 平民更多面對自然界既問題 ,
以道教就同平民一拍即合 , 成為民間主流

而佛教既傳入 , 就基本完全同五胡亂華有關 ...
要知道五胡亂華之初既劉淵 , 可能話係一個徹底漢化 / 儒家化既匈奴人
甚至佢係打住 "復興漢室" 既旗號在運作 , 其班底與其話係胡人 ,
不如話係反晉聯盟 ...

不過 , 劉淵呢種政治立場並無咩卵用 ...
可能因為上百年被漢人壓迫既恩怨 , 胡人軍隊的確表現得比較殘暴 ,
劉淵既政治立場 , 好快就被胡漢對立既情況掩蓋 ,
以儒家學說為統治理論基礎唔再可行 , 何況儒家有 "尊王攘夷" 一說呢

所以自石勒開始 , 各胡人君主都以佛教 , 去建立自己既統治理論 ,
如以佛偈所講既 "眾生皆平等" 去淡化胡漢之別 ;
用佛教既出世觀念 , 去減低漢人對現世社會既不滿 ... 而呢一種方法 ,
一直去到北魏都係主流做法 !!!
我唸唸下 , 覺得 E兄講法非常有問題 ...

現南斯拉夫語支 , 就係得塞爾維亞  克羅地亞  斯洛文尼亞  波斯尼亞
馬其鈍 , 以及人口少到幾乎可以忽略不計既黑山(60萬) ...
(註 : 係語族分類上 , 我見到保加利亞語都係屬南斯拉夫語 ,
不過無論保加利亞自己 , 定其他各南斯拉夫民族 , 都唔當佢係南斯拉夫)

如果 E兄話計埋克羅地亞先有70%以上 , 咁咪即係單單一個斯洛文尼亞 ,
己經約25%以上??? 唸下都知無可能拉 ...
70%以上 , 係指波斯尼亞人  馬其鈍人被分化之前既塞爾維亞人 ,
而克羅地亞人同塞爾維亞人既敵對 , 甚至可以追源到前近代既冷兵器時代
又點可能劃成比南斯拉夫更細分既民族???
[全時政,非娛樂]以為趙薇係衰辱華?話你知,趙薇同資本既關係!
聲明 : 本帖除 "趙薇" 算係明星外 , 內容全為時政內容 , 尤甚係國內資本既討論 , 希望版主唔好移其他區

係咁既 , 唔計阿富汗問題既討論 , 近日最有熱度既新聞 , 我唸都應該係 "趙薇事件" ... 咁岩得咁橋 , 小弟之前算對國內超大卡明星 , 同幕後資本既關係頗有興趣 , 所以以本人之前係FB既兩小段分享作引旨 , 希望大家可以討論一下 , "明星事件" 背後同資本土(甚至黑錢) , 以及國內巨企既財政把戲一併作討論 :
===============================================
趙薇事件岩岩發生 , 衝出來評論 , 翻車機會頗高 ... 不過 , 今次呢個熱度 , 我都係想蹭一蹭
.
跳出趙薇事件 , 再之前既 "天價片酬" 事件 , 就好多野值得留意 ... 其實真正敏銳既人會知道 , "天價片酬" 唔係盲目追捧流量可以解釋 ; 之前係部份國內知性型UP主講過 , 好多 "天價片酬" 之後 , 明星一方會向支薪方作一個價碼都頗豐既反向投資 ... 至於係咩原因 , 小弟唔係好清楚拉 ^.^
.
趙薇素有 "內娛股神" 之稱 , 係YOUTUBE搜 "資本" "趙薇" 兩組關鍵字 , 都己經有大把解說影片 ... 小弟暫時傾向睇下有咩後繼 , 但基本肯定同 "旭日旗著上身" 事件關係不大

========================================================
========================================================
小弟無追開財經,但岩岩先知趙薇夫妻,係阿里巴巴第二大股東;而第一大股東係日本企業(好似係日本前首富孫正義既集團)。。。咁馬雲呢?我不禁唸起兩隻字--代持

至於話因為孫正義既關係,唸到趙薇勾結日寇,我只能說想像力太豐富,而且強行附會20年既軍旗事件

===============================================

小弟自問對財經圈知知甚少 , 但今次事件 , 我覺得對國內商界 , 包括部份巨企有千絲萬縷既關係 , 如果各位大大有咩更深入既見解 , 希望可以不要倫惜 , 請賜求賜教一下小弟 !!!
氣溫再高2度,世界就完蛋了嗎?話你知,"氣候變暖"騙局既真相!
"氣溫再高兩度 , 世界就會完蛋" 我唸好多同本人差唔多大既網友 ,
大概係中學階段 , 就大量接收呢一類信息 ...
佢地話 , 氣溫再高兩度既 , 北極就會大溶冰  , 水位會上升  淹沒大量城市
之後大量物種死亡 , 地球整個生態被摧毀 , BABABA ... 世界就會完蛋 !!!
講到世界從來未試過咁熱 , 但事實係咪咁???

我可以好直接咁答你 : 完 . 全 . 唔 . 係 !!!

無錯 , 係近100年歷史 , 氣溫係係不斷上升狀態 , 但E+遠唔係史上最熱
... 有部份朋友可能聽過 "明清小冰期" 既個名詞 ,
意思係中國歷史中既明清兩朝 , 都係人類史上其中一個低溫期 ,
而事實上 , 係人類歷史上己經經歷過 , 好多溫暖期 / 低溫期既循環周期 ,
而咁岩係整個近代史 , 其實都係係呢個低溫期之中 ...
直到近100年氣溫之開始回升 !!!

今時今日既氣溫 , 只能算歷史平均再稍高少少 , 但中國歷史上 ,
對上既兩個溫暖期 , 其實就係稱為中華盛世既--秦漢  以及  隋唐時期 !!!
氣溫仲要比E+高幾度 , 咁你估當時有無環保之士口中既 "末世天劫" ???

而且 , 氣候變暖其實對唔少國家其實係有利 , 當中就包括中國 ...
因為係上一個降溫期 , 北方氣溫同降雨下降 , 令到北方生產力大幅下降 ,
先出現E+我地見到山西  陝西  河北等貧瘠景象 ...
如果氣候回升 , 其實中國既可發展地(包括可耕地) , 以糧食都會大幅上升
甚至連綠化帶等碳中和來源 , 都可以巨幅提升 !!!
咁當然 , 比我地更開心既 , 就係我地既近鄰 , 北極熊拉 ^.^

所以 "氣候變暖" 根本就係一個騙局 , 而呢個騙局既最大意義 ,
就係限制發展中國家發展工業 ... 而且 , 要知道己發展國家既人均碳排放
其實係我地既好幾倍 !!!
唔知咁算唔算自己廣告呢??? ^.^小弟係10年前左右 , 曾經出過一系列 , 由 穆罕默德 到近代既伊斯蘭政治極簡史 ,
其中就係一篇係講近代阿富汗 ...


如果大家覺得內容還可以 , 又想睇下該系列其他作品 , 可以睇下呢條LINK :
我都係 "螞蟻事件" 後 , 先知馬雲唔係好人 ...E+又有呢單趙薇 , 唸返下 , 前ALIPAY香港代言人 李佳芯 撐黃單事
可能都未必唔會完全無關係 ...

(PS : 2019
多謝泛兄既分享 !!!

其實第一條片 , 小弟暫時只睇左前半 , 對馬雲既背景亦唔了解 ,
但覺得佢講得太陰謀論 , 太多野係安排好晒 ...
佢話馬雲係鄉村教師時係比美國睇中 , 看好佢既人脈 ... 但果陣時喎
馬雲有咩人脈呢??? ^.^"

我覺得正確次序係 :
馬雲己經轉投商界 , 但仲係無名士 > 去左去美國既小商戶交流團 >
學左一些美國商業技術 > 回國經商初步成功 >
美國商界見佢有潛質 , 開始聯絡佢 > 係美商支持 , 再進一步成功

咁樣 , 話馬雲係 "漁翁撒網式" 既成果 , 比一開始就睇中佢合理好多
而且得罪講句 , 我雖然覺得中國近年發展比美國好好多 ,
但係中國要成為頭部企業 , 我完全唔覺得可以全靠外力支持 ...
所謂 "無鬼唔死得人" , 內部一樣有某些派系支持 !!!

就好似佢提到既俄羅斯寡頭等 ... 佢地都唔係歐美扶植出來 ,
係葉利欽時代為私有化 , 強行將公營產業獨立成公司 , 再分比寡頭們
... 不過 , 後來普京大戰寡頭 , 係寡頭背後有西方支持 ,
小弟之前就無唸到 , 呢點我非常認同
"人脈都實力既部份" ... 好人將呢一句理解為 "朝中有人好辦事" , 係某某個仔所以可以身居高位 ... 但其實好多情況係 , 佢既人脈本身 , 真係幫助到佢既工作 , 打個比方 , 可能幾個合作方佢都有識人 , 咁至少係接洽上既機會就多左先 ... 而對於老闆而言 , 唯一準則就係你做唔做到野 , 而你做到野係咪因為人脈 , WHO FXXX CARES???!!!

.

上面得個口講唔夠具體 , E+個具體既 ... 幾年前大台有個節目係<最佳男主角> , 一時間搞到黎芷珊好出名 , 但坦白講句 ... 呢條橋好新奇咩??? 唸 , 其實係人都會唸到 , 問題係 ... 你請唔請得郁???!!! 呢 D咪 "人脈都實力既部份" 羅 !!!
有云 "中國改朝換代 , 乃換一姓人做皇帝" ... 真的這樣嗎???

"中國改朝換代 , 乃換一姓人做皇帝" ...
應該係我等80後年輕聽過既言論 , 其實都幾奇怪 , 因為即使係清朝
都早係1911年就己經滅亡 , 距離我地己經有百年之久 ,
我地何必百年前既事覺得自己好落後???

回到主題 ... 小弟呢一句可以斷句為兩部份 :
"中國" 以及 "改朝換代 , 乃換一姓人做皇帝" ... 前者係針對中國
後者係描述事實 , 講真其實無咩好反駁~~

但既然全句有針對 "中國" 既部份 , 我地又睇下中國又同其他國家 ,
其實有咩分別???

因為今次講既係 "改朝換代" ,
就不納入伊朗地區 波斯 > 安息 > 新波斯 既由帝國取代帝國既例子

而以小弟理解 , 唔計越南  朝鮮呢 D照抄中國模式既國家 ,
而係帝國內部有 "改朝換代" 既國家 ,
最多人知既恐怕都係英國  法國  德國等西方國家 ... 當中既英國 ,
自征服者威廉之後所謂既 "改朝換代" , 其實都只係男性無嗣 ,
轉為由身為外國貴族既女性旁支後繼任任 ,
係轉承上根本無斷過 ...

法國既 "改朝換代" 大至同英國相同 , 只係由外國貴族既女性旁支 ,
變成國內貴族既旁支 ...

德國前身神羅既 "選帝候" 大家都知拉 , 神羅本身就係輕散既國家 ,
"改朝換代" 由基本係選帝侯決定 , 但可以肯既係 ,
英法德所謂既改朝換代 , 對國家既上下層建築 , 其實無咩大換變 ...

相反 , 睇返中國既 "改朝換代" 又係咩樣???
首先講漢取代秦 ... 話就話 "漢承秦制" , 但漢朝其實係以功臣集團
完全取代左秦朝既朝庭官員 , 係法  稅等都有好大程度改變 ,
加上後來既察舉制 , 都係完全唔同秦朝 ...

到左隋唐之際 , 雖然我之前都一直笑稱 , 係關隴集團內部一次換老板
但李淵點都係實打實咁 , 將個江山打返黎架 ,
係由自己軍閥時期既骨幹 , 主導返新王朝既朝庭 ...

後來元 > 明 > 清 , 基本都係以新勢力 , 完全取代舊勢力既形式更替
相反西方王朝 , 先更加係 "改朝換代 , 乃換一姓人做皇帝" 而矣 ...
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。