<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
想問一下 , 盾牌係古代戰爭係非常常用嗎???
講到盾牌歷史 , 我知一定有人講羅馬既 "龜甲陣" ...
但除左羅馬 , 盾牌係古代戰爭係係咪真係咁常用???

以至少以我所知 , 係板甲時代基本係唔駛用盾牌 ,
就算要用都係無得著板甲既人 ...

如果咁講 , 即係板甲--火器時代 , 盾牌就開始被淘汰
而且 ... 感覺上 , 中國古代好似並唔係太重視盾牌 ...
今川義元三國名將
復國史
三國名將成名戰列表 :
我知大家都好鐘意吹三國 , 但小弟最近發現 , 絕大多數三國名將 ,
其實都只有一場成名戰 ... 幾乎無一個可以係兩場大戰 , 都享有首功地位
以下係小弟自己既列表 , 有錯的話請指證 :

曹魏 :
夏侯淵--虎步關右
張遼--威震逍遙津
徐晃--樊城之戰 , 大敗關羽
張郃--街亭之戰(一出祁山之局部戰役)
司馬懿--突襲孟達 / 平定公孫淵
鄧艾--滅蜀之戰
東吳 :
孫策--平定江東
周瑜--赤壁之戰
呂蒙--襲取荊州
陸遜--彝陵之戰 / 石亭之戰
諸葛恪--東興之戰
蜀漢 :
關羽--水淹七軍(樊城之戰之局部戰役)
張飛--入蜀之戰
黃忠--斬夏侯淵(漢中之戰之局部戰役)
馬超--追殺曹操(潼關之戰前期)
諸葛亮--平涼州三郡(一出祁山前期)
本帖最後由 迦樓羅女王 於 2021-9-22 07:08 PM 編輯

攻城武器
https://www.youtube.com/watch?v=AnM2If-BbmE
作為香港人 , 其實小弟唔算認識鄭爽 , 但因為之前趙薇事件 , 睇左唔少內娛/ 資本分析視頻 , 結果睇睇下整理出鄭爽既基本時間線 :

.

對於鄭爽事件 , 最為人爭議既除左天價合約 , 就應該係棄養子女事件 , 而呢事件既源頭 , 卻是由鄭爽既野心開始 ...

.

鄭爽同張恒既結緣 , 其實係由一個機械人對戰綜藝開始 , 張恒係節目既技術顧問 , 算係個IT人材 ... 當時鄭爽因為每年要交幾百萬比微博而不甘 , 自己整APPS  想脫離微博 , 因而主動接近張恒 ...

.

其實心水清既人 , 應該都知道脫離微博 , 只有死路一條 ... 問題係 , 張恒會唔會咁答??? E+女神主動親近你 , 就係對你有呢方面幻想 , 你一答NO , 女神一定說BYEBYE ... 因此張恒好有可能係明知結果下 , 硬受頭皮去逞強 ... 結果當然不出所料 , 鄭爽蝕錢蝕得幾金 ^.^"

.

好有可能張恒為所挽留呢段本來唔應該屬於婚姻 , 係明顯肯定自己搞唔掂之前 , 就說服鄭爽用搵代母形式生下一對仔女 , 希望以此保證自己將來都仲有一個名份 ... 但估唔到鄭爽連仔女都唔要
討論 "日本戰國版袁紹" --今川義元

對於日本戰國前後三雄既第一位--今川義元 , 大多都只知道佢係桶狹間之戰中 ,
比大魔王織田信長捅死左 ... 所以一般人認為佢就係一件垃圾 ,
甚至以佢對京都審美時尚既追求而恥笑佢

但如果咁垃圾 , 真係做到前後三雄既第一人咩???

其實今川義元既功績 , 可以分兩方面 , 一係對外  一係對內 ...
對外而言佢一樣有兩大成就 , 外交上係同武田信玄  北條氏康結成駿甲模同盟 ,
三人明確左向不同方向擴張 , 而唔駛互相內耗 ;
而佢最大既軍事成 , 就係成功吞併三河國(即係德川家康祖傳領土) ...
跟住想繼續以 "上洛" 之名向西擴張 , 結果比織田信長捅死左 ^.^"

對內方面 , 日本戰國一般大名都係收50%糧食稅或更多 , 而今川義元只收40%
同時加緊查稅 , 結果因為減少逃稅而收入上升 ;
而且今川義元又完善左領土內 , 包括民生  政治  經濟既家法 ...

其實 , 講外交同軍事來講 , 相對前後三雄其他五位 , 以及北條氏康  毛利元就等
今川義元既成就真係唔算係 D咩 ...
但係內政來講就可能係頂級既 , 甚至其實大部份戰國大名 , 都唔係點理內政 ,
有搞既都或者或少係抄今川義元 ... 唔知大家點睇呢???

https://www.youtube.com/watch?v=8htn6TXNoxw
本帖最後由 迦樓羅女王 於 2021-9-25 04:29 PM 編輯

中國 "復國史"
講起復國 , 我唸大部份唸起既會係慕容氏 , 或者係猶太復國運動 ...
但其實中國都唔少 "復國" 既例子 :

1,少康復國 -- 發生係夏朝 , 話說第三代君主太康失國 , 由有窮氏族長一度--后羿一度當政 ,
後來后羿又被國相寒浞謀害 , 最終由流亡既少康復國成功
2,田氏篡齊 -- 或者有人會問 , 點解 "田氏篡齊" 係復國 ... 其實係因為田氏本姓陳 ,
其實係陳國宗室 , 後來陳國亡國 , 先走難到齊國 , 後來成為齊國卿大夫 , 最後 "田氏篡齊" ,
所以 "田齊" 係血統而言 , 可以視為復左國既陳國 ...
4,越國勾踐 -- 呢個簡單拉 , 吳國夫差曾經一度滅左越國 ... 後來竟然改左勾踐歸國 ^.^"
5,燕國復國 -- 戰國時 , 其實齊國一度攻滅燕國 , 可惜好快燕國人民就反抗 , 將齊軍趕出國境
6,田單復齊 -- 作為前齊滅燕國既後續 , 燕王係厲精圖治後 , 以樂毅為帥  聯合五國伐齊 ,一度攻下齊國全境 , 只剩莒  即墨二城 ... 後來燕國換帥 , 齊將田單趁機復齊
7,秦末起義 -- 秦末起義其實又可以叫六國復國運動 , 當然其主力係楚人--西楚霸王項羽拉 !!!
8,東漢復國 -- 打敗新朝之後 , 東漢劉秀自認復漢 ...
9,蜀漢復國 -- 唔講勒 ... 三國迷一定知 !!!
10,慕容復燕 -- 有睇金庸<天龍八部>慕容氏復燕既故事 ... 慕容氏本來建立左前燕 ,
後來被前秦苻堅所滅 ... 淝水之戰後前秦瓦體 , 慕容氏分別建後燕  西燕 , 兩者甚至有國本之爭
最後後燕吞併西燕 , 確立其燕國正宗既地位
11,西秦復國 -- 其實西秦一度為後秦所滅 , 但好快後秦又敗於後燕 , 後秦控制力下降 ,
西秦因此復國 ; 同時期既南涼 , 都一度自癈王號
12,北魏復國 -- 北魏即係原來既漠南政權代國 , 後來被前秦苻堅所滅 ... 淝水之戰後前秦瓦體
拓跋氏重新建國 , 改國號為 "魏" , 史稱北魏
13,唐朝復國 -- 關鍵字 : 武則天 ... 講完 !!! ^.^
14,北漢復國 -- 五代中既後漢 , 為郭威建立既後周所滅 , 後漢宗室就係太原復國 , 史稱 "北漢"
15,西遼復國 -- 遼國被金朝所滅後 , 宗室耶律大石帶住一萬契丹遺民 , 係中亞建立左西遼 ,
一度成為中西亞霸主 ... 另外 , 係蒙古滅金過程中 , 為左對付東北東夏國 , 一度容許耶律氏降將
係東北建立東遼國
16,大理復國 -- 大理國係中段 , 其實一度為權臣高氏所篡 , 不過後來復國 , 都係高氏自己還政
17,後金復國 -- 清朝係皇太極之前國號就係 "金" , 基本上最初可以話係打住復金旗號建國
18,護國戰爭 -- 點解護國戰爭都算??? 因為袁世凱稱帝 , 中國就改叫中華帝國 , 護國戰爭復既 就係中華民國
19,張勳復辟 -- 張勳入京想幫清朝復國
20,偽滿州國 -- 二戰日本既傀儡政權 , 但算係清朝既一次復國

我所知既大概就係咁多 ... 咁漢趙  後漢  南漢所謂既復漢 , 後唐  南唐所謂既復唐 , 我就唔計勒
另外西周  東晉  南宋 , 我認為只係遷都偏安 , 我都唔當復國勒
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。